قومی ٹیم کے ون ڈے اور ٹی ٹوئنٹی کپتان کا اعلان، نیا بیٹنگ کوچ بھی مقرر
اشاعت کی تاریخ: 4th, March 2025 GMT
پاکستان کرکٹ بورڈ نے دورہ نیوزی لینڈ کے لیے ون ڈے اور ٹی ٹوئنٹی اسکواڈ کے اعلان کے ساتھ کپتانوں کا انتخاب بھی کر لیا ہے۔
عبوری ہیڈ کوچ عاقب جاوید نے اپنی پریس کانفرنس میں بتایا کہ محمد رضوان کی جگہ سلمان علی آغا کو ٹی ٹوئنٹی کا کپتان مقرر کیا ہے جبکہ نائب کپتان شاداب خان کو بنایا ہے۔
انہوں نے بتایا کہ ون ڈے فارمیٹ کے لیے وکٹ کیپر بیٹر محمد رضوان کو ہی کپتان برقرار رکھا گیا ہے جبکہ نائب کپتان سلمان علی آغا ہوں گے۔
اسی طرح، عاقب جاوید دورہ نیوزی لینڈ میں عبوری ہیڈ کوچ رہیں گے جبکہ محمد یوسف کو بیٹنگ کوچ مقرر کیا گیا ہے۔
قومی ٹیم کے ون ڈے اسکواڈ سے فاسٹ بولر شاہین شاہ آفریدی اور حارث رؤف جبکہ ٹی ٹوئنٹی اسکواڈ سے محمد رضوان اور بابراعظم کو ڈراپ کیا گیا ہے۔
ون ڈے اسکواڈ
کپتان محمد رضوان، نائب کپتان سلمان علی آغا، عبداللہ شفیق، امام الحق،طیب طاہر بابراعظم، ابرار احمد، عاکف جاوید، فہیم اشرف، خوش دل شاہ، محمد علی، محمد وسیم جونیئر، محمد عرفان خان، نسیم شاہ، سفیان مقیم
ٹی ٹوئنٹی اسکواڈ
کپتان سلمان علی آغا، نائب کپتان شاداب خان، عبدالصمد، ابرار احمد، حارث رؤف، حسن نواز، جہانداد خان، خوش دل شاہ، محمد عباس آفریدی، محمد علی، محمد حارث، محمد عرفان خان، عمیر بن یوسف، شاہین شاہ آفریدی، سفیان مقیم، عثمان خان
.ذریعہ: Daily Mumtaz
کلیدی لفظ: سلمان علی ا غا محمد رضوان نائب کپتان ٹی ٹوئنٹی
پڑھیں:
دورہ نیوزی لینڈ میں نئی ٹیم نیا کپتان، رضوان، بابر، حارث، شاہین آفریدی اسکواڈ سے باہر
لاہور(نیوز ڈیسک)ذرائع کا کہنا ہے کہ چیمپئنز ٹرافی میں قومی ٹیم کی ناقص کارکردگی پرکپتان محمد رضوان سمیت سینئر کرکٹرز کو آرام دینے پراتفاق کیا گیا ہے، کپتان محمد رضوان کے آرام کرنےکی صورت میں شاداب خان کوقیادت سوپنے پرغورکیا گیا۔
تفصیلات کے مطابق چیمپئنز ٹرافی 2025 میں قومی ٹیم کی ناقص کارکردگی پر کپتان محمد رضوان سمیت سینئر کرکٹرز کو آرام دینے پراتفاق کر لیا گیا۔ کپتان رضوان کے آرام کرنے کی صورت میں شاداب خان کوقیادت سوپنے پرغور کیا جارہا ہے۔
قومی اسکواڈ میں 8 سے9 نئے کھلاڑیوں کو موقع دیے جانے کا امکان ہے۔ ذرائع کا کہنا ہے کہ شاہین آفریدی، بابر اعظم، حارث روف، فخر زمان، ڈراپ ہونگے۔
ذرائع نے یہ بھی بتایا کہ امام الحق، طیب طاہر، کامران غلام کو ڈراپ ہوں گے، محمد حارث، سفیان مقیم، عرفات منہاس ٹیم کا حصہ ہونگے۔
ذرائع کے مطابق عرفان خان نیازی ٹیم کا حصہ ہونگے، زمان خان، محمد وسیم، عباس آفریدی، جہانداد خان کوموقع مل سکتا ہے۔
ذرائع نے یہ بھی بتایا کہ آغا سلمان، ابرار احمد اور عمیر بن یوسف موقع مل سکتا ہے، نئے کھلاڑیوں حسن نواز، علی رضا، عبدالصمد شامل ہونگے۔
چیئرمین پی سی بی کی نیشنل کرکٹ اکیڈمی میں سلیکٹرزسےملاقات
چیمپئینز ٹرافی میں پاکستانی ٹیم کی ناقص کارکردگی پرچیئرمین پی سی بی نے نیشنل کرکٹ اکیڈمی میں سلیکٹرز سے ملاقات کی۔ محسن نقوی نے سلیکٹرزکو مستقبل کو دیکھتے ہوئے قومی کرکٹ ٹیم تیارکرنےکی ہدایت کردی۔
ذرائع کا کہنا ہے کہ سلیکٹرزنے اکیڈمی میں سرجوڑلیے، نئےکھلاڑیوں کو آزمانے پراتفاق کیا گیا۔ دورہ نیوزی لینڈ میں 8 سے 9 کھلاڑیوں کوآزمایا جائے گا۔
ایشین کرکٹ کونسل کی صدارت محسن نقوی کوملے گی
دوسری جانب پاکستان کرکٹ بورڈ کے چیئرمین محسن نقوی رواں ماہ ایشین کرکٹ کونسل کی صدارت سنبھالیں گے۔
چیمپیئنز ٹرافی کے بعد ایشین کرکٹ کونسل کا دبئی میں اجلاس ہوگا۔ جس میں محسن نقوی کو ذمہ داریاں سونپی جائیں گی۔
اجلاس میں بھارت کی میزبانی میں رواں برس ستمبر میں شیڈول ایشیا کپ کے وینیو کا بھی فیصلہ ہوگا، پاکستان کے میچز دبئی یا سری لنکا میں کروانے کی تجویز پیش کی جائے گی۔
مزیدپڑھیں:اپنی موت کی پیشگوئی کرنے والے نجومی کو محبوبہ نے زہر دے دیا
ملک بھر میں ایک ہی روز روزہ ہوگا،چیئرمین رویت ہلال کمیٹی کا بڑا اعلان