سینئر صحافی مظہر اقبال آر آئی یو جے(ورکرز) کے صدر ،حمید اللہ عابد جنرل سیکرٹری منتخب
اشاعت کی تاریخ: 5th, March 2025 GMT
سینئر صحافی مظہر اقبال آر آئی یو جے(ورکرز) کے صدر ،حمید اللہ عابد جنرل سیکرٹری منتخب WhatsAppFacebookTwitter 0 5 March, 2025 سب نیوز
اسلام آباد(آئی پی ایس)سینئر صحافی مظہر اقبال راولپنڈی/اسلام آباد یونین آف جرنلسٹس آر آئی یو جے(ورکرز) کے صدر اور حمید اللہ عابد جنرل سیکرٹری منتخب ہو گئے ہیں۔
آر آئی یو جے(ورکرز) کے سالانہ انتخابات برائے سال 2025-2026 گذشتہ روز اسلام آباد میں منعقد ہوئے۔ چئیرمین الیکشن کمیٹی کی حیثیت میں پی ایف یو جے(ورکرز) کے سیکرٹری اطلاعات عبدالرزاق چشتی نے نیشنل پریس کلب اسلام آباد میں ایک پر وقار تقریب کے دوران آر آئی یو جے(ورکرز) کے نومنتخب عہدیداروں کا اعلان کیا،
الیکشن کمیٹی کے دیگر ممبران میں حسن رضا اور راجہ عدنان ان کے ہمراہ تھے۔ تقریب میں پی ایف یو جے(ورکرز) کی صدر ڈاکٹر سعدیہ کمال اور سیکرٹری فنانس سید بلال عزت نقوی بھی موجود تھے۔ چئیرمین الیکشن کمیٹی عبد الرزاق چشتی نے بتایا کہ آر آئی یو جے(ورکرز) کے سالانہ انتخابات برائے سال دو ہزار پچیس/دو ہزار چھبیس کی اکیس نشستوں کے لیے مجموعی طور پر 70 اُمیدواروں نے کاغذات نامزدگی جمع کروائے تھے۔ صدر کی ایک نشت کے لیے 04 اُمیدواروں نے کاغذات نامزدگی جمع کرائے، نائب صدر کی دو نشستوں کے لیے 11 اُمیدواروں نے کاغذات نامزدگی جمع کرائے، نائب صدر (خواتین) کی ایک نشست کے لیے 02 امیدواروں نے کاغذات نامزدگی جمع کرائے، جنرل سیکرٹری کی ایک نشست کے لیے 07 اُمیدوار میدان میں تھے،جوائینٹ سیکرٹری کی دو نشستوں کے لیے 08 اورفنانس سیکرٹری کی ایک نشست کے لیے 04 جبکہ ایڈیشنل جنرل سیکرٹری کی ایک نشست کے لیے 03 ، جوائینٹ سیکرٹری ( خواتین) کی ایک نشست کے لیے بھی 03 اور سیکرٹری اطلاعات و سوشل میڈیا کی ایک نشست کے لیے بھی 03 اُمیدواروں نے کاغذات نامزدگی جمع کرائے تھے۔
مجلس عاملہ کی دس نشستوں کے لیے 25 امیدواروں نے کاغذات نامزدگی جمع کرائے۔ کاغذات نامزدگی کی واپسی کے بعد آر آئی یو جے (ورکرز)کے تمام عہدیدار بلامقابلہ قرار پائے ھیں۔منتخب عہدیداران میں مظہراقبال، حمید اللہ عابد اور عدیل رضا بالترتیب صدر، جنرل سیکرٹری اور فنانس سیکرٹری مبتخب ہوئے ہیں۔ نائب صدور کے طور پر فرحان جعفری اور ڈاکٹر سجاد کامیاب قرار پائے ہیں۔ خواتین کے لیے مخصوصنائب صدر کی نشست پر روبی بٹ کامیاب ہوئی ہیں۔ چنگیز خان جدون ایڈیشنل جنرل سیکرٹری منتخب کیے گئے ہیں۔ جبکہ جوائینٹ سیکرٹری کی دو نشستوں پر سہیل صدیق اور نایاب گوہر کو کامیاب قرار دیا گیا ہے۔ خواتین کے لیےمخصوصجوائینٹ سیکرٹری کی ایک نشست پر بشری اخوند اورسیکرٹری اطلاعات و سوشل میڈیا کے طور پر وقاص جاوید نے میدان مارا ہے۔
چئیرمین الیکشن کمیٹی عبد الرزاق چشتی کے مطابق اراکین مجلس عاملہ کی دس نشستوں پرصہیب بن نور،راجہ اعجاز، صدیق احمد نئیر،ملک تیمور اعوان،فیصل بیگا،حق نواز جیلانی،ندیم صدیقی،ڈاکٹر لیاقت جدون،حق نواز بھٹو اور فائق سجاد کامیاب قرار پائے ہیں۔ پی ایف یو جے(ورکرز) کی صدر ڈاکٹر سعدیہ کمال نے تقریب سے اپنے خطاب میں نو منتخب عہدیداروں کو مبارکباد دیتے ہوئے یقین ظاہر کیا کہ نو منتخب عہدیدار صحافیوں کے مسائل کو حل کرنے کے لیے اپنی بھر پور صلاحیتوں کو بروئے کا لائیں گے۔ نومنتخب صدر آر آئی یو جے(ورکرز) مظہر اقبال اور جنرل سیکرٹری حمید اللہ عابد نے اعتماد کرنے پر صحافی برادری کا شکریہ ادا کیا اور کہا کہ ملک بھر میں صحافیوں کے لیے جدوجہد کے حوالے سے آر آئی یو جے(ورکرز) ڈاکٹر سعدیہ کمال کی سربراہی میں پی ایف یو جے(ورکرز) کا ہراول دستہ ثابت ہو گی۔
.ذریعہ: Daily Sub News
کلیدی لفظ: میدواروں نے کاغذات نامزدگی جمع کرائے ا میدواروں نے کاغذات نامزدگی جمع سیکرٹری کی ایک نشست ا ر ا ئی یو جے ورکرز جنرل سیکرٹری منتخب کی ایک نشست کے لیے پی ایف یو جے ورکرز حمید اللہ عابد نشستوں کے لیے الیکشن کمیٹی اسلام ا باد مظہر اقبال
پڑھیں:
کوئی منصوبہ چاروں بھائیوں کو اعتماد میں لئے بغیر مکمل نہیں ہونا چاہئے: پرویز اشرف
لاہور (نامہ نگار) سابق وزیراعظم، پیپلز پارٹی وسطی پنجاب کے صدر راجہ پرویز اشرف نے کہا ہے کہ پاکستان کا کوئی منصوبہ چاروں بھائیوں کو اعتماد میں لئے بغیر مکمل نہیں ہونا چاہئے۔ کالاباغ ڈیم پر بھی کسی کو اعتماد میں نہ لیا گیاتھا، پھر کسی سے یہ منصوبہ مکمل نہ ہو سکا۔ صوبوں میں اختلافات پیدا ہوگئے حتیٰ کہ پچاس سال مکمل ہو گئے مگر کوئی آمر بھی اسے مکمل نہیں کر سکا تھا۔ وہ پیپلز پارٹی پنجاب کے ڈپٹی جنرل سیکرٹری عثمان ملک سے ان کی والدہ کی وفات پر تعزیت کے بعد صحافیوں سے گفتگو کر رہے تھے۔ اس موقع پر پیپلز پارٹی وسطی پنجاب کے جنرل سیکرٹری سید حسن مرتضی، چودھری اسلم گل، احسن رضوی، ڈاکٹر مبشر،آغا تقی سمیت پیپلز پارٹی کے دیگر رہنما بھی موجود تھے۔ راجہ پرویز اشرف نے کہا کہ بھاشا ڈیم متبادل ہے تو اس پر کسی کو اعتراض نہیں، اسے مکمل کریں۔ ہم وفاق کو جوڑنے والے لوگ ہیں۔
حکومت خیبرپختونخوا کا مائنز اینڈ منرل ایکٹ صوبے کے عوام کے ساتھ ظلم ہے