مقدس ماہ میں معصوم شہریوں کو نشانہ بنانے والے کسی رعایت کے مستحق نہیں، محمد شہباز شریف
اشاعت کی تاریخ: 5th, March 2025 GMT
وزیراعظم نے بنوں کینٹ پر حملے کی کوشش کرنے والے خارجیوں کو جہنم واصل کرنے پر سکیورٹی فورسز کے افسران و اہلکاروں کی پذیرائی کی، وزیرِاعظم نے واقعے میں معصوم شہریوں کی شہادت پر گہرے دکھ اور رنج کا اظہار کیا۔ اسلام ٹائمز۔ وزیراعظم محمد شہباز شریف نے بنوں کینٹ پر خوارج کا حملہ ناکام بنانے اور دہشت گردوں کو واصل جہنم کرنے پر سکیورٹی فورسز کو خراج تحسین پیش کیا۔ وزیراعظم محمد شہباز شریف نے حملے کی کوشش کرنے والے خارجیوں کو جہنم واصل کرنے پر سکیورٹی فورسز کے افسران و اہلکاروں کی پذیرائی کی، وزیرِاعظم نے واقعے میں معصوم شہریوں کی شہادت پر گہرے دکھ اور رنج کا اظہار کیا۔ محمد شہبازشریف نے شہداء کی بلندی درجات اور اہل خانہ کیلئے صبر جمیل کی دعا کی، واقعہ میں زخمی ہونے والے افراد کی جلد صحتیابی کی دعا کرتے ہوئے انہیں بہترین طبی سہولیات فراہم کرنے کی ہدایت کی۔
وزیراعظم نے کہا کہ سکیورٹی فورسز کے افسران و اہلکاروں نے فتنہ الخوارج کا حملہ ناکام بنایا، رمضان المبارک کے مقدس مہینے میں معصوم شہریوں کو نشانہ بنانے والے بزدل دہشتگرد کسی رعایت کے مستحق نہیں، فتنہ الخوارج پاکستان اور اسکے معصوم شہریوں کے دشمن ہیں جن کے ناپاک عزائم کبھی کامیاب نہیں ہونے دیں گے۔ محمد شہباز شریف نے مزید کہا کہ فتنہ الخوارج کی مکمل سرکوبی تک اس کے خلاف جنگ میں پوری قوم اپنی سکیورٹی فورسز کے شانہ بشانہ کھڑی ہے۔
ذریعہ: Islam Times
کلیدی لفظ: میں معصوم شہریوں سکیورٹی فورسز کے محمد شہباز شریف شریف نے
پڑھیں:
40 لاکھ گھرانوں کو 5 ہزار فی خاندان رمضان پیکج کا افتتاح: دہشتگردی ناسور، اس کی قبر کھودیں گے، شہباز شریف
اسلام آباد (اپنے سٹاف رپورٹر سے ) وزیراعظم شہباز شریف نے 20 ارب روپے کے رمضان ریلیف پیکج کا افتتاح کردیا ہے جو گزشتہ سال 7 ارب کے پیکج کے مقابلے میں 3 گنا زیادہ ہے ، پیکج کے تحت ملک بھر کے 40 لاکھ مستحق خاندانوں کو شفاف اور آسان انداز میں ڈیجیٹل والٹ کے ذریعے 5ہزار روپے فی خاندان دیئے جائیں گے۔ وزیراعظم نے بٹن دبا کر رمضان ریلیف کے ڈیجیٹل والٹ کا افتتاح کیا۔ وزیراعظم نے تقریب سے خطاب کرتے ہوئے کہا کہ ماہ صیام میں 40 لاکھ گھرانوں اور 2 کروڑ مستحق افرادکو ڈیجیٹل والٹ کے ذریعے فی خاندان 5 ہزار روپے دینے کا انتظام کیا گیا ہے۔ ایسے طبقات جو سفید پوش ہیں اور کسی کے آگے ہاتھ نہیں پھیلاتے ان کی مدد کی جائے گی۔ اس سال تقریبا ً20 ارب روپے کی خطیر رقم اس پیکج کے لئے مختص کی گئی ہے۔ وزیراعظم نے کہا کہ ایک دھیلے کی کرپشن کا شائبہ نہیں ہوگا۔ شفاف نظام کے ذریعے پیکج تقسیم ہوگا جس کی مکمل نگرانی کی جائے گی، اس سال رمضان پیکیج کے لیے لائنیں نہیں لگیں گی، بلکہ با عزت طور پر لوگوں کو ڈیجیٹل والٹ سے ریلیف مل جائے گا۔ وزیراعظم نے مدرسہ حقانیہ اکوڑہ خٹک میں دھماکے کی مذمت کرتے ہوئے مولانا حامدالحق اور دیگر افراد کی شہادت پردلی تعزیت کا اظہار کیا۔ انہوں نے کہا کہ ہم سب اس افسوسناک واقعہ کی شدید مذمت کرتے ہیں اور امید کرتے ہیں کہ کے پی حکومت واقعہ میں ملوث عناصر کے خلاف کارروائی کرتے ہوئے ذمہ داران کو قرار واقعی سزا دے گی۔ وزیراعظم نے کہا کہ 2018 میں دہشتگردی کا مکمل خاتمہ ہو چکاتھا لیکن حالیہ دنوں میں دہشتگردی نے دوبارہ سر اٹھایا ہے۔ ایک مرتبہ پھر دہشتگردی کا خاتمہ کیا جائے گا، ہم اس ناسور کی قبر کھودیں گے، کہ دوبارہ اس ناسور کا نکلنا ممکن نہیں ہوگا۔ جب تک دوباہ اسے دفن کردیتے چین سے نہیں بیٹھیں گے۔ جبکہ انہوں نے کہا کہ کئی سو ارب کے محصولات کے زیر التوا کیسز ہیں اور کرپشن کے ذریعے غریبوں کا پیسہ لوٹا گیا اس سے آہنی ہاتھوں سے نمٹ رہے ہیں۔ ہم نے ونڈ فال ٹیکس کے حوالے سے نئے قانون کے تحت 500 ارب روپے واپس لانے کا ہدف مقرر کیا ہے ۔شروعات سندھ ہائی کورٹ کے حکم امتناعی ختم کرنے سے ہو گیا ہے۔ گورنر سٹیٹ بینک کو خراج تحسین پیش کرتا ہوں جو ایک ہی دن میں 23 ارب روپے بینکوں میں واپس لے کر آئے۔ وزیراعظم نے کہا کہ رمضان پیکیج میں کراچی سے گلگت تک تمام صوبوں کے شہروں، آزاد جموں و کشمیر کے مستحق خاندانوں کو شامل کیا گیا ہے۔ انہوں نے کہا کہ ہم یوٹیلیٹی سٹورز سے جان چھڑوا رہے ہیں، انہیں بہتر بناکر ان کی نجکاری کی جائے گی، اس سال رمضان پیکیج کے لیے لائنیں نہیں لگیں گی، بلکہ با عزت طور پر لوگوں کو ڈیجیٹل والٹ سے ریلیف مل جائے گا، یوٹیلیٹی اسٹورز میں بدترین کرپشن کی جاتی تھی۔ وفاقی وزیر صنعت وپیداوار رانا تنویر حسین نے بریفنگ دی کہا کہ رمضان میں تحصیل سطح پر شوگر ملز مالکان کی طرف سے 600 سٹالز لگائے جائیں گے۔ چینی 130 روپے فی کلو گرام کے حساب سے فراہم کی جائے گی۔
یوکرین تنازع میں عدم مداخلت کے مؤقف پر پاکستان کی سیاسی و عسکری قیادت کا شکریہ، روسی سفیر