3.6 ارب کی ٹیکس چوری، لوبیا کی آڑ میں امریکن بادام اسمگل کرنے کا بڑا اسکینڈل
اشاعت کی تاریخ: 5th, March 2025 GMT
کراچی ( سہیل افضل) کسٹمز انفورسمنٹ کلکٹریٹ کراچی نے گرین چینل کے ذریعہ لوبیاکی آڑ میں اربوں روپے کے امریکن بادام اسمگل کرنے کے ایک بڑے اسیکنڈل کا سراغ لگایا ہے ، کسٹمز ترجمان کے مطابق میسرز اے آربرادر نے گزشتہ ماہ فروری 2025 میں گرین چینل کے ذریعہ Black Eyed Seeds (لوبیا) کے 84 کنٹینرز کلیر کرائے اور ڈیوٹی ٹیکسز کی مد میں 3 ارب 60 کروڑ کی چوری کی،ترجمان کے مطابق کسٹمز انفورسمنٹ کراچی معین الدین کو اطلاع موصول ھوئی کہ (KICT) کراچی انٹرنیشنل کنٹینر ٹر مینل وی بوک گرین چینل کے ذریعے اے آر برادرز نے جبل علی پورٹ (دبئی)سے درآمد شدہ Black Eye Seeds (لوبیا) کی آڑ میں چھلے ہوئے امریکن بادام اسمگلڈ کئے ہیں جن کو کلیئر ہونے کے بعد اے آر برادرز نے اپنے گوداموں پر منتقل کردیا ہے اس پر اے ایس او کی ٹیم نے گرین چینل سے کلئیر ہونے والے لوبیا کے 1 کنٹینرز کو اے آر برادرز کے رحمان گودام فیلکن لاجسٹک کمپلیکس حب ریور روڈ اور 2 کنٹینرز کو ہارون آباد سائٹ ایریا کراچی میں قائم گودام پر چھاپہ مارکر اپنی تحویل میں لے لیا ، جبکہ کسٹمز کی ٹیم نے گرین چینل سے کلیئر ہونے والے 2 کنٹینرز جو کہ کے آئی سی ٹی کے ایگرٹ گیٹ پر روک کر اپنی تحویل میں لے لیا اور انھیں گودام میں منتقل کر کے ان کنٹینر کی جانچ پڑتال کی جس کے نتیجہ میں ان کنٹینرز سے بھی لوبیا کے پیچھے چھپائے گئے چھلے ہوئے امریکن بادام برآمد ھوئے ہیں، امپورٹر AR برادرز کے گرین چینل سے کلئیر ہوئے 5 کنٹینرز سے مجموعی طور پر 155 ٹن امریکن چھلے ہوئے بادام 50 ٹن لوبیا مختلف سبزیوں کے 15 ٹن بیچ اور 200 باکس امریکی ساختہ سلنگ فلم برآمد کئے ہوئے ، ضبط شدہ امریکن بادام پر 45 کروڑ روپے ڈیوٹی ٹیکسز کی مد میں قابل ادائیگی ہیں جبکہ ضبط شدہ اشیاءکی مالیت ایک ارب 43 کروڑ 90 لاکھ روپے ہے ،کسٹمز حکام کی جانب سےدوران تفتیش حاصل کردہ رکارڈ کے مطابق میسرز ARبرادر نے گزشتہ ماہ فروری 2025 میں گرین چینل کے ذریعہ لوبیا کے 84 کنٹینرز کلیر کرائے ہیں اور ڈیوٹی ٹیکسز کی مد میں 3600 ملین (تین ارب ساٹھ کروڑ) چوری کر کے سرکاری خزانہ کو نقصان پہنچایا ہےجس پر کسٹمز ایکٹ کے تحت مقدمہ درج کر کے مزید تفتیش کی جا رہی ہے۔
.ذریعہ: Daily Mumtaz
کلیدی لفظ: امریکن بادام گرین چینل کے
پڑھیں:
ٹیکس وصولیوں کا ہدف پورا کرنے کیلیے ایف بی آر نے ہفتے کی چھٹی ختم کردی
اسلام آباد:فیڈرل بورڈ آف ریونیو(ایف بی آر)نے رواں مالی سال 2024-2025 کیلئے مقرر کردہ ٹیکس وصولیوں کے اہداف کے حصول کو یقینی بنانے کے لیے ہفتے کی چھٹی منسوخ کرنے کا اعلان کردیا۔
فیڈرل بورڈ آف ریونیو ریونیو ڈویژن کی طرف سے تمام لارج ٹیکس آفسز (ایل ٹی اوز)، مِیڈیم ٹیکس آفسز (ایم ٹی اوز)، کارپوریٹ ٹیکس آفسز (سی ٹی اوز) اور ریجنل ٹیکس آفسز (آر ٹی اوز) کو ہدایات بھی جاری کردی گئی ہیں۔
فیڈرل بورڈ آف ریونیو (ایف بی آر) کی جانب سے تمام فیلڈ فارمشنز کو لکھے جانے والے مراسلے میں کہا گیا ہے کہ وہ 30 جون 2025 تک ہفتہ کے دن معمول کے مطابق دفتری اوقات میں کام کریں گے۔
مراسلے کے مطابق یہ فیصلہ محصولات کی وصولی کے عمل کو موٴثر بنانے اور اہداف کے حصول کو یقینی بنانے کے لیے کیا گیا ہے، 30 جون 2025 تک تمام ٹیکس آفس کی بروز ہفتہ کی چھٹی منسوخ کی گئی ہے۔
ایف بی آر نے اپنے تمام دفاتر پر زور دیا کہ وہ ایک جامع حکمت عملی اپنائیں، جس پر زیادہ سے زیادہ ریونیو کے سلسلے کو فوکس کیا جائے۔
ذرائع کے مطابق، متعلقہ اداروں کو تاکید کی گئی ہے کہ وہ اپنی کارکردگی میں بہتری لائیں اور قانون نافذ کرنے کے اقدامات میں تاخیر نہ کریں تاکہ قومی خزانے کو درکار وسائل بروقت دستیاب ہو سکیں۔
واضح رہے کہ بین الاقوامی مالیاتی فنڈ (آئی ایم ایف) نے حال ہی میں پاکستان کو رواں مالی سال کے لیے اپنے سالانہ ٹیکس ہدف کو 12,970 ارب روپے سے کم کرکے 12,370 ارب روپے کرنے کی اجازت دی تھی اورنظرثانی کے باوجود ایف بی آر کو مسلسل دباوٴ کا سامنا ہے کیونکہ مالی سال 25 کے پہلے نو ماہ کے لیے اس کا ریونیو شارٹ فال پہلے ہی 700 ارب روپے تک پہنچ گیا ہے۔
حکومت خیبرپختونخوا کا مائنز اینڈ منرل ایکٹ صوبے کے عوام کے ساتھ ظلم ہے