بانی کو سحری نہ دینے، عبادت سے روکنے کی باتیں غلط ہیں، سلمان اکرم
اشاعت کی تاریخ: 4th, March 2025 GMT
سلمان اکرم راجا(فائل فوٹو)۔
پاکستان تحریک انصاف کے رہنما سلمان اکرم راجا نے کہا ہے کہ بانی پی ٹی آئی کی صحت کے حوالے سے بہت افواہیں پھیلائی گئیں، بانی پی ٹی آئی کا معمول کا چیک اپ ہوا وہ بالکل ٹھیک ہیں۔
راولپنڈی میں اڈیالہ جیل کے باہر گفتگو کرتے ہوئے سلمان اکرم راجا نے کہا کہ بانی پی ٹی آئی کو سحری نہ دینے اور عبادت سے روکنے کی باتوں میں بھی صداقت نہیں۔
سلمان اکرم راجا نے کہا کہ بانی نے کہا جو لیڈر شپ پر حملہ ہوتا ہے وہ بھگوڑے کرتے ہیں، انھیں پارٹی سے کوئی شکایت نہیں ہے۔
پی ٹی آئی رہنما نے کہا کہ بانی سے آئندہ کے لائحہ عمل پر بھی بات ہوئی ہے۔ انھوں نے سیاسی رفقاء سے 5 ماہ سے ملاقات نہ ہونے کے حوالے سے ہدایات دیں۔
سلمان اکرم راجا نے کہا کہ بانی پی ٹی آئی اور بشریٰ بی بی نے جیل معاملات میں اپنا وکیل مقرر کیا ہے، کچھ لوگوں نے وکالت کے ذریعے اپنا سیاسی قد بڑھانے کی کوشش کی۔ جس کو بانی پی ٹی آئی ذمہ داری دیں اس کو سیاست کرنی چاہیے، نیاز اللہ نیازی کو بانی پی ٹی آئی کا ترجمان مقرر کیا گیا ہے۔
انھوں نے کہا کہ بشریٰ بی بی نے اپنے چار فوکل پرسن مقرر کیے ہیں، فیصل چوہدری کو ہدایت دی ہے وہ تمام پٹیشنز چوہدری ظہیر عباس کے سپرد کر دیں۔
سلمان اکرام راجہ نے کہا کہ اپوزیشن اتحاد کے حوالے سے بات ہوئی پوری بات نہیں کروں گا، مولانا فضل الرحمان کی عزت کرتے ہیں چاہتے ہیں وہ اس اتحاد میں شامل ہوں۔
پی ٹی آئی کے سیکریٹری جنرل نے کہا مولانا سے متعلق بانی پی ٹی آئی نے کچھ ہدایات دی ہیں جو میں ان تک پہنچاؤں گا۔
انھوں نے کہا بیرسٹر سیف نے جو غیر ذمہ دارانہ بیان دیا شیخ وقاص اکرم کو کہا ہے ان سے پوچھیں، بیان دینے کی ضرورت کیوں پیش آئی۔
.ذریعہ: Jang News
کلیدی لفظ: سلمان اکرم راجا نے کہا بانی پی ٹی آئی نے کہا کہ بانی
پڑھیں:
بشری بی بی نے مشعال یوسفزئی کو ترجمان کے عہدے سے ہٹا دیا، 4 نئے فوکل پرسن مقرر
بشری بی بی نے مشعال یوسفزئی کو ترجمان کے عہدے سے ہٹا دیا. چار نئے فوکل پرسن بھی مقرر کر دیئے۔اڈیالہ جیل کے باہر میڈیا سے گفتگو میں بانی پی ٹی آئی کی وکیل تابش فاروق نے کہا کہ آج ہونے والی ملاقات میں بشری بی بی نے مشعال یوسفزئی کو فوکل پرسن کے عہدے سے ہٹا کر اپنے چار نئے فوکل پرسن مقرر کیے ہیں۔انہوں نے کہا کہ فوکل پرسنز میں وکلاء نعیم پنجوتھہ، مبشر مقصود اعوان، خالد یوسف چودھری اور رائے سلمان شامل ہیں۔انہوں نے بتایا کہ ملاقات میں بشری بی بی اور پارٹی لیڈر شپ موجود تھی، بشری بی بی نے خود کہا کہ مشعال یوسفزئی اب ان کی ترجمانی نہیں کرے گی، مشال یوسف زئی کو عہدے سے ہٹانے کی تصدیق بعدازاں پارٹی سیکرٹری جنرل سلمان اکرم راجہ نے بھی کی۔
جرمنی میں انتخابات کے بعد حکومت سازی کے لیے جوڑ توڑ جاری