کینسر میں مبتلا سندھی لوک گلوکارہ کو سندھ حکومت کی جانب سے امدادی چیک جاری
اشاعت کی تاریخ: 5th, March 2025 GMT
سندھی موسیقی کے لیے اپنی آدھی زندگی وقف کرنے والی نامور سندھی لوک گلوکارہ اور موسیقار ثمینہ کنول گلے کے کینسر میں مبتلا ہوگئیں۔ کنول کا پھول کہلانے والی لوک گلوگارہ کراچی کے نجی اسپتال میں زیر علاج ہیں۔
گلوکارہ ثمینہ کنول شدید بیمار ہیں اور علاج کے لیے مالی مشکلات کا سامنا کر رہی ہیں۔ صوبائی وزیر ثقافت و سیاحت سید ذوالفقار علی شاہ نے ان کی علالت کا نوٹس لیا اور فوری مدد کے لیے ایک لاکھ روپے کا چیک جاری کیا۔
ترجمان کے مطابق، ثمینہ کنول کے لیے محکمہ ثقافت کی جانب سے سالانہ وظیفہ بھی مقرر ہے اور اب تک انہیں 16 لاکھ 60 ہزار روپے جاری کیے جا چکے ہیں۔
معروف گلوکارہ نے اپنی زندگی میں خوبصورت آواز اور دلکش گانوں سے لوگوں کے دل موئے، متعدد سندھی ٹی وی چینلز، پی ٹی وی، اور ریڈیو پاکستان کے لیے بنیادی طور پر سندھی اور بلوچی زبانوں میں گانے گائے اور اہم مقام حاصل کیا۔ ریڈیو پاکستان میں انہوں نے سچل سرمست کی شاعری ریکارڈ کی۔ ان کے مشہور گانوں میں مہندی لگاندی، جبل ماتر جور، ادیر کانگ قاصد، آدی کنج ونجی، منہ کہا دلبر تہی جانا، متلب جا سب رشتا، حیا حیاتی میتھری دادی شامل ہیں۔
1960 سے 1970 کی دہائی میں انہوں نے معروف سندھی گلوکار سجاد یوسف، استاد برکت فقیر، اویس جمن، اللہ ڈنو جونیجو، اور اللہ ڈنو خاصیلی کے ساتھ گایا۔ روایتی طور پر شادی کی تقریبات اور خوشی کے مواقع پر آج بھی ان کے گائے جانے والے سہرہ اورلڈا گائے جاتے ہیں
یہ بھی پڑھیں: 2050 تک دنیا بھر میں چھاتی کے کینسر سے ہونے والی اموات 68 فیصد ہوجائیں گی ، ڈبلیو ایچ او انتباہ
انہوں نے فلم انڈسڑی میں اپنی آواز کا جادہ جگایا۔ جس میں پارو چانڈیو، پارو، فیصلو ضمیر جو، دھرتی مہینجی ماں، ہمت اور لکھو جیسی فلمیں شامل ہیں۔ ان کی خدمات کے اعتراف میں انہیں شاہ لطیف ایوارڈ اور لال شہباز ایوارڈ سمیت متعدد ایوارڈز ملے۔
ڈاکٹروں نے ثمینہ کو گانے اور ضرورت سے زیادہ بات کرنے سے گریز کرنے کا مشورہ دیا ہے اور صرف قریبی افراد سے ملنے کی اجازت دی ہے۔ان کے دوستوں اور قریبی ساتھیوں نے ان کی صحت یابی کے لیے دعاؤں کی درخواست کی ہے اور امید ظاہر کی ہے کہ وہ جلد صحت یاب ہو کر دوبارہ اپنی خوبصورت آواز سے لوگوں کے دلوں کو چھو سکیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سندھ حکومت سندھی لوک گلوکارہ.ذریعہ: WE News
کلیدی لفظ: سندھ حکومت کے لیے
پڑھیں:
غزہ پر بمباری جاری، اسرائیلی نژاد امریکی یرغمالی عیدان الیگزینڈر بھی لاپتا ہوگیا
اسرائیلی فوج کی جانب سے غزہ پر بمباری کا سلسلہ جاری ہے، آج ہونے والی بمباری کے دوران اسرائیلی نژاد امریکی فوجی یرغمالی عیدان الیگزینڈر بھی لاپتا ہوگیا۔
یہ بھی پڑھیں عالمی شہرت یافتہ فلسطینی فوٹوجرنلسٹ اسرائیلی حملے خاندان سمیت شہید
فلسطین کی مزاحمتی تنظیم حماس کی القسام بریگیڈ کے ترجمان ابو عبیدہ کے مطابق اسرائیلی بمباری کے دوران عیدان الیگزینڈر کی حفاظت پر مامور ایک محافظ بھی شہید ہوگیا، جبکہ دیگر لاپتا ہیں۔
انہوں نے کہاکہ اسرائیل کی جانب سے بمباری کرکے یرغمالیوں کی جان خطرے میں ڈالی جارہی ہے، حالانکہ حماس کی جانب سے یرغمالیوں کی حفاظت کے وعدے کی مکمل پاسداری کی جارہی ہے۔
واضح رہے کہ اس سے قبل عارضی جنگ بندی کے دوران ایک معاہدے کے تحت حماس نے اسرائیلی یرغمالیوں کو رہا کیا تھا، جس کے بدلے میں اسرائیل نے بھی فلسطینی قیدیوں کو رہا کیا تھا۔
تاہم اسرائیل کی جانب سے جنگ بندی معاہدے کی خلاف ورزی کرتے ہوئے دوبارہ بمباری شروع کردی گئی، جس پر حماس نے کہا تھا کہ اسرائیل کا یہ اقدام یرغمالیوں کو سزائے موت سنانے کے مترادف ہے۔
یہ بھی پڑھیں فلسطینیوں کے ساتھ اظہار یکجہتی، مالدیپ میں اسرائیلیوں کا داخلہ بند
یہ بھی یاد رہے کہ 7 اکتوبر 2023 سے اب تک اسرائیلی بمباری میں 60 ہزار سے زیادہ فلسطینی شہید جبکہ ایک لاکھ سے زیادہ زخمی ہو چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیلی فوج اسرائیلی یرغمالی غزہ غزہ بمباری وی نیوز یرغمالی لاپتا
ارمغان کے لیپ ٹاپ سے بین الاقوامی مالیاتی فراڈ کے شواہد مل گئے، ماہانہ آمدنی 4 لاکھ ڈالر