چیمپئنز ٹرافی کا دوسرا سیمی فائنل آج، ٹکٹس مکمل فروخت نہ ہو سکے
اشاعت کی تاریخ: 5th, March 2025 GMT
آئی سی سی چیمپئنز ٹرافی کے لاہور میں آج ہونے والے دوسرے سیمی فائنل کے مکمل ٹکٹس نہ بک سکے۔
اس میچ کے لیے ٹکٹس اب بھی دستیاب ہیں، نیوزی لینڈ اور جنوبی افریقا کے درمیان سیمی فائنل لاہور کے قذافی اسٹیڈیم میں کھیلا جائے گا۔
عمران خان، فضل محمود انکلوژرز کے881 جبکہ رمیز راجہ اور سعید انور انکلوژرز کے 1232 ٹکٹس دستیاب ہیں۔
علاوہ ازیں اے ایچ کاردار اور جاوید میانداد انکلوژرز کے 556 اور سرفراز نواز انکلوژر کے451 ٹکٹ دستیاب ہیں۔
دوسری جانب عبدالقادر، وسیم اکرم اور وقار یونس انکلوژرز سولڈ آؤٹ ہیں، سعید احمد، ماجد خان، انضمام، امتیاز احمد، ظہیر عباس، حنیف محمد، وسیم اکرم گیلریز بھی سولڈ آؤٹ ہیں۔
.ذریعہ: Daily Mumtaz
پڑھیں:
چیمپیئنز ٹرافی کا دوسرا سیمی فائنل آج نیوزی لینڈ اور جنوبی افریقا کے مابین ہوگا
کراچی:آئی سی سی چیمپیئنز ٹرافی 2025 کا پاکستان میں آج آخری مقابلہ ہوگا، دوسرا سیمی فائنل نیوزی لینڈ اور جنوبی افریقا کے درمیان قذافی اسٹیڈیم لاہور میں کھیلا جائے گا، فاتح ٹیم دبئی میں بھارت سے ٹائٹل کے لیے مقابلہ کرے گی۔
دونوں ٹیموں کی بیٹنگ لائن اپ مضبوط اور لاہور کی بیٹنگ کے لیے سازگار پچ پر بڑے اسکورز کی توقع ہوگی، کیویز کے پاس مچل سینٹنر اور مائیکل بریسویل کی صورت میں 2 اسپنرز موجود ہیں جبکہ جنوبی افریقا ایک اسپنر کیشو مہاراج پر انحصار کرے گا۔
جنوبی افریقا کے تجربہ کار بیٹر ڈیوڈ ملر کے لیے یہ ممکنہ طور پر آخری بڑا ایونٹ ہو سکتا ہے جبکہ نیوزی لینڈ کے کین ولیمسن کا کردار فیصلہ کن رہے گا۔
دونوں ٹیمیں اب تک آئی سی سی ٹورنامنٹس میں 11 بار آمنے سامنے آ چکی ہیں، ان میں سے 7 میں کیویز نے کامیابی حاصل کی۔ سن 2017 کے بعد سے دونوں کا صرف تین ون ڈے میچز میں سامنا ہوا، ان میں سے 2 ورلڈ کپ اور ایک حالیہ ٹرائنگولر سیریز کا میچ شامل ہے۔
مزید پڑھیں؛ چیمپیئنز ٹرافی: بھارت آسٹریلیا کو شکست دے کر فائنل میں پہنچ گیا
لاہور کی پچ پر گروپ مرحلے میں اوسط پہلی اننگز اسکور 316 رہا جو باقی وینیوز کے مقابلے میں زیادہ ہے، یہاں نئی گیند کے ساتھ دوپہر کے وقت سوئنگ زیادہ دیکھنے میں آئی۔
کین ولیمسن جنوبی افریقا کے خلاف سب سے زیادہ رنز بنانے والے موجودہ کیوی بیٹر ہیں البتہ اسپن اور خاص طور پر مہاراج کے خلاف ان کی سست بیٹنگ ٹیم کے لیے تشویش کا باعث بن سکتی ہے۔ جنوبی افریقی بیٹرز حریف اسپنرز کے خلاف زیادہ بہتر کھیل پیش نہیں کر سکے، نیوزی لینڈ کے مچل سینٹنر اور مائیکل بریسویل ان کمزوریوں کا فائدہ اٹھا سکتے ہیں۔
ادھر نیوزی لینڈ کے کپتان مچل سینٹنر نے کہا ہے کہ ہماری ٹیم نے دبئی کا سخت سفر ضرور کیا لیکن لاہور میں چیمپیئنز ٹرافی کے سیمی فائنل میں جنوبی افریقا کے خلاف میدان میں اترنے کے لیے تیار ہیں، ٹیم نے ٹورنامنٹ میں پاکستان اور بنگلا دیش کے خلاف شاندار فتوحات حاصل کیں، بھارت کے خلاف آخری گروپ میچ دبئی میں ہوا جس میں 44 رنز سے شکست کا سامنا کرنا پڑا، کیویز پہلے ہی سیمی فائنل کے لیے کوالیفائی کر چکے تھے۔
سینٹنر نے کہا کہ ٹیم نے طویل سفر کے بعد آرام کر لیا اور اب مکمل طور پر تیار ہے۔ سینٹنر نے جنوبی افریقی سائیڈ کو متوازن قرار دیتے ہوئے کہا کہ ہمارے پاس موجود معیاری فاسٹ بولرز اور اسپنرز کسی بھی ٹیم کو مشکل میں ڈال سکتے ہیں۔
پنجاب میں پہلا کرائم کنٹرول ڈیپارٹمنٹ قائم