چیمپینز ٹرافی دوسرا سیمی فائنل، لاہور میں فول پروف سیکورٹی انتظامات
اشاعت کی تاریخ: 5th, March 2025 GMT
لاہور میں چیمینز ٹرافی کے دوسرے سیمی فائنل کے لیے فول پروف سیکورٹی پلان پر عملدرآمد ہوگا۔
لاہور پولیس کے 12 ہزار 201 افسران و اہلکار ڈیوٹی سرانجام دیں گے۔ ڈی آئی جی آپریشنز فیصل کامران، ایس ایس پی آپریشنز اور سیکورٹی سمیت تمام ایس پی فیلڈ میں ہوں گے۔
ایس ایس پی آپریشنز تصور اقبال اور ایس پی سیکورٹی عبدالوہاب تمام امور کے انچارج ہوں گے۔ ڈی آئی جی آپریشنز کا کہنا ہے کہ سیمی فائنل میں زیادہ رش کے باعث سخت سیکورٹی چیلنج ہوگا۔
ڈی آئی جی آپریشنز کے مطابق 4 درجاتی حصار پر مشتمل فول پروف سیکورٹی پلان ترتیب دیا گیا ہے۔
افسران میں 12 ایس پیز،37 ڈی ایس پیز، 86 انسپکٹرز تعینات ہوں گے۔ خواتین کی سکیورٹی و چیکنگ کیلئے 245 لیڈی اہلکار ڈیوٹی فرائض انجام دیں گی۔ ٹیموں کے ایئر پورٹ سے ہوٹل اور اسٹیڈیم تک روٹ ہائی الرٹ رہیں گے۔ تمام روٹ کی سیف سٹی کیمرے اور سول وردی اہلکار مسلسل نگرانی کریں گے۔ایلیٹ فورس کی33، ڈولفن اور پیرو کی 71 ٹیمیں پٹرولنگ کریں گئیں جبکہ روٹ میں آنے والی تمام بلند عمارتوں پر اسنائپرز بھی تعینات کئے جائیں گے۔
ڈی آئی جی آپریشنز کے مطابق شہر بھر میں حفاظتی سرچ اینڈ سویپ آپریشن بھی کئے جا رہے ہیں۔ سرچ اینڈ سویپ آپریشنز میں تمام سکیورٹی ادارے بھی شامل ہیں۔ سکیورٹی ایس او پیز پر من و عن عملدرآمد کروایا جارہا ہے۔ سیکورٹی پلان کے ساتھ عوام کی سہولت بھی اولین ترجیح رہی ہے۔ شہری ایونٹ کو کامیاب بنانے میں پولیس کی مدد جاری رکھیں۔ سفری مشکل سے بچنے کیلئے دیے گئے ٹریفک پلان کے مطابق سفر کریں۔
.
ذریعہ: Express News
کلیدی لفظ: ڈی آئی جی آپریشنز ایس پی
پڑھیں:
دوسرا سیمی فائنل: نیوزی لینڈ کا جنوبی افریقا کیخلاف ٹاس جیت کر بیٹنگ کا فیصلہ
آئی سی سی چیمپئنز ٹرافی کے دوسرے سیمی فائنل میں نیوزی لینڈ نے جنوبی افریقا کیخلاف ٹاس کر بیٹنگ کا فیصلہ کیا ہے۔
ٹورنامنٹ کا دوسرا سیمی سیمی قذاقی اسٹیڈیم لاہور میں کھیلا جارہا ہے۔
نیوزی لینڈ کے کپتان مچل سینٹنر کا کہنا تھا کہ وکٹ اچھی لگ رہی ہے، یہاں اوس نہیں ہونی چاہیے۔ ہم جانتے ہیں کہ ان کنڈیشنز میں کیا توقع رکھنی چاہیے۔ ہماری ٹیم میں کوئی تبدیلی نہیں۔
انہوں نے کہا کہ پچھلا میچ مختلف کنڈیشنز میں تھا، آج ہم ایک مضبوط ٹیم کے خلاف کھیل رہے ہیں اور امید ہے کہ جنوبی افریقا پر دباؤ ڈال سکیں گے۔
جنوبی افریقی کپتان ٹمبا باؤما نے کہا کہ ٹاس جیت کر ہم بھی بیٹنگ کو ترجیح دیتے لیکن اب ہمیں اچھا آغاز کرنا ہوگا۔ ٹیم میں ایک تبدیلی کی گئی ہے، میں واپس آ گیا ہوں اور اب کافی بہتر محسوس کر رہا ہوں۔
واضح رہے کہ نیوزی لینڈ نے گروپ اے اور جنوبی افریقا نے گروپ بی سے سیمی فائنل کیلئے کوالیفائی کیا تھا۔
آج کا میچ جیتنے والی ٹیم اتوار کو دبئی میں ہونے والے فائنل میں بھارت کے مدمقابل آئے گی۔
یاد رہے کہ بھارت نے گزشتہ روز چیمپئنز ٹرافی کے پہلے سیمی فائنل میں آسٹریلیا کو 4 وکتوں سے شکست دیکر فائنل میں جگہ بنائی تھی۔
صدر زرداری سے اراکین پنجاب اسمبلی کی ملاقات، اندرونی کہانی سامنے آگئی