مرغی کے گوشت کی قیمت نےعوام کے ہوش اڑادیئے
اشاعت کی تاریخ: 4th, March 2025 GMT
رمضان المبارک کے بابرکت موقع پر بھی منافع خور باز نہ آئے اور مرغی کا گوشت 850 سے 900 روپے فی کلو تک پہنچ گیا۔
تفصیلات کے مطابق رمضان المبارک کے تیسرے روزے ہی برائلر مرغی کی قیمتیں آسمان تک پہنچ گئیں، پرچون زندہ برائلر مرغی 490 روپے فی کلو اور مرغی کا گوشت 850سے 900 روپے فی کلو تک پہنچ گیا۔جڑواں شہروں راولپنڈی اسلام آباد سمیت پنجاب بھر میں برائلر مرغی کی قیمت فی من 18 ہزار آٹھ سے تجاوز کر گئی، آج ہول سیل مرغی منڈی میں فی من 18800 میں فروخت ہورہی ہے۔
ہول سیل منڈی میں 12 سے 14 ہزار فی من میں فروخت ہونے والی مرغی کی قیمتوں میں 4 ہزار 8 سو روپے فی من اضافہ ہو گیا۔بکرے اور گائے بھینس کا گوشت غریب عوام کی پہنچ سے پہلے ہی دور تھا ، پرائس کنٹرول مجسٹریٹ کمیٹیاں اور اقدامات کارکردگی پر سوالیہ بن گیا ہے۔
.ذریعہ: Daily Ausaf
کلیدی لفظ: روپے فی
پڑھیں:
وزیر اعظم کے 5 ہزار میں صرف چولھا ہی جل سکتا ہے، وہ بھی بغیر گیس، فیصل واوڈا کی کڑی تنقید
فیصل واوڈا نے وزیر اعظم شہباز شریف کے رمضان پیکج پر تنقید کرتے ہوئے کہا ہے کہ وزیر اعظم کے 5 ہزار میں صرف چولھا ہی جل سکتا ہے، وہ بھی بغیر گیس۔
سینیٹر فیصل واوڈا نے پارلیمنٹ ہاؤس کے باہر میڈیا سے گفتگو کرتے ہوئے پی ٹی آئی کی جانب سے عید کے بعد بڑے احتجاج کی خبروں کو ٹوپی ڈراما قرار دیا اور کہا تاریخ لکھ لیں نہ دھرنا ہوگا نہ احتجاج ہوگا، یہ پرانی تنخواہ پر کام کریں گے۔ انھوں نے کہا ٹرمپ کارڈ سے یہ اب پلے کارڈ پر آ گئے ہیں، عید کے بعد بکرا عید بھی آ جائے گی اور کچھ نہیں ہوگا۔
فیصل واوڈا نے کہا بانی پی ٹی آئی کو کوئی ڈیل آفر نہیں ہوئی، میں تحریک انصاف کا نہ حصہ تھا اور نہ اب جانا ہے، میں بانی تحریک انصاف کے ساتھ تھا، وہ آدھی رات کو بھی بلائیں گے تو جاؤں گا۔سینیٹر نے میری ٹائم میں کرپشن کے ایک بڑے معاملے کے حوالے سے کہا کہ یہ ایشو اٹھانے کے بعد 72 گھنٹے میں 60 ارب روپے واپس اکاؤنٹ میں آ گئے، 2024 میں جو 500 ایکڑ کی اپروول تھی وہ میرے نوٹس پر کینسل ہوئی، بہتر پرفارمنس ہی تو ہے کہ 60 ارب واپس کرائے، میرا ٹارگٹ 1500 ارب واپس کرانے کا ہے۔
واضح رہے کہ وزیر اعظم شہباز شریف کے مطابق رمضان پیکج کے لیے 20 ارب روپے مختص کیے گئے ہیں، اس پیکج کے تحت 40 لاکھ خاندانوں کو رقوم ڈیجٹل والٹ کے ذریعے منتقل کی جائیں گی، اور فی کس خاندان کو 5 ہزار روپے ملیں گے۔
لاہور، امیر جماعت اسلامی سے مذہبی سکالر ڈاکٹر ذاکر نائیک کی ملاقات