انڈونیشیا اور پاکستان کے درمیان جلد تجارتی معاہدے ہونگے
اشاعت کی تاریخ: 6th, March 2025 GMT
کراچی:
سفارتی اور فارن آفس کے اعلیٰ ذرائع کا کہنا ہے کہ انڈونیشیا اور پاکستان کے درمیان بہت جلد 10 سے زائد مفاہمتی یادداشتوں پر دستخط ہونے جارہے ہیں، دونوں فریق تجارتی تعلقات کو مزید مضبوط بنانے کیلیے فری ٹریڈ ایگریمنٹ پر بھی مزید گفتگو کریں گے۔
یاد رہے کہ انڈونیشی صدر کو 26 سے 28 جنوری تک پاکستان کا دورہ کرنا تھا، لیکن ناگزیر وجوہات کی بنا پر یہ دورہ ممکن نہ ہوسکا، اب انڈونیشی صدر کا دورہ جلد ری شیڈول ہوگا۔
متوقع دورے کے دوران تعلیم، آئی ٹی، سیاحت، انرجی اینڈ فوڈ اور ملٹری تعاون کو بڑھانے پر گفتگو کیجائے گی اور معاہدوں کو حتمی شکل دی جائے گی۔
دونوں ممالک کے درمیان تجارتی امکانات کا جائزہ لیا جائے تو پاکستان انڈونیشیا کو پراسسڈ فوڈ، فارماسیوٹیکلز، آئی ٹی سروسز، اور حلال گوشت ایکسپورٹ کرنے کی صلاحیت رکھتا ہے۔
جبکہ انڈونیشیا پاکستان کو الیکٹرانکس، آٹو پارٹس، اور پراسسڈ پام بیسڈ مصنوعات فراہم کرسکتا ہے، 2023 میں پاکستان نے انڈونیشیا کو 328.
واضح رہے کہ انڈونیشیا دنیا کی نصف نکل پیدا کرتا ہے، اور انڈونیشیا اس نکل کو دنیا کی الیکٹرک وہیکل سپلائی چین میں نمایاں مقام پر رکھنے کا ارادہ رکھتا ہے۔
انڈونیشیا خاص طور پر ایشیا اور سینٹرل ایشیا میں لیتھیئم بیٹریز اور الیکٹرک وہیکلز کی مارکیٹ پر قبضہ جمانا چاہتا ہے، اس طرح لیتھیئم بیٹریوں کے مشترکہ منصوبے دونوں ممالک کے بہترین مفاد میں ثابت ہونگے۔
ذریعہ: Express News
پڑھیں:
وزیرخارجہ اسحاق ڈار اپریل میں بنگلہ دیش کا دورہ کریں گے
پاکستان کے نائب وزیراعظم و وزیرخارجہ اسحاق ڈار اپریل میں بنگلہ دیش کا دورہ کریں گے۔
بنگلہ دیشی میڈیا کے مطابق پاکستان کے ایڈیشنل سیکریٹری خارجہ برائے ایشیا پیسفک عمران احمد صدیقی اپنے وزیر خارجہ کے آئندہ ڈھاکہ دورے کی تیاریوں کے ایک حصے کے طور پر ڈھاکہ پہنچے۔
یہ بھی پڑھیں: پاکستانی تجارتی وفد کا12 سال بعد دورہ بنگلہ دیش، تعلقات مزید گہرے کرنے پر اتفاق
عمران احمد صدیقی نے ڈھاکہ میں بنگلہ دیش کے سیکریٹری خارجہ محمد جشم الدین سے ملاقات کی، جہاں انہوں نے پاکستان کے وزیر خارجہ اسحاق ڈار کا ایک خط بنگلہ دیش کے سیکریٹری خارجہ کے حوالے کیا۔
ملاقات کے دوران دونوں فریقین نے پاکستان بنگلہ دیش تعلقات کی موجودہ صورتحال کا جائزہ لیا جو باہمی احترام اور مشترکہ اقدار پر مبنی ہیں۔ انہوں نے تعلقات کی مثبت رفتار پر اطمینان کا اظہار کیا اور تعاون کو مزید بڑھانے میں مصروف رہنے پر اتفاق کیا۔ پاکستان کے نائب وزیراعظم اور وزیر خارجہ کے آئندہ دورہ بنگلہ دیش پر بھی تبادلہ خیال کیا گیا۔
یہ بھی پڑھیں: پاکستانی وزیر خارجہ کا 12 سال بعد دورہ بنگلہ دیش، کیا توقعات وابستہ ہیں؟
جناب محبوب الرحمٰن، سیکریٹری کامرس کے ساتھ اپنی ملاقات میں، دونوں فریقین نے دوطرفہ اقتصادی اور تجارتی تعلقات کے مختلف پہلوؤں پر تبادلہ خیال کیا، بڑھتی ہوئی رفتار کو تسلیم کیا اور مزید وسعت کے امکانات کا جائزہ لیا۔
سفیر صدیقی نے ثقافتی تعاون کی راہیں تلاش کرنے کے لیے وزارت ثقافتی امور کے سیکریٹری جناب عطاالرحمٰن سے بھی ملاقات کی، جس میں موسیقی، سینما، ڈرامہ، نوجوانوں کے تبادلے اور عوام کے درمیان رابطے شامل ہیں۔ فریقین نے دونوں ممالک کے درمیان ثقافتی تعلقات کو مضبوط بنانے کے لیے مل کر کام کرنے پر اتفاق کیا۔
یہ بھی پڑھیں: پاکستانی تجارتی وفد کی چٹاکانگ میں بنگلہ دیشی تاجروں سے ملاقات، دو طرفہ تجارت بڑھانے پر اتفاق
وزارت داخلہ کے سینئر سیکرٹری جناب نسیم الغنی کے ساتھ ملاقات میں دونوں فریقین نے پاکستان اور بنگلہ دیش کے درمیان سفر کی آسانی پر اطمینان کا اظہار کیا اور دو طرفہ تعاون کو بڑھانے کے مختلف طریقوں پر تبادلہ خیال کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
۔اسلام آباد 10 ہزار اسکول بند we news پاکستان سیکریٹری خارجہ عمران احمد صدیقی وزیرخارجہ
مصطفی قتل کیس، ارمغان کا نام انڈرورلڈ ڈان کی طرز پرابھرنے لگا