چیمپیئنز ٹرافی کا دوسرا سیمی فائنل آج نیوزی لینڈ اور جنوبی افریقا کے مابین ہوگا
اشاعت کی تاریخ: 5th, March 2025 GMT
آئی سی سی چیمپیئنز ٹرافی 2025 کا پاکستان میں آج آخری مقابلہ ہوگا، دوسرا سیمی فائنل نیوزی لینڈ اور جنوبی افریقا کے درمیان قذافی اسٹیڈیم لاہور میں کھیلا جائے گا، فاتح ٹیم دبئی میں بھارت سے ٹائٹل کے لیے مقابلہ کرے گی۔
دونوں ٹیموں کی بیٹنگ لائن اپ مضبوط اور لاہور کی بیٹنگ کے لیے سازگار پچ پر بڑے اسکورز کی توقع ہوگی، کیویز کے پاس مچل سینٹنر اور مائیکل بریسویل کی صورت میں 2 اسپنرز موجود ہیں جبکہ جنوبی افریقا ایک اسپنر کیشو مہاراج پر انحصار کرے گا۔
جنوبی افریقا کے تجربہ کار بیٹر ڈیوڈ ملر کے لیے یہ ممکنہ طور پر آخری بڑا ایونٹ ہو سکتا ہے جبکہ نیوزی لینڈ کے کین ولیمسن کا کردار فیصلہ کن رہے گا۔
دونوں ٹیمیں اب تک آئی سی سی ٹورنامنٹس میں 11 بار آمنے سامنے آ چکی ہیں، ان میں سے 7 میں کیویز نے کامیابی حاصل کی۔ سن 2017 کے بعد سے دونوں کا صرف تین ون ڈے میچز میں سامنا ہوا، ان میں سے 2 ورلڈ کپ اور ایک حالیہ ٹرائنگولر سیریز کا میچ شامل ہے۔
لاہور کی پچ پر گروپ مرحلے میں اوسط پہلی اننگز اسکور 316 رہا جو باقی وینیوز کے مقابلے میں زیادہ ہے، یہاں نئی گیند کے ساتھ دوپہر کے وقت سوئنگ زیادہ دیکھنے میں آئی۔
کین ولیمسن جنوبی افریقا کے خلاف سب سے زیادہ رنز بنانے والے موجودہ کیوی بیٹر ہیں البتہ اسپن اور خاص طور پر مہاراج کے خلاف ان کی سست بیٹنگ ٹیم کے لیے تشویش کا باعث بن سکتی ہے۔ جنوبی افریقی بیٹرز حریف اسپنرز کے خلاف زیادہ بہتر کھیل پیش نہیں کر سکے، نیوزی لینڈ کے مچل سینٹنر اور مائیکل بریسویل ان کمزوریوں کا فائدہ اٹھا سکتے ہیں۔
ادھر نیوزی لینڈ کے کپتان مچل سینٹنر نے کہا ہے کہ ہماری ٹیم نے دبئی کا سخت سفر ضرور کیا لیکن لاہور میں چیمپیئنز ٹرافی کے سیمی فائنل میں جنوبی افریقا کے خلاف میدان میں اترنے کے لیے تیار ہیں، ٹیم نے ٹورنامنٹ میں پاکستان اور بنگلا دیش کے خلاف شاندار فتوحات حاصل کیں، بھارت کے خلاف آخری گروپ میچ دبئی میں ہوا جس میں 44 رنز سے شکست کا سامنا کرنا پڑا، کیویز پہلے ہی سیمی فائنل کے لیے کوالیفائی کر چکے تھے۔
سینٹنر نے کہا کہ ٹیم نے طویل سفر کے بعد آرام کر لیا اور اب مکمل طور پر تیار ہے۔ سینٹنر نے جنوبی افریقی سائیڈ کو متوازن قرار دیتے ہوئے کہا کہ ہمارے پاس موجود معیاری فاسٹ بولرز اور اسپنرز کسی بھی ٹیم کو مشکل میں ڈال سکتے ہیں۔
.ذریعہ: Daily Mumtaz
کلیدی لفظ: جنوبی افریقا کے سیمی فائنل نیوزی لینڈ کے خلاف کے لیے
پڑھیں:
چیمپیئنز ٹرافی 2025: آئی سی سی نے سیمی فائنلز کے آفیشلز کا اعلان کردیا
انٹرنیشنل کرکٹ کونسل (آئی سی سی) نے چیمپیئنز ٹرافی 2025 کے سیمی فائنلز کے لیے آفیشلز کا اعلان کردیا ہے۔
یہ بھی پڑھیں: چیمپیئنز ٹرافی، سیمی فائنل سے قبل آسٹریلیا کو ایک اور جھٹکا، اہم کھلاڑی انجرڈ
آئی سی سی کے مطابق چیمپیئنز ٹرافی 2025 کے پہلے سیمی فائنل میں نیوزی لینڈ کے کرس گیفنی اور انگلینڈ رچرڈ النگوارتھ امپائر ہوں گے جبکہ میچ ریفری اینڈی پائیکرافٹ ہوں گے۔
دوسرے سیمی فائنل میں سری لنکا کے کمار دھرما سینا اور آسٹریلیا کے پال ریفل امپائرنگ اور رنجن مدوگالے میچ ریفری ہوں گے۔
Match officials for the #ChampionsTrophy 2025 semi-finals have been revealed ????
Details ⬇️https://t.co/lAofXoHvAN
— ICC (@ICC) March 3, 2025
یار رہے کہ آئی سی چیمپیئنز ٹرافی 2025 کا پہلا سیمی فائنل کل (بروز منگل) دبئی میں بھارت اور آسٹریلیا کے درمیان کھیلا جائے گا۔
یہ بھی پڑھیں: چیمپیئنز ٹرافی: بھارت نے نیوزی لینڈ کو 44 رنز سے شکست دے دی
دوسرے سیمی فائنل میں نیوزی لینڈ اور جنوبی افریقہ لاہور کے قذافی اسٹیڈیم میں 5 مارچ (بروز بدھ) کو مدمقابل ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
، اسلام آباد آئی ٹین، تجاوزات، عمران خان we news آسٹریلیا امپائرز انٹرنیشنل کرکٹ کونسل بھارت جنوبی افریقہ چیمپیئنز ٹرافی دبئی رچرڈ النگوارتھ سیمی فائنلز کرس گیفنی لاہور میچ ریفری نیوزی لینڈ
صدر زرداری سے اراکین پنجاب اسمبلی کی ملاقات، اندرونی کہانی سامنے آگئی