فوج مخالف پی ٹی آئی سوشل میڈیا مہم، بیک چینل مذاکرات کو دھچکا
اشاعت کی تاریخ: 6th, March 2025 GMT
اسلام آباد (نیوز ڈیسک)بیک چینل مذاکرات بحال کرانے کی کوششوں میں مصروف تحریک انصاف کے رہنما پارٹی کے آفیشل ایکس (ٹوئٹر) اکائونٹ پر جاری کیے جانے والے آرمی چیف جنرل عاصم منیر کیخلاف جارحانہ بیان پر مایوس نظر آتے ہیں۔
باخبر ذرائع کا کہنا ہے کہ جارحانہ ٹویٹ اور کچھ دیگر متنازع مواد کا تبادلہ کیا گیا ہے۔ یہ صورتحال تحریک انصاف کیلئے ایک دھچکے سے کم نہیں کیونکہ ایک طرف پارٹی اسٹیبلشمنٹ کے ساتھ بات چیت کیلئے کوشاں ہے تو دوسری طرف فوج مخالف مہم چلا رہی ہے اور آرمی چیف پر ذاتی حملے کر رہی ہے۔
ٹویٹ پر ردعمل نے مبینہ طور پر پی ٹی آئی کے اُن رہنمائوں کو پریشان کر دیا ہے جو جیل میں قید پارٹی کے بانی چیئرمین عمران خان کی رضامندی سے اب بھی غیر رسمی بات چیت کے ذریعے مفاہمت کیلئے اصرار کر رہے ہیں۔
وزیراعلیٰ خیبرپختونخوا علی امین گنڈا پور اور پی ٹی آئی کے چیئرمین بیرسٹر گوہر اس تازہ ترین پیش رفت سے آگاہ ہیں۔ گنڈا پور اور بیریسٹر گوہر بیک چینل بات چیت میں مصروف رہے ہیں اور اب مبینہ طور پر ان طاقتوں کے ساتھ رابطہ قائم کرنے کی نئی کوششیں کر رہے ہیں۔
تاہم، پارٹی میں یہ احساس تقویت حاصل کر رہا ہے کہ اسٹیبلشمنٹ پر تنقید کرتے ہوئے بات چیت کیلئے کوششیں کرنے کا دوہرا معیار کارگر ثابت نہ ہوگا۔ عمران خان کو اس بات پر قائل کرنے کی کوشش کی گئی کہ سوشل میڈیا پر اسٹیبلشمنٹ کیخلاف پارٹی کا لب و لہجہ نرم رکھا جائے؛ تاہم انہوں نے ایسا نہیں کیا۔
پی ٹی آئی کے کئی رہنما تصادم کی اس حکمت عملی سے متفق نہیں تاہم اس حکمت عملی میں تبدیلی لانے کے معاملے میں وہ بے بس نظر آتے ہیں۔ نام ظاہر نہ کرنے کی شرط پر پارٹی کے ایک سینئر رہنما نے اس بات کا اعتراف کیا ہے کہ ہم ان لوگوں پر مسلسل تنقید کرتے ہوئے کسی ریلیف کی امید نہیں رکھ سکتے۔
فوج نے اپنی طرف سے کہا ہے کہ وہ سیاسی بات چیت میں شامل نہیں ہوگی اور اس بات پر مصر ہے کہ سیاسی جماعتوں کو اپنے مسائل آپس میں بات چیت سے حل کرنے چاہئیں۔
آرمی چیف جنرل عاصم منیر نے حال ہی میں عمران خان کی جانب سے خط موصول ہونے کی خبروں کو مسترد کرتے ہوئے کہا تھا کہ اگر ایسا کوئی خط آیا بھی تو وہ اسے پڑھنے کے بجائے وزیراعظم کو بھیج دیں گے۔ ان کا یہ بیان اس وقت آیا جب عمران خان نے آرمی چیف کو اپنا تیسرا کھلا خط لکھا تھا۔
حال ہی میں پی ٹی آئی کے رہنما علی امین گنڈا پور اور بیرسٹر گوہر نے جنرل عاصم منیر سے ملاقات کی جس سے ممکنہ سیاسی بات چیت کے بارے میں قیاس آرائیاں شروع ہو گئیں۔ تاہم، سرکاری اور سیکیورٹی ذرائع کا اصرار تھا کہ ملاقات غیر طے شدہ تھی اور اس میں صرف سیکورٹی امور پر بات ہوئی۔
عمران خان نے مبینہ طور پر اس ملاقات کو اسٹیبلشمنٹ کے ساتھ بات چیت کا آغاز سمجھا، تاہم بیرسٹر گوہر محتاط رہے اور میڈیا کو بتایا کہ صرف سکیورٹی امور پر بات ہوئی۔ کچھ میڈیا رپورٹس میں پی ٹی آئی کے نمائندوں اور اسٹیبلشمنٹ کی شخصیات کے درمیان فالو اپ میٹنگ کا اشارہ ملا تھا لیکن ایسی کسی بات چیت کی باضابطہ تصدیق نہیں ہوئی۔
(انصار عباسی)
ذریعہ: Daily Mumtaz
کلیدی لفظ: پی ٹی ا ئی کے ا رمی چیف بات چیت
پڑھیں:
فیصل قریشی سوشل میڈیا اسٹارز کی حمایت میں بول پڑے
مشہور پاکستانی ٹیلی ویژن اور فلم اداکار فیصل قریشی متعدد مشہور پاکستانی ڈرامہ سیریلز میں اپنی شاندار اداکاری کی مہارت کے لیے جانے جاتے ہیں۔ ان کے مقبول ترین ڈرامے بوٹا فرام ٹوبہ ٹیک سنگھ، قید تنہائی، میری ذات ذرہ بے نشان، میں عبدالقادر ہوں، بشر مومن اور فتور ہیں۔ انہوں نے حیوان، سبز پری لال کبوتر، آپ کے لیے اور بھیگی پلکیں جیسے ڈراموں میں بھی کام کیا۔
یہ بھی پڑھیں: ’ساری اسپائس ہی ختم کردی، اب لوگ کیا کریں گے‘ فیصل قریشی کا والدہ کے بیان پر تبصرہ
فیصل قریشی کی حالیہ ہٹ ڈرامہ سیریل ’کھائی‘ کی بھی بہت زیادہ تعریف کی جارہی ہے۔ اسی طرح ’چنار خان‘ کی اداکاری کو بھی مداحوں نے بے حد پسند کیا۔
ایک حالیہ شو میں فیصل قریشی اور اظفر رحمان نے سوشل میڈیا اسٹارز اور دانیر مبین کے بارے میں بات کی، فیصل قریشی نے کہا کہ آج کل لوگ اعتراض کرتے ہیں کہ ٹک ٹاک اور انسٹاگرام نے اسٹارز بنا دیے ہیں، میرے خیال میں وہ یہ کام کبھی کبھار دلکشی کے لیے کرتے ہیں لیکن حقیقی اداکار ہیں جو محنت کر رہے ہیں اور ان کی تعریف کی جانی چاہیے۔
انہوں نے مزید کہا، ’دانیر مبین ایک بہت محنتی اسٹار ہیں جن کا سوشل میڈیا کا پس منظر ہے۔ میں ان کے ساتھ ایک فلم کررہا ہوں اور انہوں نے مظفرآباد میں شوٹ ہونے والے ایک سخت سیکونس کے لیے کافی مشق کی تھی، دانیز مبین نے اس منظر کی سو بار مشق کی۔
یہ بھی پڑھیں: فیصل قریشی کا اہلیہ کے ساتھ سرعام پیار، ویڈیو وائرل، سوشل میڈیا صارفین سیخ پا
انہوں نے کہا کہ وہ ایک بہترین شاٹ دینا چاہتی ہیں اور اسی وجہ سے وہ اس گرمی میں پریکٹس کر رہی ہیں۔ یہی وہ جذبہ ہے جو آج کے نوجوان اداکاروں میں نظر آتا ہے۔
اس موقع پر اظفر رحمان نے کہا کہ کام کسی کی ملکیت نہیں ہے اور کوئی بھی کرسکتا ہے، جیسے دانیر بہت محنت کررہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اظفر رحمان انسٹاگرام دانیز مبین سوشل میڈیا اسٹارز فیصل قریشی
چین کی قیادت میں تیار کردہ بزرگوں کی دیکھ بھال کے روبوٹ کے بین الاقوامی معیارات کا باقاعدہ اعلان