بنوں حملہ، صدر مملکت اور وزیراعظم کی بروقت کارروائی پر سیکیورٹی فورسز کو شاباش
اشاعت کی تاریخ: 4th, March 2025 GMT
اسلام آباد:
صدر مملکت آصف علی زرداری اور وزیراعظم شہباز شریف نے خیبرپختونخوا کے ضلع بنوں کینٹ میں خوارج کا حملہ ناکام بنانے اور دہشت گردوں کو بروقت کارروائی میں ہلاک کرنے پر سیکیورٹی فورسز کو خراج تحسین پیش کیا ہے۔
سیکیورٹی ذرائع کے مطابق بنوں کے کینٹ ایریا میں افطار سے چند لمحوں قبل خوارج گروہ نے دو خود کش حملے کیے، دھماکے کی نوعیت اس قدر شدید تھی کہ مسجد اور اطراف کے مکانات کی چھتیں منہدم ہوگئیں۔
سیکیورٹی ذرائع نے بتایا کہ چھتیں منہدم ہونے کے نتیجے میں 15 افراد شہید ہوئے جن میں بچے بھی شامل ہیں جبکہ متعدد زخمی ہوئے ہیں۔ شہید ہونے والے روزے دار اور نمازی تھے۔
مزید پڑھیں: بنوں کینٹ پردہشتگردانہ حملہ ناکام، 6 خوارج ہلاک، شہریوں کی شہادتوں کا خدشہ، سیکیورٹی ذرائع
وزیراعظم شہباز شریف نے بنوں کینٹ پر خوارج کا حملہ ناکام بنانے اور دہشت گردوں کو واصل جہنم کرنے پر سکیورٹی فورسز کو خراج تحسین کیا اور سیکیورٹی فورسز کے افسران و اہلکاروں کی پذیرائی کی۔
وزیرِ اعظم نے واقعے میں معصوم شہریوں کی شہادت پر گہرے دکھ اور رنج کا اظہار کرتے ہوئے اُن کے درجات کی بلندی اور لواحقین کیلیے صبر جمیل کی دعا کی۔
وزیرِ اعظم نے واقعے میں زخمی ہونے والے افراد کی جلد صحتیابی کی دعا، انہیں بہترین طبی سہولیات فراہم کرنے کی ہدایت کرتے ہوئے کہا کہ سیکیورٹی فورسز کے افسران و اہلکاروں نے فتنہ الخوارج کا حملہ ناکام بنایا۔
انہوں نے کہا کہ رمضان المبارک کے مقدس مہینے میں معصوم شہریوں کو نشانہ بنانے والے بزدل دہشت گرد کسی رعایت کے مستحق نہیں، فتنہ الخوارج پاکستان اور اسکے معصوم شہریوں کے دشمن ہیں جن کے ناپاک عزائم کبھی کامیاب نہیں ہونے دیں گے۔
یہ بھی پڑھیں: بنوں حملہ، مسجد کی چھت گرنے سے نمازیوں کی شہادتیں ہوئی ہیں، خیبرپختونخوا حکومت
وزیراعظم نے مزید کہا کہ فتنہ الخوارج کی مکمل سرکوبی تک جنگ میں پوری قوم اپنی سیکیورٹی فورسز کے شانہ بشانہ کھڑی ہے۔
صدر مملک آصف علی زرداری نے حملے کی شدید الفاظ میں مذمت کرتے ہوئے قیمتی جانوں کے نقصان پر دکھ کا اظہار کیا۔
صدر مملکت نے بروقت کارروائی میں دہشتگردوں کو جہنم واصل کرنے پر سیکیورٹی فورسز کی تعریف کی اور کہا کہ رمضان المبارک کے مقدس مہینے میں افطار کے دوران ایسا حملہ گھناؤنا عمل ہے، پوری قوم ایسی مذموم کاروائیوں کو مسترد کرتی ہے۔
صدر آصف علی زرداری نے کہا کہ فتنۃ الخوارج کی سرکوبی کیلئے کاروائیاں جاری رکھنے کیلئے پرعزم ہیں۔
صدر مملکت نے شہداء کیلئے بلندی درجات، اہل خانہ کیلئے صبر جمیل کی دعا بھی کی۔
ذریعہ: Express News
کلیدی لفظ: سیکیورٹی فورسز حملہ ناکام صدر مملکت کہا کہ
پڑھیں:
ڈی آئی خان، سیکیورٹی فورسز کا آپریشن، 4خارجی دہشتگرد ہلاک، فوجی جوان شہید
ڈی آئی خان، سیکیورٹی فورسز کا آپریشن، 4خارجی دہشتگرد ہلاک، فوجی جوان شہید سکیورٹی فورسز کا شمالی وزیرستان میں آپریشنسکیورٹی فورسز کا WhatsAppFacebookTwitter 0 17 April, 2025 سب نیوز
ڈیرہ اسماعیل خان (سب نیوز)خیبرپختونخوا کے ضلع ڈی آئی خان میں سیکیورٹی فورسز نے خفیہ اطلاع پر آپریشن کے دوران 4 دہشت گردوں کو ہلاک کردیا جبکہ فائرنگ کے تبادلے میں سپاہی باسط صدیقی شہید ہوگئے۔
پاک فوج کے شعبہ تعلقات عامہ (آئی ایس پی آر)کے مطابق سیکیورٹی فورسز کو ڈیرہ اسمعیل خان کے علاقہ مڈی میں دہشت گردوں کی موجودگی کی خفیہ اطلاع ملی۔ترجمان پاک فوج کا کہنا تھا کہ سیکیورٹی فورسز نے خوارج کی موجودگی کی اطلاع پر علاقے میں کارروائی کی اور خوارج کے ٹھکانوں پر موثر انداز میں کارروائی کی۔
آئی ایس پی آر کے مطابق سیکیورٹی فورسز کی بھرپور کارروائی کے نتیجے میں 4 خارجی دہشت گرد ہلاک ہوگئے۔ہلاک خوراج کے قبضے سے اسلحہ وگولہ بارود بھی برآمد ہوا، ہلاک ہونے والے خوراج علاقے میں دہشتگردی کی کارروائیاں میں ملوث تھے۔ترجمان پاک فوج کا کہنا تھا کہ خواراج سے فائرنگ کے تبادلے میں سپاہی باسط صدیقی شہید ہوگئے۔
خلیجی ملکوں سے بید خل پاکستانی بھکاریوں کیخلاف مقدمے چلانے کا فیصلہ