کراچی: مبینہ مقابلے میں ایک ڈاکو زخمی حالت میں گرفتار
اشاعت کی تاریخ: 4th, March 2025 GMT
کراچی کےعلاقے اورنگی ٹاؤن پولیس نے ایم پی آر کالونی میں مبینہ مقابلے کے دوران ایک ڈاکو زخمی حالت میں گرفتار کرلیا جبکہ اس کا ساتھی موقع سے فرار ہوگیا۔
ترجمان ڈسٹرکٹ ویسٹ پولیس کے مطابق گرفتار ڈاکو کی شناخت شاہنواز کے نام سے کی گئی جس کے قبضے سے اسلحہ، گولیاں، چلیدہ خول اور نقدی برآمد ہوئی ہے۔
پولیس نے زخمی ڈاکو کو طبی امداد کے لیے عباسی شہید اسپتال منتقل کر دیا جبکہ پولیس اس کا کرمنل ریکارڈ چیک کرتے ہوئے فرار ساتھی کو تلاش کر رہی ہے۔
.ذریعہ: Express News
پڑھیں:
کراچی، چچا سے بھتہ مانگنے والا بھتیجا چار ساتھیوں سمیت گرفتار
شہر قائد کے علاقے اقبال مارکیٹ کی پولیس نے چچا سے بھتہ مانگنے والے بھتیجے کوچارساتھیوں سمیت گرفتارکرلیا گیا۔
۔تفصیلات کےمطابق اقبال مارکیٹ پولیس نے چچا سے بھتہ مانگنے والے بھتیجے کوچارساتھیوں سمیت گرفتارکرلیا گیا،پولیس کے مطابق 25 جنوری 2025 کو شاہ ولی اللّٰہ نگر کے رہائشی قیام الدین کے گھر پر پرچی کے ذریعے بھت طلب کیا گیا تھا۔
شہری کے نظر انداز کرنے پر 21 فروری کودوبارہ فون کال بتایا گیا کہ 5 روز قبل تمہارے گھر کے باہر ہم نے فائر کیا تھا۔ متاثرہ شہری سے 4 لاکھ کی رقم کا بندوبست کرنے اور نہ دینے کی صورت میں بیٹے کوجان سے ماردینے کی دھمکیاں دی گئیں تھیں۔
پولیس کے مطابق ملزمان کوٹیکنیکل بنیادوں پر کارروائی کرتے ہوئے گرفتارکیا گیا۔ گرفتار ملزمان میں احمد رضا،جاوید،شہروز اورعرفان شامل ہیں۔
ملزم جاوید سے متاثرہ شہری کے گھر کے باہر فائرنگ میں استعمال ہونے والا اسلحہ اور موٹرسائیکل برآمد کرلی گئی۔
پولیس کے مطابق ملزم احمد رضا متاثرہ شہری کا بھتیجا اورتمام تر واردات کا ماسٹر مائنڈ ہے۔ ملزم نے واردات میں اپنے دوستوں کو شامل کیا۔ بھتے کے مطالبے کے لیے جس نمبر سے کال کی گئی وہ بھی احمد رضا کے نام پررجسٹرڈ ہےموبائل فون ملزم شہریارکا استعمال کیا گیا تھا۔
گرفتار ملزمان کے خلاف مقدمات کا اندراج کرکے مزید تفتیش کے لیے ایس آئی یو کے حوالے کردیا گیا ہے۔
بھاگ، ڈاکٹر عبدالحئی بلوچ کی برسی پر تقریب کا انعقاد