ٹرمپ انتظامیہ کا ویزا پابندیوں کی نئی پالیسی کا اعلان
اشاعت کی تاریخ: 6th, March 2025 GMT
امریکا میں غیر قانونی امیگرینٹس کے داخلے کے ذمہ دار غیر ملکی سرکاری افسران کیخلاف ٹرمپ انتظامیہ نے ویزا پابندیوں کی نئی پالیسی کا اعلان کردیا ہے۔
برطانوی خبر ایجنسی نے دعویٰ کیا ہے کہ ٹرمپ انتظامیہ کے اس اقدام سے ممکنہ طور پر پاکستان اور افغانستان کے لوگ بھی متاثر ہوسکتے ہیں اور اس کا اطلاق اگلے ہفتے سے ہوگا۔
امریکی وزیر خارجہ مارکو روبیو کی جانب سے جاری بیان میں جن اہلکاروں کے امریکی ویزا پر پابندی کی پالیسی کااعلان کیا گیا ہے ان میں امیگریشن اور کسٹمز حکام، ہوائی اڈوں اور بندرگاہوں پر تعینات اہلکار اور ایسے دیگر اہلکار شامل کیے گئے ہیں جو غیرقانونی امیگرینٹس کو امریکا بھیجنے میں سہولت کاری کرتے ہیں۔
وزیر خارجہ مارکو روبیو کا کہنا ہے کہ یہ اقدام پہلے سے موجود اُس پالیسی میں اضافہ ہے جس کا دائرہ سن دوہزار چوبیس میں بڑھایا گیا تھا اور اس میں نجی سیکٹر کے وہ افراد شامل کیے گئے تھے جولوگوں کے غیرقانونی طورپر امریکا جانے کیلیے سفری سہولتیں فراہم کرتے ہیں۔
مارکو روبیو نے کہا کہ ایسے ممالک جو غیرقانونی طور پر نقل مکانی کرنیوالوں کا رستہ سمجھے جاتے ہیں انہیں جنوب مغربی سرحد سے امریکا میں داخل ہونے کی کوشش کرنیوالوں کا اپنے ممالک سے ٹرانزٹ روکنا ہوگا کیونکہ سرحدوں کا تحفظ امریکا کو مضبوط، محفوظ اور زیادہ خوشحال کرنے کے لیے انتہائی اہم ہے۔
امریکا کے صدر ڈونلڈ ٹرمپ نے پہلے دور صدارت میں سات مسلم اکثریتی ممالک کے شہریوں کے امریکا داخلے پر پابندی لگائی تھی اور بعض حلقوں کی جانب سے نئے اقدام کو بھی اسی تناظر میں دیکھا جارہا ہے۔
نئی پابندی سے ان ہزاروں افغانوں کا مستقبل بھی دھندلا گیا ہے جنہیں امریکا میں رہائش کیلئے کلیئرنس مل چکی ہے۔
.ذریعہ: Daily Mumtaz
پڑھیں:
امریکا غزہ میں وقت گزارنے والے ویزا درخواست گزاروں کے سوشل میڈیا کی اسکریننگ کریگا
امریکا غزہ میں وقت گزارنے والے ویزا درخواست گزاروں کے سوشل میڈیا کی اسکریننگ کریگا WhatsAppFacebookTwitter 0 18 April, 2025 سب نیوز
واشنگٹن (شاہ خالد )امریکا غزہ میں وقت گزارنے والے ویزا درخواست گزاروں کے سوشل میڈیا کی اسکریننگ کریگا۔
خبر رساں ادارے روئٹرز کی طرف سے دیکھی جانے والی ایک اندرونی کیبل کے مطابق امریکی وزیر خارجہ مارکو روبیو نے محکمہ خارجہ کو حکم دیا ہے کہ وہ امریکی ویزوں کے لیے غیرملکی درخواست گزاروں کے سوشل میڈیا اکاونٹس کا جائزہ لے جنہوں نے گزشتہ 18 سالوں میں غزہ کی پٹی کا دورہ کیا ہے۔اس کیبل میں تمام تارکین وطن اور غیر تارکین وطن امریکی ویزوں کا احاطہ کیا گیا ہے جس میں طلبا اور سیاح بھی شامل ہیں۔ان لوگوں کے جنہوں نے یکم جنوری 2007 کو یا اس کے بعد غزہ میں سرکاری یا سفارتی صلاحیت میں زیادہ وقت گزارا ہے ان کے سوشل میڈیا اسکریننگ کی جائے گی۔غیر سرکاری تنظیموں کے ملازمین اور رضاکاروں کو بھی امریکی اسکریننگ کا نشانہ بنایا جائے گا۔
اگر سوشل میڈیا کے جائزے میں سیکیورٹی کے مسائل سے متعلق ممکنہ توہین آمیز معلومات کا پتہ چلتا ہے تو کیبل کے مطابق امریکی ویزا کی درخواست کو انٹرایجنسی تحقیقات کے لیے پیش کیا جائے گا کہ آیا درخواست دہندہ قومی سلامتی کے لیے خطرہ بن سکتا ہے؟اس کیبل پر روبیو نے دستخط کیے تھے، جنہوں نے پہلے میڈیا کو بتایا تھا کہ ان کے دفتر نے اس سال کے آغاز سے اب تک 300 سے زائد ویزے منسوخ کیے ہیں۔ان میں اسٹوڈنٹ ویزا ہولڈرز بھی شامل ہیں جنہوں نے غزہ پر اسرائیل کی جنگ پر تنقید کی ہے حالانکہ امریکی آئین امریکا میں کسی بھی شخص کے ویزا کی حیثیت سے قطع نظر اس کی آزادی اظہار کا تحفظ کرتا ہے۔
قومی اسمبلی میں فلسطینیوں کی حمایت، اسرائیلی بربریت کیخلاف قرارداد منظور