کراچی کے حقوق و مسائل، منعم ظفر خان کا عید کے بعد ملین مارچ کا اعلان
اشاعت کی تاریخ: 5th, March 2025 GMT
پریس کانفرنس کرتے ہوئے امیر جماعت اسلامی کراچی نے کہا کہ حکمرانوں سے کراچی کا حق لے کر رہیں گے، جس شہر کے ٹیکسوں اور ریونیو پر پورا ملک اور صوبہ سندھ انحصار کرتا ہے، اس کے شہری پانی کی قلت، بجلی و گیس کی لوڈ شیڈنگ، انفرااسٹرکچر اور سڑکوں کی تباہ حالی، اشیائے صرف کی گرانی، مسلح ڈکیتوں کی لوٹ ماراور خونی ٹینکرز و ڈمپر کا نشانہ بن رہے ہیں۔ اسلام ٹائمز۔ امیر جماعت اسلامی کراچی منعم ظفرخان نے ادارہ نورحق میں پریس کانفرنس سے خطاب کرتے ہوئے کہا ہے کہ وفاقی و صوبائی حکومتیں، پیپلزپارٹی، نواز لیگ اور ایم کیو ایم اقتدار کی بندر بانٹ اور نوراکشتی میں لگی ہوئی ہیں، کراچی کے ساڑھے تین کروڑ عوام کے گھمبیر مسائل سے انہیں کوئی سروکار نہیں، پیپلز پارٹی کی 17 سالہ بدترین دور حکمرانی اور حکمران پارٹیوں کی کراچی کے مسائل سے عدم دلچسپی، مجرمانہ غفلت و لاپرواہی کے خلاف اور اہل کراچی کے حقوق و مسائل کے حل کے لیے جماعت اسلامی عید الفطر کے بعد عظیم الشان ملین مارچ کرے گی، کراچی کے عوام کو تنہا نہیں چھوڑیں گے، حکمرانوں سے کراچی کا حق لے کر رہیں گے، جس شہر کے ٹیکسوں اور ریونیو پر پورا ملک اور صوبہ سندھ انحصار کرتا ہے، اس کے شہری پانی کی قلت، بجلی و گیس کی لوڈ شیڈنگ، انفرااسٹرکچر اور سڑکوں کی تباہ حالی، اشیائے صرف کی گرانی، مسلح ڈکیتوں کی لوٹ ماراور خونی ٹینکرز و ڈمپر کا نشانہ بن رہے ہیں اور حکمران ”سب اچھا ہے“ کا راگ الاپ رہے ہیں، وزیر اعلیٰ مصنوعی مہنگائی برداشت نہ کرنے کے اعلانات کرنے کے بجائے بتائیں، پرائس کنٹرول کے حکومتی محکمے، کمشنر، اے سی اور ڈی سی کیا کررہے ہیں، قابض میئر مرتضیٰ وہاب وفاقی حکومت سے مطالبہ کرنے کے بجائے کراچی کے عوام کے مسائل حل کریں، ان کی پارٹی وفاق کا حصہ ہے۔
منعم ظفر خان نے کہا کہ دنیا بھر میں مختلف تہواروں کے مواقع پر عوام کو ریلیف دیا جاتا ہے، اشیائے ضروریہ کی قیمتیں کم کردی جاتی ہیں لیکن پاکستان میں رمضان المبارک اور عید کے موقع پر مہنگائی کا طوفان آجاتا ہے اور لوگوں کی قوت خرید جواب دے جاتی ہے، صورتحال یہ ہے کہ ایک طرف سبزی، دالیں، پھل و دیگر اشیاء عام آدمی کی پہنچ سے باہر ہوچکی ہیں اور دوسری طرف گیس کی لوڈشیڈنگ کا نہ ختم ہونے والا سلسلہ ہے، بارہ بارہ چودہ چودہ گھنٹے بجلی کی لوڈشیڈنگ ہورہی ہے، موجودہ موسم میں بجلی کی لوڈشیڈنگ کی یہ صورتحال ہے، تو گرمیوں میں کیا حالت ہوگی؟ وزیر اعظم اور وزیر اعلی نے ہدایت کی تھی کہ سحر و افطار میں گیس کی لوڈشیڈنگ نہیں ہوگی لیکن کہیں گیس موجود نہیں ہے، لوگ شدید اذیت و کرب سے گزررہے ہیں، شہر کے 50 فیصد سے زائد علاقے پینے کے پانی سے محروم ہیں، ٹینکر مافیا اربوں روپے کما رہے ہیں، چوبیس گھنٹے یہ ٹینکر شہر میں دندناتے پھرتے ہیں، آئے دن ان ٹینکروں کے نیچے آکر کوئی نہ کوئی شہری اپنے جان سے ہاتھ دھو بیٹھتا ہے، پچھلے دومہینوں میں چوری و ڈکیتی کے دس ہزار سے زائد واقعات پیش آچکے ہیں جن میں 14 افراد اپنی جان سے چلے گئے اور کم و بیش 40 افراد زخمی ہوئے۔
ذریعہ: Islam Times
کلیدی لفظ: کی لوڈشیڈنگ کراچی کے رہے ہیں گیس کی
پڑھیں:
رمضان المبارک میں بجلی و گیس کی لوڈشیڈنگ ناقابلِ قبول ہے، ناصر حسین شاہ
اپنے بیان میں وزیر توانائی سندھ نے خبردار کیا کہ اگر رمضان میں سحر و افطار کے دوران بجلی یا گیس کی بندش جاری رہی تو عوام کی مشکلات میں مزید اضافہ ہوگا، جو کسی بھی صورت برداشت نہیں کیا جائے گا، وفاقی حکومت بجلی اور گیس کی مسلسل فراہمی کو یقینی بنائے اور عوام کو سہولت فراہم کرے۔ متعلقہ فائیلیںاسلام ٹائمز۔ وزیر توانائی سندھ سید ناصر حسین شاہ نے رمضان المبارک میں بجلی اور گیس کی بلا تعطل فراہمی یقینی بنانے کا مطالبہ کرتے ہوئے کے الیکٹرک، حیسکو اور سیپکو کو فوری انتظامات بہتر بنانے کی ہدایت دی ہے۔ انہوں نے کہا کہ رمضان میں لوڈشیڈنگ عوام کے ساتھ زیادتی ہوگی اور یہ کسی صورت قابلِ قبول نہیں۔ وزیر توانائی نے اپنے بیان میں کہا کہ مارچ میں سردی ختم ہو چکی ہے، اس کے باوجود گیس کی لوڈشیڈنگ سمجھ سے بالاتر ہے، وزیراعظم فوری نوٹس لیں۔
انہوں نے مزید کہا کہ وفاقی حکومت اپنے تمام محکموں کو پابند کرے کہ رمضان المبارک میں عوام کو کسی بھی قسم کی مشکلات کا سامنا نہ کرنا پڑے۔ سید ناصر حسین شاہ نے خبردار کیا کہ اگر رمضان میں سحر و افطار کے دوران بجلی یا گیس کی بندش جاری رہی تو عوام کی مشکلات میں مزید اضافہ ہوگا، جو کسی بھی صورت برداشت نہیں کیا جائے گا۔ انہوں نے مطالبہ کیا کہ وفاقی حکومت بجلی اور گیس کی مسلسل فراہمی کو یقینی بنائے اور عوام کو سہولت فراہم کرے۔
خیبرپختونخوا میں رمضان کے پیش نظر گوشت کا ہفتہ وار ناغہ ختم