ٹرمپ کا کابل میں 13 امریکیوں کو ہلاک کرنبوالے دہشتگرد کی گرفتاری میں مدد پر پاکستان سے اظہار تشکر
اشاعت کی تاریخ: 5th, March 2025 GMT
واشنگٹن(نیوزڈیسک)امریکی صدر ڈونلڈ ٹرمپ نے دہشتگردی کے خلاف تعاون میں پاکستان کا شکریہ ادا کیا ہے۔امریکی صدر کا منصب سنبھالنے کے بعد کانگریس سے پہلے طویل ترین خطاب میں ٹرمپ نے کہا کہ انتہاپسند دہشتگردی کے خلاف ہیں، مجھے یہ اعلان کرتے ہوئے خوشی ہےکہ افغانستان میں دہشتگری کا بڑا ذمہ دارپکڑاگیا ہے۔
صدر ٹرمپ نے 2021 میں کابل دھماکے کے دہشتگرد کی گرفتاری میں تعاون پر حکومت پاکستان سے اظہار تشکر کرتے ہوئے کہا کہ اس دہشتگرد کی گرفتاری میں مدد پر پاکستان کا خصوصی طورپر شکریہ اداکرتا ہوں، ساڑھے تین سال پہلے داعش نے 13 امریکیوں کو افغانستان میں قتل کیا، افغانستان میں امریکیوں کو ہلاک کرنے والا اس وقت امریکا لایا جارہا ہے تاکہ وہ امریکا میں قانون کا سامنا کرسکے۔
امریکی صدر نے کانگریس سے تاریخ کا طویل ترین خطاب کیا، ان کے خطاب کا دورانیہ ایک گھنٹہ 39 منٹ اور 31 سیکنڈ تھا جب کہ اس سے قبل 1993 میں صدر کلنٹن نے ایک گھنٹہ 5 منٹ تقریر کی تھی۔
پاکستانی خفیہ ایجنسی نے کس دہشتگرد کو پکڑا؟
مغربی خبر ایجنسی نے دعویٰ کیا ہےکہ پاکستان نے سی آئی اے کی دی گئی معلومات کی بنیاد پر داعش کےکمانڈر کو گرفتار کرلیا جو 2021 میں افغانستان میں امریکی فوج کے انخلا کے موقع پر کی گئی بھیانک دہشتگردی کی سازش میں ملوث تھا۔
خبر ایجنسی کے مطابق 2021 میں کابل ائیرپورٹ کے ایبی گیٹ پر دہشتگردی کے اس واقعے میں 13 امریکی فوجی اور 170 افغان شہری مارے گئے تھے۔خبرایجنسی کے مطابق محمد شریف اللہ داعش کے ان لیڈروں میں سے ایک ہے جس نے مبینہ طورپر اس دہشتگردی کی سازش کی تھی، وہ دہشتگرد جعفر کے نام سے بھی جانا جاتا ہے اسے پاکستانی خفیہ ایجنسی نے گرفتار کیا تھا اور اب اسے پاکستان سے بدھ کو ہی امریکا لایاجائےگا۔
امریکی اہلکار نے خبرایجنسی کو بتایا کہ 26 اگست کو دہشتگردی کی اس واردات کا شریف اللہ ہی ماسٹرمائنڈ ہے۔امریکی صدر کی ہدایت کے بعد سی آئی اے ڈائریکٹر نے پاکستان کے اعلیٰ سکیورٹی عہدیدار سے اس معاملے پر بات کی گئی
ایجنسی کے مطابق صدر ٹرمپ نے عہدہ سنبھالتے ہی سی آئی اے ڈائریکٹر John Ratcliffe کو ہدایت دی تھی کہ وہ ایبی گیٹ دہشتگردی میں ملوث عناصر کو پکڑنا ترجیح بنائیں، سی آئی اے ڈائریکٹر نے عہدہ سنبھالنے کے دوسرے ہی روز پاکستان میں سینئر حکام کے ساتھ یہ معاملہ اٹھایا تھا اورپھر فروری میں ہوئی میونخ سکیورٹی کانفرنس میں بھی پاکستان کے ایک اعلیٰ سکیورٹی عہدیدار کےساتھ اس معاملےپر بات کی تھی۔تاہم واشنگٹن میں پاکستانی سفارتخانے سے جب اس معاملے پر خبرایجنسی نے رابطہ کیا تو انہوں نے خبر پر ردعمل ظاہر نہیں کیا۔
.ذریعہ: Daily Ausaf
کلیدی لفظ: افغانستان میں امریکی صدر ایجنسی نے سی ا ئی اے
پڑھیں:
’اب عمران خان کی رہائی کا کیا ہوگا؟‘، ڈونلڈ ٹرمپ کے اظہار تشکر کے بعد سوشل میڈیا پر نئی بحث چھڑ گئی
امریکی صدر ڈونلڈ ٹرمپ نے افغانستان سے انخلا کے دوران امریکی فوجیوں کو ایک دھماکے میں قتل کرنے والے ملزم کو پاکستان کی مدد سے گرفتار کیے جانے پر حکومتِ پاکستان کا شکریہ ادا کیا ہے۔
ڈونلڈ ٹرمپ کی پاکستان کا شکریہ ادا کیے جانے کی ویڈیو سوشل میڈیا پر وائرل ہو رہی ہے جس پر صارفین مختلف تبصرے کر رہے ہیں۔
حیدر نقوی لکھتے ہیں کہ اسے کہتے ہیں جسے اللہ عزت دینا چاہے۔ انہوں نے کہا کہ پی ٹی آئی کے ملک دشمن مہم چلارہے تھے کہ جنرل عاصم منیر پر پابندیاں لگائی جائیں مگر اُسی کانگریس میں جہاں پابندیوں کی قرارداد لانے کی سازش کی جارہی تھی پاکستانی حکومت اور فوج کا تالیاں بجاکر شکریہ ادا کیا جارہا ہے۔
یہ بھی پڑھیں: ڈونلڈ ٹرمپ کا امریکی کانگریس سے خطاب، پاکستان کا خاص شکریہ کیوں ادا کیا؟
انہوں نے پی ٹی آئی کے لوگوں کو مخاطب کر کے کہا کہ اب تو نوشتۂ دیوار پڑھ لو اور پاکستان کے خلاف سازشوں سے باز آجاؤ تم لوگ مسلسل گڑھے میں گرتے جارہے ہو مگر ہوش نہیں کررہے۔
ڈونلڈ ٹرمپ نے پاکستانی حکومت کا شکریہ کیوں اداکیا ????????
امریکی صدر ڈونلڈ ٹرمپ اور امریکی کانگریس کا کھڑے ہوکر تالیاں بجاکر پاکستان کی موجودہ حکومت کا شکریہ اور تعریفیں کہ داعش کے انتہائ مطلوب دہشت گرد جو کہ تیرہ امریکی قتل کرنے میں ملوث تھا کو پاکستانی فوج نے گرفتار کرکے امریکہ کے… pic.twitter.com/BUeqhJyZcF
— Haider Naqvi (@IamHaiderSN) March 5, 2025
اشفاق حسن لکھتے ہیں کہ ٹرمپ سے کیا چاہتے تھے اور ٹرمپ نے کیا کر دیا۔
بریکنگ
ٹرمپ سے کیا چاھتے تھے، ٹرمپ نے کیا کر دیا۔
کابل ایئرپورٹ پر حملے میں ملوث دہشت گرد کی گرفتاری پر صدر ڈونلڈ ٹرمپ کا پاکستان سے اظہار تشکر
پاکستان نے امریکی انٹیلیجینس لیڈ کے بعد افغانستان کے شہری اور سینیئر داعش کمانڈر محمد شریف اللہ کو پاک افغان بارڈر ایریا سےگرفتار کیا…
— Ashfaq Hassan (@BrigAshfaqHasan) March 5, 2025
ارمان کھوکھر نےلکھا کہ کہاں گئے وہ لوگ جو کہتے تھے کہ ڈونلڈ ٹرمپ آئے گا جیل کا تالا ٹوٹے گا اور سلیکٹیڈ حکومت کا خاتمہ ہو گا، عمران خان وزیر اعظم بنے گا وغیرہ وغیرہ۔ ان کا مزید کہنا تھا یوتھیو سنو ذرا کان کھول کے یہ وہی ڈونلڈ ٹرمپ ہے جو پاکستانی حکومت مطلب شہباز شریف حکومت کی تعریف کر رہا ہے۔
کہاں گئے وہ جو کہتے تھے ڈونلڈ ٹرمپ آئے گا جیل کا تالا ٹوٹے گا اور سلیکٹیڈ حکومت کا خاتمہ ہو گا عمران خان وزیر اعظم بنے گا وغیرہ وغیرہ
او یوتھیو سنو ذرا کن کھول کے یہ وہی ڈونلڈ ٹرمپ ہے جو پاکستانی حکومت مطلب شہباز شریف حکومت کی تعریف کر رہا ہے pic.twitter.com/PWYms0y305
— Arman khokhar PMLN ???????? (@arman_khokher) March 5, 2025
فواد رحمان نامی لکھتے ہیں کہ صدر ٹرمپ نے اپنے پہلے مشترکہ خطاب میں پاکستان کا شکریہ ادا کیا ہے جو پی ٹی آئی امریکہ اور عمران خان کے لیے تباہ کن خبر ہے ان کے عمران خان کی رہائی کے لیے جمع کیے گئے لاکھوں ڈالر ضائع ہو گئے۔
President Trump thanks Pakistan ???????? in his first Joint Address to Congress. Devastating news for PTI USA and Imran Khan—millions raised to secure his release now wasted. A major setback for their cause as Trump's words signal a shift in U.S. ???????? stance toward Pakistan's govt. pic.twitter.com/1lzNeJdjZS
— Fawad Rehman (@fawadrehman) March 5, 2025
عنبر دانش نے ڈونلڈ ٹرمپ کی ویڈیو شیئر کرتے ہوئے لکھا کہ ملکوں کے مابین تعلقات صرف ریاستی سطح پر ہی بنتے ہیں۔ آپ ملین ڈالرز خرچ کرکے 3,3 لابنگ کمپنیوں سےدو چار ٹوئٹ کےعلاوہ کچھ نہیں کروا سکےکیونکہ ریاستیں باہمی مفادات کےکے لیے کام کرتی ہیں۔ جیل میں بیٹھ کر آپ کےپاس وعدوں کےسوا دینےکواورکچھ نہیں جو ناکافی ہے۔
ملکوں کے مابین تعلقات صرف ریاستی سطح پر ہی بنتے ہیں۔آپ ملین ڈالرز خرچ کرکے تین تین لابنگ کمپنیوں سےدو چار ٹوئیٹ کےعلاؤہ کچھ نہیں کروا سکے۔کیونکہ ریاستیں باہمی مفادات کےکیلئے کام کرتی ہیں۔جیل میں بیٹھ کر آپکےپاس وعدوں کےسوا دینےکواورکچھ نہیں جو ناکافی ہے pic.twitter.com/oYP2XdRhS1
— Amber Danish (@amberdanishh) March 5, 2025
سعدیہ خالد نامی ایکس صارف نے لکھا کہ ڈونلڈ ٹرمپ نے پاکستانی حکومت کا شکریہ ادا کیا ہے اور یہ عمران خان کے لیے بڑا پیغام ہے۔
#BreakingNews
ڈونلڈ ٹرمپ نے پاکستانی حکومت کا شکریہ ادا کر دیا! #ImranKhan کیلئے بڑا پیغام!
امریکی صدر #DonaldTrump اور امریکی کانگریس کا کھڑے ہوکر تالیاں بجاکر #Pakistan کی موجودہ @CMShehbaz حکومت کا شکریہ ادا کیا اور تعریفیں کیں کہ داعش کے انتہائی مطلوب دہشت گرد جو کہ تیرہ… pic.twitter.com/2dlBppGnxp
— Sadia Khalid (@SadiasOfficial) March 5, 2025
ایک ایکس صارف نے لکھا کہ ڈونلڈ ٹرمپ نے عمران خان کے خواب چکنا چور کردیے، پی ٹی آئی کی امریکن سینیٹرز پر لاکھوں ڈالرز اور بھاری انوسٹمنٹ ضائع ہو گئی۔
ڈونلڈ ٹرمپ نے عمران خان کے خواب چکنا چور کردیے
امریکن سینیٹرز پر لاکھوں ڈالرز بھاری انوسٹمنٹ ضائع۔ امریکن میڈیا و سوشل میڈیا پر لاکھوں ڈالرز دریا برد
پی ٹی آئی کا بیانیہ ٹرمپ نے وڑ کررکھ دیا۔۔ پاکستان کی اچھے الفاظ میں تعریف
یوتھیوں نے زخموں پر نمک پاشی ہورہی ہے۔ @MoeedNj ✋ pic.twitter.com/3bPeKar8zO
— Adv Madiha Shah (@MadihaShah_adv) March 5, 2025
واضح رہے کہ اگست 2021 میں امریکی انخلا کے دوران کابل ایئرپورٹ کے ایک مصروف گیٹ پر دھماکے میں 150 سے زائد افراد ہلاک ہوئے تھے جن میں سے 13 امریکی فوجی بھی تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان پاکستانی حکومت دہشتگردی ڈونلڈ ٹرمپ شہباز شریف
پنجاب میں پہلا کرائم کنٹرول ڈیپارٹمنٹ قائم