پاکستان میں گیمنگ کلچر کو فروغ دینے کیلئے ایچ پی گیمنگ لیب کا افتتاح
اشاعت کی تاریخ: 4th, March 2025 GMT
پاکستان میں گیمنگ ایکو سسٹم کو فروغ دینے کے لی ایچ پی گیمنگ گیراج لیب کا آغاز کیا گیا ہے۔
نیشنل ایرواسپیس سائنس اینڈ ٹیکنالوجی پارک نے پاکستان میں مُلّر اینڈ فپس (M&P) کے تعاون سے انسٹی ٹیوٹ آف انفارمیشن ٹیکنالوجی(این آئی آئی ٹی) میں ایچ پی گیمنگ گیراج لیب کے آغاز کا اعلان کیا ہے۔
این آئی آئی ٹی حکومت پاکستان کی جانب سے اسٹریٹجک قومی اہمیت کے منصوبے کے طور پر تسلیم شدہ ایک اہم ادارہ ہے۔ پاک فضائیہ کی سربراہی میں NASTP صنعت، تعلیمی اداروں اور حکومت کے درمیان تعاون کو فروغ دیتا ہے تاکہ ایک ترقی پذیر ٹیکنالوجی ایکو سسٹم کو تعمیر کیا جا سکے۔
نئی لیب طلباء کو ای اسپورٹس مینجمنٹ اور گیم ڈویلپمنٹ میں مہارت حاصل کرنے اور ان کا جائزہ لینے کا موقع فراہم کرتی ہے جس سے وہ میڈیا، آئی سی ٹی اور ای اسپورٹس کی صنعتوں میں کیریئر کے لیے تیاری کر سکتے ہیں۔
ایچ پی گیمنگ گیراج ایک ایسا اقدام ہے جو دنیا بھر سے سیکھنے والوں کو گیمنگ اور ای اسپورٹس کی صنعت میں داخل ہونے کے لیے ضروری مہارت حاصل کرنےاور اسے فروغ دینے کی حوصلہ افزائی کرتا ہے۔
گیمنگ کے شعبے نے گزشتہ دہائی میں بے مثال عالمی ترقی حاصل کی ہے اور اہم معاشی، ثقافتی اور تکنیکی اثر و رسوخ کے ساتھ مرکزی دھارے کی تفریحی صنعت میں تبدیل ہو گیا ہے۔ دنیا بھر میں پی سی گیمرز کی اندازاً تعداد سنہ2026ء میں 909 ملین تک پہنچ جائے گی جو console سے 33 فیصد آگے سب سے بڑا سیگمنٹ ہے۔
یہ لیب مقامی ٹیلنٹ کو پروان چڑھائے گی اور نوجوان ڈیویلپرز، ای اسپورٹس پروفیشنلز اور ڈیجیٹل تخلیق کاروں کے لیے ملک کے ٹیکنالوجی پر مبنی مستقبل میں بامعنی کردار ادا کرنے کی راہ ہموار کرے گی۔
اس موقع پر افتتاحی تقریب کے مہمان خصوصی، ائیر آفیسر کمانڈنگ سینٹرل ایئر کمانڈ، ائیر وائس مارشل، محمد عاصم رانا (ستارہ امتیاز، ملٹری) نے کہا کہ گیمنگ اور ای اسپورٹس اب محض شوق نہیں رہے۔ یہ عالمی ڈیجیٹل معیشت کا ایک اہم حصہ ہیں۔ تاہم، اس سے فائدہ اٹھانے کے لیے،صحیح مہارت، بنیادی ڈھانچے اور ماحولیاتی نظام کو فروغ دینے کی ضرورت ہے۔
تعاون اور شراکت داری کی اہمیت پر روشنی ڈالتے ہوئے انہوں نے تمام اسٹیک ہولڈرز کی حوصلہ افزائی کی کہ وہ اس اقدام کو کامیاب بنانے کے لیے مل کر کام جاری رکھیں۔
ایچ پی انکارپوریٹڈ کے کنٹری بزنس منیجر پاکستان، نواز دھنجی نے کہا ہم پاکستان میں ایچ پی گیمنگ گیراج کے افتتاح پر اپنے مجاز ڈسٹری بیوٹر M&P کے ساتھ تعاون کرنے پر پرجوش ہیں۔ ایچ پی میں ہم سمجھتے ہیں کہ نوجوانوں کے لیے تعلیم تک مساوی رسائی ڈیجیٹل مساوات کی کلید ہے۔
اسی طرح مُلر اینڈ فپس کے چیف ایگزیکٹو آفیسر اور منیجنگ ڈائریکٹر، کامران نشاط نے اس اقدام کی اہمیت پر زور دیتے ہوئے کہا کہ NASTP میں ایچ پی گیمنگ گیراج کا قیام پاکستان کے گیمنگ ایکو سسٹم کی ترقی میں ایک اہم سنگ میل کی حیثیت رکھتا ہے۔
.ذریعہ: Express News
کلیدی لفظ: پاکستان میں کو فروغ کے لیے
پڑھیں:
سوات؛ نادرا رجسٹریشن سنٹر کا باقاعدہ افتتاح
سٹی 42 : سوات میں عوام کی سہولت کے لیے نادرا رجسٹریشن سنٹر کا باقاعدہ افتتاح کر دیا گیا۔
امیر مقام نے اس موقع پر گفتگو میں کہا کہ نادرا سنٹر کے قیام سے عوام کو شناختی دستاویزات کے حصول میں سہولت ملے گی۔ عوام کو ان کے گھر کے قریب سہولت فراہم کرنا حکومت کی اولین ترجیح ہے، شناختی کارڈ کے اجرا میں مشکلات کا خاتمہ کر رہے ہیں، عوام کو سہولت دیں گے۔ انہوں نے کہا کہ مزید نادرا سنٹرز کھول کر عوام کو سہولتیں دیں گے، نادرا سنٹر کا قیام مسلم لیگ (ن) کی عوامی خدمت کا ثبوت ہے۔
لاہور میں 255 ٹریفک حادثات ، ایک شخص جاں بحق ، 310 زخمی
انہوں نے کہاکہ عمران نیازی کو ٹرمپ کے یوکرینی صدر کے ساتھ رویے سے سبق سیکھنا چاہیے، عمران کے خطوط کا انجام صرف باسکٹ ہی ہوگا، کوئی پڑھنے والا نہیں۔عوام ذاتی مفادات پر مبنی اتحادوں کو خوب جانتی ہے، اگر اتحاد بنانا ہے تو دہشت گردی، معاشی استحکام اور بے روزگاری کے خاتمے کے لیے بنائیں۔ امیر مقام نے کہا کہ اپوزیشن کو سول ملٹری الائنس ہضم نہیں ہو رہا، اگلے عام انتخابات 2029 میں ہی ہوں گے، اپوزیشن انتظار کرے۔
رمضان المبار ک میں پانی کی کمی سے بچنے کے طریقے
امیر مقام نے کہا کہ وزیرِاعظم شہباز شریف کی قیادت میں پاکستان معاشی بحالی اور استحکام کی راہ پر گامزن ہے، مہنگائی میں کمی، برآمدات میں اضافہ اور بڑے ترقیاتی منصوبوں کی بحالی حکومت کی کامیابی کا ثبوت ہیں، مسلم لیگ (ن) عوام کو ریلیف فراہم کرنے کے لیے دن رات کام کر رہی ہے، وزیراعلیٰ پنجاب مریم نواز عوامی خدمت میں مصروف ہیں، پنجاب میں صحت، تعلیم، انفراسٹرکچر اور سوشل ویلفیئر کے منصوبے برق رفتاری سے مکمل کیے جا رہے ہیں۔ انہوں نے کہا کہ نواز شریف کا وژن پاکستان کو ترقی کی راہ پر واپس لانا ہے، مسلم لیگ (ن) کی حکومت نواز شریف کے وژن کے مطابق ملک کو ترقی کی شاہراہ پر ڈال چکی ہے۔
مداحوں نے ہمیشہ سپورٹ کیا، اس محبت کا قرض اچھی فلموں کے ذریعے چکانا چاہتا ہوں, جان ابراہم
انہوں نے مزید کہا کہ اپوزیشن کے حالیہ اتحاد ذاتی مفادات پر مبنی ہیں، عوام ان کے اصل عزائم سے واقف ہیں۔ اگر حقیقی اتحاد بنانا ہے تو ملک میں دہشت گردی، بے روزگاری اور معاشی استحکام کے لیے بنایا جائے۔
بجلی 4 روپے 95 پیسے فی یونٹ سستی ہونے کا امکان