کراچی: 5 روز کے دوران ڈکیتی مزاحمت پر 5 شہری قتل
اشاعت کی تاریخ: 6th, March 2025 GMT
—فائل فوٹو
کراچی میں 5 روز کے دوران ڈاکوؤں نے مزاحمت پر 5 شہریوں کو قتل کر دیا۔
پولیس کے مطابق پی ای سی ایچ ایس میں ڈاکوؤں کی فائرنگ سے سیکیورٹی گارڈ جاں بحق ہو گیا۔
گزشتہ روز سہراب گوٹھ اور قائد آباد میں ڈاکوؤں کی فائرنگ سے 2 شہری جاں بحق ہوئے تھے۔
یہ بھی پڑھیے رمضان میں بھی کراچی پر ڈاکوؤں کا راج، ایک دن میں 2 شہری قتلپولیس کا کہنا ہے کہ قائد آباد میں شہری کو قتل کرنے والے ڈاکو کو عوام نے تشدد کر کےجان سے مار دیا۔
4 مارچ کو بھی قائد آباد فلائی اوور کے نیچے ڈاکوؤں کی فائرنگ سے شہری جاں بحق ہوا تھا جبکہ 2 مارچ کو اسکیم 33 غازی گوٹھ میں ڈاکوؤں کی فائرنگ سے دکاندار جاں بحق ہوا تھا۔
پولیس نے کہا کہ پولیس نے تعاقب کے بعد مقابلے میں ایک ڈاکو کو زخمی حالت میں گرفتار کر لیا۔
.ذریعہ: Jang News
کلیدی لفظ: ڈاکوؤں کی فائرنگ سے
پڑھیں:
کراچی؛ سحری کے وقت موٹرسائیکل سواروں کی فائرنگ، گلی کا سیکورٹی گارڈ جاں بحق
کراچی کے علاقے پی ای سی ایچ ایس سوسائٹی میں موٹرسائیکل سواروں کی فائرنگ سے گلی کا سیکورٹی گارڈ جاں بحق ہوگیا۔
ترجمان کراچی پولیس کے مطابق فیروز آباد کے علاقے پی ای سی ایچ ایس بلاک 2 گلی نمبر 4 میں موٹر سائیکل سوار ملزمان کی فائرنگ سے ایک شخص جاں بحق ہو گیا۔ مقتول کی لاش جناح اسپتال منتقل کی گئی۔ مقتول کی شناخت 38 سالہ مرزا ساجد بیگ ولد ریاض بیگ کے نام سے کی گئی۔
مقتول لائنز ایریا کا رہائشی اور نجی سیکیورٹی کمپنی کا گارڈ تھا۔ واقعے کے وقت مقتول مزکورہ علاقے کی گلی میں بطور سیکیورٹی ڈیوٹی انجام دے رہا تھا کہ نامعلوم موٹرسائیکل سوار ملزمان آئے اور فائرنگ کر کے فرار ہوگئے۔ علاقہ مکینوں کے مطابق مقتول ساجد ایک بیٹی کا باپ تھا اور گزشتہ ڈیڑھ سال سے گلی میں سیکیورٹی کے فرائض انجام دے رہا تھا۔ ، مکینوں نے بتایا کہ واقعہ سحری کے ٹائم پیش آیا۔ محلے والے سحری میں مصروف تھے فائرنگ کی آواز سنائی دی فوری طور پر گلی میں نکل کر دیکھا تو ساجد کی خون میں لت پت لاش پڑی ہوئی تھی۔
انہوں نے بتایا کہ علاقے کی گاڑیوں سے آئے دن بیٹریاں چوری ہو رہی تھیں جبکہ اسٹریٹ کرائم کی وارداتیں بھی بہت زیادہ بڑھ گئیں تھیں۔ متعدد بار فیروز آباد تھانے والوں کو درخواست دی کہ علاقے میں پولیس کا گشت بلکل نہیں ہے وہ بڑھایا جائے تاہم نامعلوم وجوہات پر پولیس نے گشت نہیں بڑھایا بلکہ کبھی کبھی جو دن کے وقت پولیس موبائل آتی تھی وہ بھی اب چکر نہیں لگاتی تھی۔ ساجد کے سکیورٹی گارڈ رکھنےکے بعد سے وارداتیں تھم گئی تھیں جس پر علاقے والو ں نے سکون کا سانس لیا تھا۔
پولیس کو جائے وقوعہ سے تیس بور پستول کے تین خول ملے ہیں۔ کراٸم سین یونٹ کی ٹیم واقعے کے بعد جائے وقوعہ پر پہنچ گئی تھی اور شواہد اکھٹے کیے۔ پولیس کا کہنا تھا کہ ورثا کو اطلاع کردی گئی۔
دوسری جانب گڈاپ سٹی کے علاقے سپرہائی وے ڈی ایچ اے 9 کے قریب فائرنگ سے ایک شخص زخمی ہوگیا۔ زخمی ہونے والے شخص کو ایدھی ایمبولینس کے ذریعے فاطمہ بقائی اسپتال ٹول پلازہ منتقل کیا گیا۔ ترجمان کراچی پولیس کے مطابق زخمی ہونے والے شخص کی شناخت 69 سالہ زاہد حسین ولد بادل خان کے نام سے کی گئی۔ فائرنگ کا واقعہ ڈکیتی کی واردات کے دوران مزاحمت پر پیش آیا۔ علاقہ پولیس واقعے کی تحقیقات کر رہی ہے ۔
سعودی گروپ خوشاب کے قریب معدنیات میں 150 ملین ڈالرسرمایہ کاری کریگا