غزہ کی تعمیر نو، عرب رہنماؤں نے مصر کا منصوبہ منظور کرلیا
اشاعت کی تاریخ: 5th, March 2025 GMT
عرب رہنماؤں نے غزہ کی تعمیر نو سے متعلق مصر کے منصوبے کو منظور کرلیا۔
مصر کے دارالحکومت قاہرہ میں عرب لیگ کا اجلاس ہوا جس میں مصر، سعودی عرب، قطر، اردن اور شام سمیت دیگر عرب ممالک، اقوام متحدہ کے سربراہ، صدر یورپی یونین، اسلامی تعاون تنظیم کے سکریٹری جنرل شریک ہوئے۔
اجلاس میں رہنماؤں نے امریکی صدر ڈونلڈ ٹرمپ کے منصوبے کو مسترد کرتے ہوئے غزہ کی تعمیر نو کا منصوبہ منظور کرلیا۔
عرب رہنماؤں نے فلسطینیوں کو ان کی سرزمین سے بے گھر کرنے کی کسی بھی کوشش کو مسترد کرتے ہوئے کہا کہ اس سے علاقائی امن کو خطرہ ہے۔
خبر رساں اداروں کے مطابق مصر کی جانب سے غزہ کے حوالے سے پیش کیے گئے 53 ارب ڈالر کے مجوزہ 5 سالہ منصوبے میں لاکھوں گھر، تجارتی بندرگاہ اور ایئرپورٹ کی تعمیر شامل ہے۔
خبر رساں اداروں کے مطابق مصر کے منصوبے میں فلسطینی علاقوں میں انتخابات اور دو ریاستی حل کی کوششیں بھی شامل ہیں۔
اجلاس میں عرب رہنماؤں نے ٹرسٹ فنڈ قائم کرنے پر بھی اتفاق کیا جو کہ غزہ کی تعمیر نو کے لیے مالی معاونت کرے گا، عرب رہنماؤں نے تعمیر نو کے عمل کو تیز کرنے کے لیے بین الاقوامی تعاون پر بھی زور دیا۔
.ذریعہ: Daily Mumtaz
کلیدی لفظ: غزہ کی تعمیر نو عرب رہنماو ں نے
پڑھیں:
عرب رہنماؤں نے مصر کے غزہ کی تعمیر نو کے منصوبے کی حمایت کردی
عرب رہنماؤں نے مصر کے غزہ کی تعمیر نو کے منصوبے کی حمایت کردی ہے۔
غیر ملکی خبررساں ادارے کے مطابق منگل کے روز مصر کے دارالحکومت قاہرہ میں عرب رہنماؤں نے غزہ کے لیے امریکی صدر ڈونلڈ ٹرمپ کے منصوبے کے جواب میں ایک نئے منصوبے پر اتفاق کیا، جس میں غزہ کی تعمیر نو کے لیے وہاں کے شہریوں کی ساحلی علاقے میں آبادکاری کی تجویز شامل ہے۔
یہ بھی پڑھیں: غزہ کے حوالے سے عرب رہنماؤں کا متبادل منصوبہ ابھی نہیں دیکھا،ڈونلڈ ٹرمپ
یہ تجویز اسرائیل حماس جنگ بندی کی غیر یقینی صورتحال کے درمیان سامنے آئی ہے۔
اکتوبر 2023 سے جاری غزہ میں اسرائیلی جارحیت سے 48ہزار سے زیادہ فلسطینی شہید ہوگئے تھے جبکہ اسرائیل نے حماس کو جنگ بندی کے معاہدے کو قبول کرنے اور یرغمالیوں کو رہا کرنے پر مجبور کرنے کی کوشش میں ایک بار پھر خطے میں اہم سامان کی آمدورفت روک دی ہے۔
مصر نے غزہ کے شہریوں کو بے گھر کیے بغیر 2030 تک غزہ کی تعمیر نو کے لیے 53 بلین ڈالر کے جامع منصوبے کی تجویز دی ہے۔
یہ بھی پڑھیں: ٹرمپ کا فلسطینیوں کی غزہ سے بیدخلی کا منصوبہ فرانس نے بھی مسترد کردیا
اس منصوبے میں غزہ سے نہ پھٹنے والے ہتھیاروں کو ہٹانا، اسرائیلی بمباری سے تباہ شدہ عمارتوں کا ملبہ صاف کرنا اور غزہ کے رہائشیوں کے لیے عارضی رہائش گاہیں بنانا شامل ہیں، تعمیر نو میں پائیدار رہائش، زرعی منصوبے ، تزئین و آرائش اور نئے صنعتی زون شامل ہوں گے۔
مصر کے منصوبے میں غزہ میں ایک ہوائی اڈے، ایک ماہی گیری کی بندرگاہ اور ایک تجارتی بندرگاہ کی تعمیر کی تجویز بھی دی گئی ہے، ایسے منصوبے جو اصل میں اوسلو امن معاہدے کا حصہ تھے لیکن امن عمل کے خاتمے کی وجہ سے رک گئے تھے۔
یہ بھی پڑھیں: امریکی منصوبہ مسترد، اردن غزہ کی حمایت میں ڈٹ گیا
دریں اثنا مغربی کنارے کے شہر جنین میں اسرائیلی فضائی حملے میں حماس کے رہنما ایصار السعدی شہید ہوگئے ہیں گئے ہیں، حماس نے اپنے رہنما کی شہادت پر رد عمل میں کہا ہے کہ یہ حملہ فلسطینی مزاحمت کی بڑھتی ہوئی لہر کو نہیں روکے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا تعمیر نو ڈونلڈ ٹرمپ عرب رہنما غزہ مصر
پنجاب میں پہلا کرائم کنٹرول ڈیپارٹمنٹ قائم