بھارت آسٹریلیاکو 4 وکٹوں سے شکست دیکر پانچویں بار چیمپئنز ٹرافی کے فائنل میں پہنچ گیا
اشاعت کی تاریخ: 4th, March 2025 GMT
بھارت آسٹریلیاکو 4 وکٹوں سے شکست دیکر پانچویں بار چیمپئنز ٹرافی کے فائنل میں پہنچ گیا WhatsAppFacebookTwitter 0 4 March, 2025 سب نیوز
دبئی(سب نیوز )چیمپئنز ٹرافی کے پہلے سیمی فائنل میں بھارت نے آسٹریلیا کو 4 وکٹوں سے شکست دے کر فائنل کے لیے کوالیفائی کرلیا۔دبئی انٹرنیشنل کرکٹ اسٹیڈیم میں ہونے والے اس بڑے مقابلے میں آسٹریلیا نے بھارت کے خلاف ٹاس جیت کر بیٹنگ کا فیصلہ کیا۔آسٹریلوی ٹیم اننگز کے آخری اوور میں 264 رنز بناکر آٹ ہوگئی، جواب میں بھارت نے 265 رنز کا ہدف 49 ویں اوور میں 6 وکٹوں کے نقصان پر پورا کرلیا۔
آسٹریلیا کی جانب سے کپتان اسٹیو اسمتھ نے 73 رنز کی اننگز کھیلی، ایلکس کیری نے 61 رنز بنائے اور اوپنر ٹریوس ہیڈ 39 رنز اسکور کرسکے۔بھارت کے محمد شامی نے 3، جدیجا اور ورون چکرورتھی نے 2، 2 کھلاڑیوں کو آٹ کیا۔ بھارت نے 265 رنز کا ہدف 49 ویں اوور میں 6 وکٹوں کے نقصان پر پورا کرکے فائنل کے لیے کوالیفائی کرلیا۔
بھارت کی جانب سے ویرات کوہلی نے 84 رنز کی اہم اننگز کھیلی اور مین آف دی میچ قرار پائے۔ ان کے علاوہ شریاس ایئر 45 رنز بناکر آٹ ہوئے۔ ہاردیک پانڈیا اور روہت شرما نے 28، 28 رنز بنائے، اکشر پٹیل 27 اور شبمن گل 8 رنز بنا کر آٹ ہوئے۔
آسٹریلیا کے ایڈم زمپا اور ناتھن ایلس نے 2، 2 کھلاڑیوں کو آ ئو ٹ کیا۔خیال رہیکہ بھارت پانچویں بار چیمپئنز ٹرافی کے سیمی فائنل میں پہنچا ہے۔ 2002 اور 2013 میں بھارت فاتح رہا تھا جب کہ 2000 اور 2017 میں اسے فائنل میں شکست کا سامنا کرنا پڑا تھا۔ ٹورنامنٹ کا دوسرا سیمی فائنل کل نیوزی لینڈ اور جنوبی افریقا کے درمیان لاہور کے قذافی اسٹیڈیم میں کھیلا جائے گا، جب کہ فائنل اتوار 9 مارچ کو دبئی میں کھیلا جائیگا۔
.ذریعہ: Daily Sub News
کلیدی لفظ: چیمپئنز ٹرافی کے فائنل میں
پڑھیں:
پاکستان ایگلز نے گرونانک کبڈی کپ کے فائنل میں جگہ بنالی
پاکستان ایگلز نے لاہور میں جاری گرونانک کبڈی کپ کے دوسرے دن زبردست کھیل پیش کرتے ہوئے بھارتی اور ایرانی ٹیموں کو شکست دے کر فائنل میں اپنی جگہ پکی کرلی۔ مقامی میدان میں ہونے والے ان مقابلوں میں پاکستان ایگلز نے اپنی مہارت، ٹیم ورک اور حکمت عملی کا اعلیٰ مظاہرہ کرتے ہوئے شائقین کے دل جیت لیے۔
ایونٹ کے دوسرے دن کے پہلے میچ میں پاکستان ایگلز نے بھارتی ٹیم ’ایس جی پی سی ٹائیگرز‘ کو 26 کے مقابلے میں 37 پوائنٹس سے شکست دی۔ اس سنسنی خیز مقابلے میں بھارتی سورما پاکستانی ٹیم کے سامنے جم کر مقابلہ کرنے میں ناکام رہے جبکہ پاکستانی کھلاڑیوں نے جارحانہ کھیل سے مداحوں کو خوب محظوظ کیا۔
مزید پڑھیں:کبڈی کو زندہ رکھنے کے لیے پشاور کے نوجوانوں میں مقابلے
اسی روز کھیلے گئے دوسرے اہم میچ میں ایگلز کا مقابلہ ایرانی ٹیم ’لائینز آف تبریز‘ سے ہوا، جہاں پاکستان ایگلز نے شاندار کھیل کا تسلسل برقرار رکھتے ہوئے 30 کے مقابلے میں 46 پوائنٹس سے میدان مار لیا اور فائنل کے لیے کوالیفائی کر لیا۔
پاکستان کبڈی فیڈریشن کے سیکریٹری رانا سرور نے ایونٹ کے کامیاب انعقاد پر مسرت کا اظہار کرتے ہوئے کہا کہ یہ ایونٹ دنیا بھر کو پیغام ہے کہ پاکستان پرامن اور کھیلوں سے محبت کرنے والا ملک ہے۔ کبڈی جیسے روایتی کھیل کے ذریعے ہم اپنی ثقافت اور نوجوانوں کی صلاحیتوں کو دنیا کے سامنے اجاگر کر رہے ہیں۔
مزید پڑھیں:پنجاب کلچر ڈے کی مناسبت سے تقریبات کا آغاز، کن فنکاروں نے فن کا مظاہرہ کیا؟
انہوں نے مزید کہا کہ گرونانک کبڈی کپ جیسے مقابلے پاکستان میں کبڈی کے روشن مستقبل کی علامت ہیں اور ایسے ایونٹس نوجوان کھلاڑیوں کی حوصلہ افزائی کے لیے انتہائی اہم کردار ادا کر رہے ہیں۔
ایونٹ کا فائنل آج کھیلا جائے گا، جہاں پاکستان ایگلز اور انڈین ٹائیگرز آمنے سامنے ہوں گے۔ شائقین اس معرکہ آرائی کو ایک سنسنی خیز اور تاریخی مقابلہ قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین لائینز بابا گرونانک کپ پاکستان ایگلز کبڈی لائینز آف تبریز
امریکا میں رواں ماہ ہزار سال کا بد ترین سیلاب آنے کا امکان ہے، ناسا