غزہ کی تعمیر نو سے متعلق مصر کی تجویز پر پاکستان کا خیرمقدم
اشاعت کی تاریخ: 5th, March 2025 GMT
پاکستان نے عرب لیگ کی جانب سے غزہ کی تعمیر نو کے لیے مصر کی تجویز کا خیر مقدم کیا ہے۔
وزیراعظم شہبازشریف نے مائیکرو بلاگنگ سائٹ ایکس پر اپنے پیغام میں کہا کہ وہ عرب لیگ کی طرف سے غزہ کی تعمیر نو کے لیے مصری صدر عبدالفتاح السیسی کے منصوبے کی منظوری اور فلسطینیوں کو ان کے آبائی وطن سے بے گھر کرنے کے کسی بھی منصوبے کو سختی سے مسترد کرنے کا خیرمقدم کرتے ہیں۔
یہ بھی پڑھیں: عرب رہنماؤں نے مصر کے غزہ کی تعمیر نو کے منصوبے کی حمایت کردی
وزیراعظم نے کہا ’میں پاکستان کے اس مطالبے کا اعادہ کرتا ہوں کہ اقوام متحدہ کو چاہیے کہ وہ 2 ریاستوں کے حل کی توثیق کرنے والی اپنی قراردادوں پر ‘عمل درآمد یقینی بنائے، جس میں 1967 سے پہلے کی سرحدوں پر مبنی ایک قابل عمل، خود مختار فلسطینی ریاست، جس کا دارالحکومت القدس شریف ہو۔
I welcome Arab League’s approval of Egyptian President Abdel Fattah Al-Sisi’s plan for Gaza’s reconstruction and the League’s firm rejection of any plan to displace the Palestinians from their homeland.
I reiterate Pakistan’s call that the United Nations must ensure…
— Shehbaz Sharif (@CMShehbaz) March 5, 2025
یاد رہے کہ عرب لیگ کے مصر میں اجلاس میں مصر کے دارالحکومت قاہرہ میں ہونے والے اجلاس میں امریکی صدر ڈونلڈ ٹرمپ کے منصوبے کے خلاف غزہ کی تعمیر نو کے ایک متبادل منصوبے کی منظوری دی گئی ہے۔
مذکورہ منصوبہ یہ منصوبہ ’مصر نے فلسطین اور عرب ممالک کے تعاون سے پیش کیا ہے اور اس کی بنیاد جامع عرب پلان کے طور پر غزہ کی جلد بحالی اور تعمیر نو کے حوالے سے ورلڈ بینک اور اقوام متحدہ کے ڈیویلپمنٹ پروگرام پر ہونے والی تحقیقات پر رکھی گئی ہے۔‘
یہ بھی پڑھیں: ڈونلڈ ٹرمپ نے بالآخر غزہ سے فلسطینیوں کی بے دخلی کے منصوبے پر پسپائی اختیار کرلی
اس منصوبے کے تحت غزہ کے 20 لاکھ سے زیادہ رہائشیوں کو اپنی اس زمین پر رہنے کا حق دیا گیا ہے۔
خیال رہے کہ ٹرمپ نے غزہ سے 20 لاکھ سے زیادہ فلسطینیوں کی عرب ممالک میں منتقلی کا منصوبہ پیش کیا تھا جو نہ صرف حماس بلکہ عرب اور یورپی ممالک نے بھی سختی سے مسترد کردیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل اقوام متحدہ پاکستان تعمیر نو عرب لیگ غزہ فلسطین وزیراعظم شہباز شریفذریعہ: WE News
کلیدی لفظ: اسرائیل اقوام متحدہ پاکستان عرب لیگ فلسطین وزیراعظم شہباز شریف غزہ کی تعمیر نو کے کے منصوبے عرب لیگ
پڑھیں:
غزہ کی تعمیر نو، عرب رہنماؤں نے مصر کے منصوبے کی مکمل حمایت کا اعلان کر دیا
CAIRO:عرب ممالک نے امریکی صدر ڈونلڈ ٹرمپ کے غزہ پر قبضے اور فلسطینیوں کی بے دخلی کے منصوبے کو مسترد کرتے ہوئے مصر کے متبادل منصوبے کی حمایت کی ہے۔
منگل کو قاہرہ میں ہونے والے غیر معمولی اجلاس میں مصر، سعودی عرب، قطر، اردن، شام اور دیگر عرب ممالک کے رہنماؤں نے شرکت کی۔ اجلاس کا مقصد امریکی منصوبے کے خلاف مشترکہ عرب مؤقف اپنانا تھا، جس میں غزہ کی تعمیر نو اور آزاد فلسطینی ریاست کے قیام پر بات چیت کی گئی۔
مصر نے 53 ارب ڈالر کے مجوزہ 5 سالہ منصوبے کا اعلان کیا جس میں غزہ میں لاکھوں مکانات، تجارتی بندرگاہ اور ائیرپورٹ کی تعمیر شامل ہے، اور فلسطینی علاقوں میں انتخابات اور دو ریاستی حل کی کوششیں بھی شامل ہیں۔
اجلاس کے اختتام پر عرب لیگ کے سیکرٹری جنرل احمد ابوالغیط نے کہا کہ مصر کا منصوبہ اب ایک مشترکہ عرب منصوبہ بن چکا ہے۔
مصر کے صدر عبدالفتاح السیسی نے کہا کہ اس منصوبے کے تحت فلسطینیوں کو اپنی سرزمین پر رہنے کی اجازت دی جائے گی، اور ایک انتظامی کمیٹی تشکیل دی جائے گی جو غزہ کی انتظامیہ اور انسانی امداد کی نگرانی کرے گی۔
فلسطین کے صدر صدر محمود عباس نے غزہ کی انتظامیہ مکمل طور پر فلسطینی اتھارٹی کے حوالے کرنے کا مطالبہ کیا۔
خیبرپختونخوا میں رمضان کے پیش نظر گوشت کا ہفتہ وار ناغہ ختم