ایک ارب ڈالر کی دوسری قسط کا حصول، پاکستان اور آئی ایم ایف کے درمیان مذاکرات جاری
اشاعت کی تاریخ: 5th, March 2025 GMT
پاکستان اور آئی ایم ایف کی ٹیموں کے درمیان ایک ارب ڈالر کی اگلی قسط کے حصول کے لیے جائزہ مذاکرات جاری ہیں۔
میڈیا رپورٹس کے مطابق آئی ایم ایف کا وفد اس وقت پاکستان میں موجود ہے، جسے پاور ڈویژن اور پیٹرولیم ڈویژن کے حکام کی جانب سے بریفنگ دی گئی ہے۔
یہ بھی پڑھیں معاشی ترقی: کیا پاکستان کو آئی ایم ایف سے نجات مل سکتی ہے؟
میڈیا رپورٹس کے مطابق آئی ایم ایف سے جاری مذاکرات میں یہ یقین دہانی کرائی گئی ہے کہ ٹیکس اور جرمانوں سے متعلق مقدمات تیزی سے نمٹائے جائیں گے۔
اس کے علاوہ یہ بھی کہا گیا ہے کہ ایف بی آر 600 ارب روپے کا ٹیکس شارٹ فال پورا کرنے کے حوالے سے مقدمات کے ذریعے ریکوری کے لیے پُرامید ہے۔
پاکستان کا آئی ایم ایف کے ساتھ 7 ارب ڈالر کے حصول کا معاہدہ ہوا ہے جس کے تحت ایک قسط وصول بھی ہوچکی ہے، اور اب پاکستان دوسری قسط کے حصول کے مشن پر ہے۔
اقتصادی جائزہ کے لیے آئی ایم ایف کے نمائندہ ناتھن پورٹر کی قیادت میں وفد کی پاکستانی حکام کے ساتھ بات چیت تیسرے روز بھی جاری رہی۔
میڈیا رپورٹس کے مطابق پاور ڈویژن نے آئی ایم ایف کو بجلی کی تقسیم کار کمپنیوں کی کارکردگی کے حوالے سے بریفنگ دی، اس کے علاقہ آئی پی پیز کی نجکاری اور گردشی قرض کے حوالے سے بھی بتایا۔
پاور ڈویژن نے اپنی بریفنگ میں کہاکہ لائن لاسز میں کمی، بجلی چوری روکنے اور بلوں کی وصولی بڑھانے کے لیے اقدامات تیزی سے جاری ہیں۔
میڈیا رپورٹس کے مطابق پاکستانی حکام نے آئی ایم ایف حکام کو بجلی ٹیرف میں 8 سے 10 روپے فی یونٹ کمی کے منصوبے پر اعتماد میں لیا ہے۔
میڈیا رپورٹس میں کہا گیا ہے کہ مذاکرات کے دوران گیس سیکٹر کے 3 ہزار ارب گردشی قرض کا معاملہ بھی زیر بحث آیا، جسے ختم کرنے کے پلان پر غور کیا گیا۔ جبکہ یہ فیصلہ کیا گیا کہ ٹیکس اور جرمانوں سے متعلق مقدمات کو تیز رفتاری سے نمٹایا جائےگا۔
یہ بھی پڑھیں آئی ایم ایف نے مطالبہ مان لیا، سیلز ٹیکس پر چھوٹ کے بعد کیا پی آئی اے کی نجکاری ہوجائے گی؟
وفاقی وزیر خزانہ محمد اورنگزیب پُرامید ہیں کہ آئی ایم ایف کے ساتھ مذاکرات کا عمل جلد مکمل ہونے کے بعد قسط ریلیز ہو جائےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایم ایف آئی ایم ایف مشن ایک ارب ڈالر بریفنگ پاکستان پاور ڈویژن جائزہ مذاکرات قسط کا حصول وی نیوز.ذریعہ: WE News
کلیدی لفظ: ا ئی ایم ایف ا ئی ایم ایف مشن ایک ارب ڈالر بریفنگ پاکستان پاور ڈویژن جائزہ مذاکرات قسط کا حصول وی نیوز میڈیا رپورٹس کے مطابق آئی ایم ایف کے پاور ڈویژن ارب ڈالر کے لیے
پڑھیں:
پاکستان کا خسارہ بڑھ گیا،تشویشناک رپورٹ جاری
غیرملکی تجارت میں پاکستان کا خسارہ بڑھ گیا، ادارہ شماریات کے مطابق فروری میں دو ارب انتیس کروڑ ڈالر خسارہ ہوا، برآمدات کی مالیت دو ارب تینتالیس کروڑ ڈالر رہی، رواں مالی سال آٹھ ماہ کا تجارتی خسارہ پندرہ ارب اٹہتر کروڑ ڈالر ہوگیا۔
رواں مالی سال کے پہلے آٹھ ماہ میں تجارتی خسارہ میں اضافہ ریکارڈ ہوا، رواں مالی سال جولائی سے فروری تجارتی خسارہ 15 ارب 78 کروڑ ڈالر رہا جبکہ گزشتہ سال کو اسی عرصہ میں تجارتی خسارہ 14 ارب 80 کروڑ ڈالر تھا۔
ادارہ شماریات نے ملکی تجارتی اعداد وشمار سے متعلق رپورٹ جاری کر دی، جس کے مطابق جولائی سے فروری ملکی برآمدات کا حجم 22 ارب 2 کروڑ ڈالر ریکارڈ ہوا جبکہ گزشتہ مالی سال کی اسی عرصے کے دوران برآمدات 20 ارب 35 کروڑ ڈالر تھی۔رپورٹ کے مطابق 8 ماہ میں درآمدات میں 7.40 فیصد کا اضافہ ہوا، اسی عرصہ کے دوران برآمدات میں 8.17 فیصد اضافہ ہوا۔
ادارہ شماریات کے مطابق رواں مالی سال تجارتی خسارے کا حجم 15 ارب 78 کروڑ ڈالر ریکارڈ ہوا جبکہ جنوری کی نسبت فروری 2025 میں برآمدات میں 17.35 فیصد کمی ریکارڈ ہوئی۔فروری 2025 میں برآمدات کا حجم 2 ارب 43 کروڑ ڈالر رہا، فروری 2024 کی نسبت گزشتہ ماہ برآمدات میں 5.57 فیصد کی کمی ریکارڈ ہوئی ہے۔
خیبرپختونخوا میں رمضان کے پیش نظر گوشت کا ہفتہ وار ناغہ ختم