چیئرمین پی ٹی اے حفیظ الرحمان کی اسٹار لنک کی ٹیم سے ملاقات
اشاعت کی تاریخ: 4th, March 2025 GMT
چیئرمین پاکستان ٹیلی کمیونیکیشن اتھارٹی (پی ٹی اے) میجر جنرل ریٹائرڈ حفیظ الرحمان کی اسٹارلنک کی ٹیم سے ملاقات ہوئی۔
اسلام آباد سے پی ٹی اے ترجمان کے مطابق ملاقات جی ایس ایم اے موبائل ورلڈ کانگریس 2025 پر بارسلونا میں ہوئی، ملاقات میں پاکستان میں ڈیجیٹل کنیکٹیویٹی کے فروغ کے مواقعوں پر تبادلہ خیال کیا گیا۔
پی ٹی اے ترجمان کے مطابق ریگولیٹری فریم ورک اور خدمات کے موثر انضمام پر مبنی حکمت عملی پر بھی تبادلہ خیال کیا گیا۔
پی ٹی اے ترجمان کے مطابق پاکستان کے دور دراز علاقوں میں معیاری براڈ بینڈ رسائی کے امور پر بات چیت ہوئی۔
چیئرمین پی ٹی اے نے اس موقع پر ملک میں کنیکٹیویٹی کے فروغ کےلیے جدید ٹیکنالوجیز کے استعمال کا اعادہ کیا اور کہا کہ اسٹارلنک کی رجسٹریشن کیلئے سیٹلائٹ ریگولیٹری باڈی کے ساتھ بات چیت جاری ہے۔
انکا مزید کہنا تھا کہ سیٹلائٹ ریگولیٹری باڈی کے ساتھ رجسٹریشن لائسنس کے حصول کی لازمی شرط ہے۔ اسٹارلنک ٹیم نے اس موقع پر سیٹلائٹ انٹرنیٹ اور موبائل فون سروسز کے ساتھ مسابقت پر بریفنگ دی۔
.ذریعہ: Jang News
کلیدی لفظ: پی ٹی اے
پڑھیں:
بلاول اور آصفہ بھٹو سے شیری رحمان کی ملاقات
چیئرمین پاکستان پیپلز پارٹی (پی پی پی) بلاول بھٹو زرداری سے شیری رحمان سمیت کئی پارٹی رہنماؤں نے ملاقات کی ہے۔
بلاول بھٹو اور آصفہ بھٹو زرداری سے پارٹی کی نائب صدر سینیٹر شیری رحمان نے ملاقات کی اور ایوان میں قانون سازی سے متعلق بات چیت کی۔
پی پی چیئرمین سے میئر سکھر اور ترجمان سندھ حکومت ارسلان شیخ نے بھی ملاقات کی۔
بلاول بھٹو اور آصفہ بھٹو سابق وزیر عبداللّٰہ کی پرانا گولیمار رہائشگاہ پر گئے اور اُن سے بیٹے ابراہیم بلوچ کے انتقال پر تعزیت کی، اس دوران بہن ناز بلوچ اور بھائی مصطفیٰ بلوچ سے بھی تعزیت کی۔
راشد لطیف میڈیكل اینڈ ڈینٹل كالج كے زیر اہتمام چھٹے كانووكیشن 2025 كا انعقاد