نو منتخب وزراء مملکت اور مشیروں کے قلمدانوں کو کل قلمدان ملنے کا امکان
اشاعت کی تاریخ: 5th, March 2025 GMT
ذرائع کے مطابق نو منتخب وزراء مملکت اور مشیروں کے قلمدانوں پر مشاورت مکمل ہو گئی ہے اور کل نئے کابینہ ارکان کو اپنے قلمدان ملنے کا امکان ہے۔
وزیراعظم کے مشیر محمد علی کو نجکاری کے قلمدان کا امکان ہے، جبکہ وفاقی وزیر علی پرویز ملک کو پیٹرولیم کی وزارت ملنے کی توقع ہے۔ ڈاکٹر مصدق ملک کو ماحولیاتی تبدیلی کی وزارت ملنے کا امکان ہے اور ڈاکٹر توقیر کو کابینہ و اسٹبلشمنٹ ڈویژن کی وزارت سونپی جا سکتی ہے۔مزید برآں حنیف عباسی کو ریلوے کی وزارت، مصطفی کمال کو سائنس اینڈ ٹیکنالوجی کی وزارت، رضا حیات ہراج کو پارلیمانی امور کی وزارت اور خالد مگسی کو وزارت آبی وسائل ملنے کا امکان ہے۔پرویز خٹک کو بین الصوبائی رابطہ کی وزارت ملنے کی توقع ہے، جب کہ ڈاکٹر طارق فضل چوہدری کو وزارت قومی صحت کا قلمدان سونپے جانے کا امکان ہے۔ شیزہ فاطمہ کو وزارت آئی ٹی ملنے کی توقع بھی ہے۔ ذرائع کے مطابق، گیارہ وزراء مملکت کو مختلف وزارتوں کی ذمہ داریاں دی جائیں گی۔یہ تقرریاں کل وزیر اعظم کی طرف سے منظوری کے بعد باضابطہ طور پر اعلان کی جائیں گی۔
ذریعہ: Nawaiwaqt
کلیدی لفظ: ملنے کا امکان کا امکان ہے کی وزارت
پڑھیں:
راولپنڈی میں گھر کے باہر کھیلتے ہوئے لاپتہ ہونے والی 5 سالہ بچی پُراسرار طور پر جاں بحق
راولپنڈی میں گھر کے باہر سے کھیلتے ہوئے لاپتہ ہونے والی بچی کی پُراسرار ہلاکت ہوئی ہے۔
ایکسپریس نیوز کے مطابق تھانہ مندرہ کے علاقے پانچ مرلہ اسکیم میں سات سالہ بچی پراسرار طور پر قتل ہوئی جس کی شناخت 7 سالہ شفق کے نام سے ہوئی۔
اہل خانہ کے مطابق بچی گھر کے باہر کھیل رہی تھی جس کی لاش گھر کے قریب زیر تعمیر مکان سے ملی ہے۔ بچی کی لاش ملنے کی اطلاع پر پولیس موقع پر پہنچی۔
بچی کی لاش ملنے پر سی پی او سید خالد ہمدانی نے نوٹس لیا اور ایس پی گوجر خان سے رپورٹ طلب کرتے ہوئے واقعے کی فوری تحقیقات اور ملزم/ملزمان کی گرفتاری کا حکم دیا۔
پولیس کے مطابق بچی دوپہر سے لاپتہ تھی جس کی گمشدگی کی اطلاع ملنے پر پولیس نے بھی تلاش کی۔
پولیس نے بچی کی لاش کو ضابطے کی کارروائی کیلیے اسپتال منتقل کیا جبکہ شواہد اکھٹے کر کے تحقیقات شروع کردی ہے۔
قومی اسمبلی میں فلسطینیوں کی حمایت، اسرائیلی بربریت کیخلاف قرارداد منظور