جویریہ سعود کے رمضان شو میں حیران کن سوال، ناظرین دنگ رہ گئے
اشاعت کی تاریخ: 5th, March 2025 GMT
کراچی(نیوز ڈیسک) شوبز انڈسٹری کی معروف اداکارہ، میزبان اور لکھاری جویریہ سعود اس سال ایکسپریس انٹرٹینمنٹ پر رمضان ٹرانسمیشن کی میزبانی کر رہی ہیں، جہاں ناظرین لائیو کال کے ذریعے دینی اسکالرز سے سوالات کر سکتے ہیں۔ حال ہی میں ایک کال کے دوران ایسا سوال سامنے آیا، جس نے نہ صرف جویریہ بلکہ دیکھنے والوں کو بھی حیران کر دیا۔
گوجرانوالہ سے سیمیہ نامی خاتون نے کال کر کے دریافت کیا کہ اگر اسلام میں مردوں کو چار شادیوں کی اجازت ہے تو عورتوں کو ایک سے زیادہ شوہر رکھنے کی اجازت کیوں نہیں؟
ان کا کہنا تھا کہ وہ ایک ورکنگ وومن ہیں اور اپنے شادی شدہ کولیگ سے محبت کرنے لگی ہیں، جس پر پورے سیٹ پر خاموشی چھا گئی۔
جویریہ سعود نے اس سوال پر سنجیدگی سے ردِعمل دیتے ہوئے سیمیہ کو نصیحت کی کہ وہ اپنے جذبات پر قابو رکھیں، جبکہ مولانا صاحب نے بھی شرعی نقطہ نظر سے وضاحت کی۔
یہ ویڈیو سوشل میڈیا پر تیزی سے وائرل ہو گئی، جس پر ملا جلا ردعمل سامنے آیا۔ کچھ صارفین نے سیمیہ کے سوال کو غیر اخلاقی قرار دیا، جبکہ کچھ نے اسے خواتین کی سوچ کی آزادی سے تعبیر کیا۔ تاہم، جویریہ سعود کے مدلل اور بروقت جواب کو بے حد سراہا جا رہا ہے۔
مزیدپڑھیں:اچھی خبر ،سولر پاور سے چارج ہونے والا کانسیپٹ اسمارٹ فون تیار
ذریعہ: Daily Ausaf
کلیدی لفظ: جویریہ سعود
پڑھیں:
کراچی میں موسم ایک بار پھر سرد ہوگیا۔
محکمہ موسمیات کا کہنا ہے کہ کراچی میں موسم ایک بار پھر سرد ہوگیا۔ محکمہ موسمیات کے مطابق شہر میں گزشتہ شب سے شمال مشرقی سمت سے خشک ہوائیں چل رہی ہیں، جس کے باعث موسم میں خنکی بڑھ گئی ہے، اس وقت شہر میں مطلع جزوی طور پر ابر آلود، موسم سرد اور خشک ہے۔موسم کا احوال بتانے والوں کا کہنا ہے کہ آج شہر میں زیادہ سے زیادہ درجہ حرارت 31 ڈگری سینٹی گریڈ تک جانے کا امکان ہے جبکہ کم سے کم درجہ حرارت 17 سے 19 ڈگری سینٹی گریڈ کے درمیان رہنے کی توقع ہے۔اس کے علاوہ شہر قائد میں ہوا کی رفتار شمال مشرقی سمت سے 7 کلومیٹر فی گھنٹہ ریکارڈ کی گئی ہے جبکہ ہوا میں نمی کا تناسب 22 فیصد ہے۔ایئر کوالٹی انڈیکس (اے کیو آئی) کے مطابق کراچی کا فضائی معیار بھی بدستور خراب ہے، کراچی دنیا کے آلودہ ترین شہروں میں گیارہویں نمبر پر موجود ہے جبکہ ہوا میں آلودہ ذرات کی مقدار 152 پرٹیکیولیٹ میٹرز ریکارڈ کی گئی ہے۔ماہرین صحت نے شہریوں کو غیر ضروری طور پر باہر نکلنے اور ماسک کے استعمال کی ہدایت دی ہے۔
خیبرپختونخوا میں رمضان کے پیش نظر گوشت کا ہفتہ وار ناغہ ختم