تین مرلہ فری پلاٹ اسکیم ، وزیراعلیٰ نے پھاٹا کو مارچ تک ہدف پورا کرنے کی ہدایت کر دی
اشاعت کی تاریخ: 5th, March 2025 GMT
لاہور(نیوز ڈیسک)تین مرلہ فری پلاٹ اسکیم بارے وزیراعلیٰ مریم نواز نے مارچ تک پھاٹا کو ہدف پورا کرنے کی ہدایت کر دی۔وزیراعلیٰ پنجاب مریم نواز کی زیر صدارت خصوصی اجلاس ہوا، جس میں 3 مرلہ فری پلاٹ اسکیم سے متعلق امور کا جائزہ لیا گیا۔ پنجاب ہاؤسنگ اینڈ ٹاؤن پلاننگ ایجنسی (پھاٹا) کے ڈی جی نے تفصیلی بریفنگ دی۔
وزیراعلیٰ پنجاب نے پھاٹا کو مارچ تک ہدف پورا کرنے کی ہدایت کی۔ اجلاس میں فری پلاٹ حاصل کرنے والے افراد کو گھر بنانے کے لئے قرض دینے کا بھی جائزہ لیا گیا۔وزیراعلیٰ نے 19 اضلاع میں پھاٹا کی سابقہ 23 ہاؤسنگ اسکیموں کی بہتری اور بحالی کا حکم بھی دیا اور ہدایت کی کہ اسکیموں کے لیے فنڈز جاری کرنے کیلئے اقدامات کئے جائیں۔
بریفنگ میں بتایا گیا کہ اپنی چھت، اپنا گھر پروگرام کے تحت قرضوں کی واپسی شروع ہو چکی ہے۔ اپنی چھت، اپنا گھر پروگرام کے تحت لئے گئے قرضوں کی واپسی کا تناسب 100 فیصد ہے، پنجاب میں اپنی چھت، اپنا گھر پروگرام کے تحت 9661 گھر زیر تکمیل ہیں۔
وزیراعلیٰ نے کہا کہ بے گھر عوام کے لئے چھت فراہم کرنے کی بہت فکر ہے۔ اپنی چھت، اپنا گھر پروگرام کے تحت لوگوں کا گھر بنتا دیکھ کر بہت خوشی ہوتی ہے، انہوں نے کہا کہ پانچ سال میں پانچ لاکھ گھر بنانے کا ہدف پورا کرنے کے لئے پرعزم ہیں۔
روہت شرما کا بڑا کارنامہ، تاریخ ساز ریکارڈ بنانے والے دنیا کے پہلے کپتان بن گئے
.ذریعہ: Daily Ausaf
کلیدی لفظ: ہدف پورا کرنے فری پلاٹ اپنی چھت کرنے کی
پڑھیں:
وزیر اعظم یوتھ بزنس اینڈ ایگریکلچر لون اسکیم، ایک ماہ میں نوجوانوں میں 209 ارب روپے تقسیم
وزیراعظم یوتھ پروگرام کے تحت نوجوانوں کو بااختیار اور برسر روزگار بنانے کے لیے وزیر اعظم یوتھ بزنس اینڈ ایگریکلچر لون اسکیم کے ذریعے گزشتہ 8 ماہ کے دوران 31 ہزار 700 کاروباری نوجوانوں میں تقریباً 209 ارب روپے تقسیم کئے گئے ہیں۔مختلف 15 بینکوں کے ذریعے نوجوانوں کو قرضہ حاصل کرنے کی سہولت فراہم کی جا رہی ہے۔
یہ بھی پڑھیں: وزیراعظم کا غریب اور متوسط طبقے کے لیے بجٹ میں بڑے اقدامات کا فیصلہ
سرکاری خبررساں ایجنسی اے پی پی کے مطابق پاکستان کے نوجوانوں کے لیے وزیراعظم یوتھ پروگرام کے تحت وزیر اعظم یوتھ بزنس اینڈ ایگریکلچر لون اسکیم کے ذریعے کامیاب کاروباری بننے کی راہ پر گامزن ہونے کا بہترین موقع ہے، یہ اقدام دلچسپی رکھنے والے کاروباری افراد کو بلا سود مائیکرو فنانس قرضوں اور انتہائی کم شرح سود کے ساتھ قرضوں کے ذریعے اپنے سٹارٹ اپ اور کاروبار کو شروع کرنے یا بڑھانے کا ایک بھرپور موقع فراہم کرتا ہے۔نوجوانوں کو بااختیار اور برسر روزگار بنانے کے لیے وزیر اعظم یوتھ بزنس اینڈ ایگریکلچر لون اسکیم کے تحت 27 اگست سے مارچ 2025 تک 31 ہزار 700 کاروباری نوجوانوں میں تقریباً 209 ارب روپے تقسیم کئے گئے ہیں۔
اس پروگرام کے تحت ٹیئرون کے تحت نوجوانوں کو 5 لاکھ روپے بلاسود قرضہ فراہم کیا جا رہا ہے جبکہ ٹیئر 2 کے تحت 5 لاکھ روپے سے 15 لاکھ روپے پر 5 فیصد شرح سود اور ٹیئر 3 کے تحت نوجوانوں کو 15 لاکھ روپے سے 75 لاکھ روپے تک کا قرضہ 7 فیصد شرح سود پر فراہم کیا جا رہا ہے۔مختلف 15 بینکوں کے ذریعے نوجوانوں کو قرضہ حاصل کرنے کی سہولت فراہم کی جا رہی ہے۔
یہ بھی پڑھیں: ’اپنا گھر اسکیم‘، خیبرپختونخوا کے کم آمدن افراد کو 15 لاکھ روپے تک بلاسود قرض دینے کا فیصلہ
ا س پروگرام کامقصد نوجوانوں کو بااختیار بنانے کے ساتھ ساتھ ملک میں کاروباری سرگرمیوں کو فروغ دینا ہے۔ اس پروگرام کے تحت قرضہ حاصل کرنے والے نوجوان نہ صرف اپنے لیے روزگار حاصل کرتے ہیں بلکہ اپنے خاندان کا پیٹ بھی پالتے ہیں اور دیگر لوگوں کو بھی روزگار کے مواقع فراہم کرتے ہیں۔نوجوان اس پروگرام سے استفادہ کے لیے وزیراعظم یوتھ پروگرام کی ویب سائٹ کے ذریعے آن لائن درخواستیں دے سکتے ہیں۔
چیئرمین وزیراعظم یوتھ پروگرام رانا مشہود احمد خان نے کہا ہے کہ وزیراعظم محمد شہباز شریف کے وژن کے مطابق نوجوانوں کو بااختیار بنانے کے لیے وزیراعظم یوتھ پروگرام کے تحت اقدامات کئے جا رہے ہیں۔ نوجوانوں کو میرٹ اور شفافیت کے ذریعے بلاتفریق مواقع فراہم کئے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان قرضہ نوجوان وزیراعظم یوتھ پروگرام
پنجاب میں پہلا کرائم کنٹرول ڈیپارٹمنٹ قائم