گلبر اور امجد گلگت بلتستان کو بیچنے کے درپے ہیں، راجہ زکریا
اشاعت کی تاریخ: 4th, March 2025 GMT
ممبر صوبائی اسمبلی نے کہا کہ لینڈ ریفامز ایکٹ کے حوالے سے ابھی تک تیسرا ڈرافٹ لایا گیا لیکن کسی بھی اپوزیشن رکن یا سٹیک ہولڈر کو اعتماد میں نہیں لیا گیا، چھتری کے ذریعے حکومت میں آکر اب عوامی زمینوں کی بندر بانٹ کی ہم اس نام نہاد حکومت کو ہر گز اجازت نہیں دینگے۔ اسلام ٹائمز۔ رکن گلگت بلتستان اسمبلی راجہ زکریا مقپون نے کہا ہے کہ حاجی گلبر اور امجد حسین ایڈووکیٹ گلگت بلتستان کو بیچنے کے درپے ہیں، گلگت بلتستان کو بیچ کر ہی ان کو سکون ملے گا۔ ایک انٹرویو میں ممبر صوبائی اسمبلی کا کہنا تھا کہ لینڈ ریفامز ایکٹ کے حوالے سے ابھی تک تیسرا ڈرافٹ لایا گیا لیکن کسی بھی اپوزیشن رکن یا سٹیک ہولڈر کو اعتماد میں نہیں لیا گیا، چھتری کے ذریعے حکومت میں آکر اب عوامی زمینوں کی بندر بانٹ کی ہم اس نام نہاد حکومت کو ہر گز اجازت نہیں دینگے۔ انہوں نے کہا کہ اس وقت پورے جی بی میں اندھیرے کا راج ہے، رمضان المبارک کے مقدس مہینے میں بھی عوام کو سحری و افطاری پر بجلی نہیں دی جا رہی ہے، مسائل کے انبار ہیں، عوام کو دھوکہ دینے کے علاوہ ان کے پاس کوئی کام نہیں ہے، دیامر اور بلتستان کے عوام سڑکوں پر سراپا احتجاج ہیں اور حکومت نام کی کوئی چیز نظر نہیں آ رہی ہے۔ انہوں نے کہا کہ لینڈ ریفامز ایکٹ اسمبلی آئے گا تو تب ہی معلوم ہو گا کہ آخر اس میں کیا چیز ہے اور ہم نے عوام کی وکالت کرنی ہے، ہمیں عوام نے چنا ہے اور عوام کے حقوق کا تحفظ ہم پر فرض ہے اور ہم مکمل عوامی کام کرینگے۔ ہماری حکومت سے کوئی دشمنی نہیں ہے، حکومت اگر اچھا کام کرے گی تو اس کی ہم تعریف کرینگے، اگر عوام کے حقوق کر ڈاکہ ڈالنے کی کوشش کرے گی تو ہم بھی خاموش نہیں رہیں گے۔
.ذریعہ: Islam Times
کلیدی لفظ: گلگت بلتستان نے کہا
پڑھیں:
عمران خان کو سحری نہ دینے اور عبادات سے روکنے میں کوئی صداقت نہیں، سلمان اکرم راجہ
اسلام آباد:پاکستان تحریک انصاف کے رہنما بیرسٹر سلمان اکرم راجہ نے عمران خان کو سحری نہ دینے کے بیرسٹر سیف کے دعوے کی تردید کردی۔
اڈیالہ جیل کے باہر میڈیا سے گفتگو کرتے ہوئے سلمان اکرم راجہ نے کہا کہ عمران خان کی صحت کے حوالے سے افواہیں پھیلائی گئیں،معمول کا چیک اپ ہوا اور وہ بالکل ٹھیک ہیں۔
انہوں نے کہا کہ بانی کو سحری نہ دینے اور عبادت سے روکنے کی باتوں میں بھی صداقت نہیں، بیرسٹر سیف نے جو غیر زمہ دارانہ بیان دیا اس حوالے شیخ وقاص اکرم کو کہا ہے کہ وہ ان سے پوچھیں کہ یہ بیان دینے کی ضرورت کیوں پیش آئی۔
سلمان اکرم راجہ نے کہا کہ بانی قوم کی خاطر جیل میں ہیں اور خان صاحب کو پارٹی سے کوئی شکایت نہیں ہے، آج ہماری اگلے لائحہ عمل پر بات ہوئی اور عمران خان نے ہدایات دی ہیں۔
انہوں نے کہا کہ جیل کے تمام معاملات کے حوالے سے چوہدری ظہیر عباس کو بانی اور بشری بی بی نے اپنا وکیل مقرر کیا ہے، بدقسمتی سے کچھ لوگوں نے وکالت کے ذریعے اپنا سیاسی قد بڑھانے کی کوشش کی، فیصل چوہدری کو ہدایت کی گئی ہے وہ تمام پٹیشنز چوہدری ظہیر عباس کے سپرد کردیں۔
بیرسٹر سلمان اکرم راجہ نے کہا کہ جسکو خان صاحب زمہ داری دیں بس اسکو سیاست کرنی چاہیے، نیاز اللہ نیازی کو بانی پی ٹی آئی کا ترجمان مقرر کیا گیا ہے جبکہ بشری بی بی نے اپنے چار فوکل پرسن مقرر کئے ہیں۔
سلمان اکرم راجہ نے اپوزیشن اتحاد کے حوالے سے بات ہوئی، ہم مولانا کی عزت کرتے ہیں چاہتے ہیں وہ اس اتحاد میں شامل ہوں، مولانا کے حوالے سے بانی پی ٹی آئی جے کچھ ہدایات دی ہیں جو میں ان تک پہنچاؤں گا۔
اسرائیل کا رمضان میں فلسطینیوں کے مسجد اقصیٰ میں داخلے پر پابندی لگانے کا فیصلہ