لاہور کے اسٹریٹ آرٹسٹ کو بھیک مانگنے کے جرم میں گرفتارکر لیا گیا
اشاعت کی تاریخ: 4th, March 2025 GMT
لاہور کے اسٹریٹ آرٹسٹ کو بھیک مانگنے کے جرم میں گرفتارکر لیا گیا، نوجوان نے پولیس کے سامنے بھیک مانگنے سے انکارکرتے ہوئے کہا کہ بھیک نہیں مانگتا، لوگ خود پیسے دیتے ہیں، بند روڈ کا رہائشی اور دو بچوں کا باپ ہوں۔
تفصیلات کے مطابق لاہورگلبرگ میں جسم اور کپڑوں پر گولڈن رنگ کرکے مجسمے کی طرح کھڑےکا معاملہ سٹریٹ پرفارمر کو ٹریفک پولیس پکڑ کر تھانے لے آئی۔اسٹریٹ آرٹسٹ محمد نامی شخص کا کہنا ہے کہ سنہرے کپڑے پہن کر انسانی مجسمہ بن کر لوگوں کو محٖظوظ کرتا ہوں۔ لوگ پیسے دے جاتے ہیں، میں بھیک تو نہیں مانگتا۔
محمد گلبرگ کے علاقے میں جسم اور کپڑوں پر گولڈن رنگ کرکے مجسمے کی طرح کھڑاہوتا تھا۔ تیس سالہ محمد سوداگربند روڈ کا رہائشی اور دو بچوں کا باپ ہے۔
اس کا کہنا ہے کہ یہ ایک آرٹ ہے اور یہ دنیا بھر میں ہے۔ ٹریفک پولیس کو آرٹ اور بھیک میں فرق ہی نہیں معلوم۔ میں سڑک کے کنارے کھڑا ہوتا ہوں۔ٹریفک وارڈن کا کہنا ہے کہ یہ اعلی افسران کا حکم ہے، اس لیے انہیں پکڑا ہے۔ اس سے ٹریفک کے بہاؤ میں رکاوٹ آتی ہے۔
.ذریعہ: Daily Ausaf
پڑھیں:
پنجاب پولیس کانسٹیبل کا سکھ یاتریوں کا میاں محمد بخش کے صوفیانہ کلام سے استقبال
پنجاب پولیس کے کانسٹیبل نے بیرون ملک سے آئے سکھ یاتریوں کا حضرت میاں محمد بخش کے صوفیانہ کلام سے استقبال کیا ہے۔
یہ بھی پڑھیں: بیساکھی میلہ: 7 ہزار سے زیادہ سکھ یاتریوں کی پاکستان آمد، محبت اور بین المذاہب ہم آہنگی کا شاندار مظاہرہ
پنجاب پولیس کے آفیشل سوشل میڈیا اکاؤنٹس ایکس پر پیغام میں ایک ویڈیو شیئر کی گئی ہے، ویڈیو میں دیکھا جاسکتا ہے کہ پنجاب پولیس کے کانسٹیبل شاہد بیرون ملک سے آئے سکھ یاتریوں کا حضرت میاں محمد بخش کے صوفیانہ کلام سے استقبال کررہے ہیں۔
پاکستانی اور انڈین پنجاب کے کلچر کے بہترین مظہر، صوفیانہ کلام سے سکھ یاتری مسحور ہوئے اور ان کے جذبات امڈ آئے۔
یہ بھی پڑھیں: بابا گرو نانک کا 555واں جنم دن:پاکستان میں سکھ یاتریوں کی سیکیورٹی کےلیے فول پروف انتظامات
پنجاب پولیس کا کہنا ہے کہ پنجاب پولیس بیرون ملک سے آئے سکھ یاتریوں کی مہمان نوازی اور حفاظت دونوں فرائض بخوبی سر انجام دے رہی ہے، شاہد جیسے افسران پنجاب پولیس کا فخر ہیں۔
پنجاب پولیس کے کانسٹیبل شاہد کا بیرون ملک سے آئے سکھ یاتریوں کا حضرت میاں محمد بخش کے صوفیانہ کلام سے استقبال، پاکستانی اور انڈین پنجاب کے کلچر کا بہترین مظہر۔ صوفیانہ کلام سے سکھ یاتری مسحور ہوئے اور جذبات امڈ آئے۔
پنجاب پولیس بیرون ملک سے آئے سکھ یاتریوں کی مہمان نوازی اور… pic.twitter.com/NaTMsHzKmE
— Punjab Police Official (@OfficialDPRPP) April 17, 2025
کانسٹیبل شاہد نے سکھ یاتریوں سے گفتگو میں کہا کہ اس بات میں کوئی صداقت نہیں ہے کہ سکھ یاتری انڈیا سے پاکستان آتے ہیں تو انہیں کسی اور ملک کا ویزا نہیں ملتا، یہاں سکھ یاتریوں کے لیے کوئی پریشانی نہیں ہے، ہم پنجابیوں نے پوری دنیا کو بتایا ہے کہ ہم دو نہیں ایک ہیں، ہماری روحیں ساتھ دھڑکتی ہیں۔
یاد رہے کہ خالصہ جنم دن اور بیساکھی میلے کی تقریبات کا باقاعدہ آغاز پیر کے روز گرودوارہ جنم استھان ننکانہ صاحب میں ہوا جس میں شرکت کے لیے انڈیا سے آنے والے لگ بھگ 6 ہزار یاتری 2 روز قبل پاکستان پہنچے تھے۔
پہلی مرتبہ پاکستان نے اتنی بڑی تعداد میں انڈیا سے آنے والے سکھ یاتریوں کو ویزے دیے ہیں، اس سے قبل یہ تعداد 2 سے 3 ہزار کے درمیان رہتی تھی جو پاکستان اور انڈیا کے درمیان سکھ یاتریوں کے حوالے سے موجود معاہدے کے عین مطابق ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پنجاب پولیس سکھ یاتری صوفیانہ کلام میاں محمد بخش ننکانہ صاحب
امریکا میں رواں ماہ ہزار سال کا بد ترین سیلاب آنے کا امکان ہے، ناسا