چیمیئنز ٹرافی سیمی فائنل: آسٹریلیا کی 2 وکٹ کے نقصان پر بھارت کیخلاف بیٹنگ جاری
اشاعت کی تاریخ: 4th, March 2025 GMT
چیمیئنز ٹرافی سیمی فائنل کے پہلے میچ میں آسٹریلیا نے ٹاس جیت کر بھارت کیخلاف پہلے بیٹنگ کا فیصلہ کیا ہے۔
سیمی فائنل کے یہ اہم میچ دبئی انٹرنیشنل کرکٹ اسٹیڈیم میں جاری ہے جہاں 2 وکٹوں کے نقصان کے ساتھ آسٹریلیا کی بیٹنگ جاری ہے۔
آسٹریلیا کو میچ کے آغاز میں ہی ایک وکٹ کا نقصان اٹھانا پڑا جب اوپنر کاپر کانولی، محمد شامی کے بال پر آؤٹ ہوکر پولین لوٹ گئے۔
آسٹریلیا کے کپتان اسٹیو اسمتھ نے ٹاس جیتنے کے بعد کہا کہ ہم نے ٹیم میں 2 تبدیلیاں کی ہیں، ٹیم میں کاپر کانولی اور تنویر سانگا کو شامل کیا گیا ہے جبکہ بھارتی کپتان روہت شرما کے مطابق ان کی ٹیم میں کوئی تبدیلی نہیں کی گئی ہے۔
یہ بھی پڑھیے: چیمپیئنز ٹرافی پہلا سیمی فائنل: آسٹریلیا بمقابلہ انڈیا، ناک آؤٹ مرحلے میں کس کا پلڑا بھاری؟
واضح رہے کہ اس سے قبل انڈیا نے نیوزی لینڈ کو 44 رنز سے شکست دے کر سیمی فائنل کے لیے کوالیفائی کی تھی جبکہ آسٹریلیا اور افغانستان کے درمیان ہونے والا میچ بارش کی وجہ سے منسوخ ہوگیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا انڈیا سیمی فائنل.ذریعہ: WE News
کلیدی لفظ: ا سٹریلیا انڈیا سیمی فائنل سیمی فائنل ا سٹریلیا
پڑھیں:
اسلام آباد، ”متحدہ آوازوں” کے عنوان سے سیمینار کا انعقاد
سیمینار کا اہتمام کل جماعتی حریت کانفرنس آزاد کشمیر شاخ اور کشمیر انٹرنیشنل انسٹیٹیوٹ آف ریلیشنز نے کیا تھا۔ جس کی صدارت کل جماعتی حریت کانفرنس آزاد کشمیر شاخ کے کنوینر غلام محمد صفی نے کی۔ اسلام ٹائمز۔ اسلام آباد میں "متحدہ آوازیں" کے عنوان سے سیمینار میں مقبوضہ کشمیر میں جاری بھارتی ریاستی دہشت گردی، کشمیریوں کی نسل کشیُ اور ان پر ڈھائے جانیوالے وحشیانہ مظالم پر سخت تشویش ظاہر کی گئی ہے۔ ذرائع کے مطابق سیمینار کا اہتمام کل جماعتی حریت کانفرنس آزاد کشمیر شاخ اور کشمیر انٹرنیشنل انسٹیٹیوٹ آف ریلیشنز نے کیا تھا۔ جس کی صدارت کل جماعتی حریت کانفرنس آزاد کشمیر شاخ کے کنوینر غلام محمد صفی نے کی جبکہ سیمینار میں مختلف شعبہ زندگی سے تعلق رکھنے والے افراد بشمول حریت قیادت، دانشوروں، تجزیہ کاروں اور سول سوسائٹی کے نمائندوں نے شرکت کی۔ غلام محمد صفی نے اپنے خطاب میں کہا کہ کشمیری عوام کو اپنے مستقبل کا فیصلہ کرنے کا حق دیا جانا چاہیے جس کی ضمانت انہیں اقوام متحدہ کی متعلقہ قراردادوں میں فراہم کی گئی ہے۔ انہوں نے کہا کہ ہم مسئلہ کشمیر کا کوئی نیا حل تلاش نہیں کرنا چاہتے کیونکہ کشمیری عوام کئی دہائیوں قبل پاکستان سے الحاق کا فیصلہ کر چکے ہیں۔ غلام صفی نے کہا کہ پاکستان اور بھارت کو ایک پلڑے میں نہیں طولا جا سکتا کیونکہ بھارت ایک غاصب ملک ہے جس نے جموں و کشمیر پر فوجی طاقت کے بل پر غیر قانونی طور پر قبضہ کر رکھا ہے۔انہوں نے کہا کہ ہمیں دوست اور دشمن میں فرق سمجھنا چاہیے۔
سینیٹر شیری رحمان نے سیمینار سے خطاب میں کہا کہ کشمیری عوام بھارتی تسلط سے آزادی کی جنگ لڑ رہے ہیں۔ انہوں نے کہا کہ پیپلز پارٹی شہید ذوالفقار علی بھٹو کی جماعت ہے جنہوں نے کشمیریوں کی جدوجہد اور آزادی کی تحریک میں اہم کردار ادا کیا۔ پیپلز پارٹی نے ہر فورم میں کشمیر کی آزادی کے حوالے سے آواز اٹھائی ہے۔ کشمیر اور فلسطین میں غاصب قوتوں نے ظلم کی انتہا کر دی ہے اور انسانی حقوق کی سنگین پامالیاں جاری ہیں۔ اقوام متحدہ کو دونوں دیرینہ تنازعات کیلئے حل سنجیدگی سے ایکشن لینا چاہیے کیونکہ دونوں مقبوضہ علاقے میں نسل کشی جاری ہے۔
سابق وزیراعظم آزاد کشمیر راجہ فاروق حیدر، سردار عتیق خان اور سابق امیر جماعت اسلامی سراج الحق نے اپنے خطاب میں دیرینہ تنازعہ کشمیر کو ہر عالمی فورم پر اٹھانے پر زور دیا۔ انہوں نے کہا کہ کشمیر ایک نظریہ ہے۔ کشمیر کے بغیر پاکستان ادھورا ہے۔ انہوں نے کہاکہ جو مجاہدین کشمیر کی جدوجہد آزادی میں شہید ہوئے وہ ہمارے ہیرو ہیں۔ انہوں نے کہا کہ وقت بدل رہا ے، انشاءاللہ جلد فلسطین اور مقبوضہ کشمیر آزاد ہوں گے۔
برٹش مسلم کمیونٹی کے رکن لیاقت علی اور ممبر لیبر پارٹی لندن ڈاکٹر ذوالفقار نے کہا کہ مسئلہ کشمیر کے حل کا وقت آ گیا ہے کیونکہ جموں و کشمیر اس وقت عالمی توجہ کا مرکز بنا ہوا ہے۔ انہوں نے عالمی برادری پر زور دیا کہ وہ جموں و کشمیر میں انسانی حقوق کی پامالیاں بند کرائے۔ دیگر مقررین نے مقبوضہ جموں و کشمیر کی سنگین صورتحال، بھارتی ریاستی دہشت گردی، آبادی کے تناسب کو بگاڑنے کے مودی حکومت کے مذموم عزائم کی شدید مذمت کی۔ انہوں نے کہا کہ بھارتی قابض انتظامیہ حریت قیادت کو حق خودارادیت کی جائز جدوجہد سے دستبردار ہونے کیلئے بدترین سیاسی انتقام کا نشانہ بنا رہی ہے، ان کے گھروں اور جائیدادوں کو ضبط کرنے اور گرفتاریوں کی دھمکیاں دی جا رہی ہیں جبکہ ان کے اہلخانہ کو خوف و دہشت کا نشانہ بنایا جاتا ہے۔انہوں نے کہا کہ بھارت گزشتہ 78سال سے جموں و کشمیر پر اپنے غیر قانونی و غیر آئینی قبضے کو طول دینے کیلئے استعماری ہتھکنڈے استعمال کر رہا ہے۔انہوں نے کہا کہ تمام تر ظالمانہ و جابرانہ ہتھکنڈوں کے باوجود کشمیری عوام اپنی حق پر مبنی جہدوجہد سے ہرگز پیچھے نہیں ہٹیں اور اسے اس کے منطقی انجام تک جاری رکھیں گے۔
مقررین نے بھارت کی جانب سے مقبوضہ کشمیر میں جاری انسانی حقوق کی سنگین خلاف ورزیوں پر تشویش کا اظہار کیا۔ انہوں نے عالمی برادری پر زور دیا کہ وہ بھارت کے وحشیانہ مظالم کا فوری نوٹس لے اور بین الاقوامی قوانین اور انسانی حقوق کے چارٹر کی پاسداری کیلئے بھارت پردبائو بڑھائے۔ مقررین نے بھارتی جیلوں میں غیر قانونی طور پر نظربند کشمیری حریت رہنمائوں اور نوجوانوں کی فوری رہائی کا مطالبہ بھی کیا۔ انہوں نے اس عزم کا اعادہ کیا کہ کشمیری اپنی حق خودارادیت کی جدوجہد سے کسی صورت دستبردار نہیں ہوں گے اور وہ مقصد کے حصول تک اپنی پرامن جدوجہد جاری رکھیں گے۔ انہوں نے عالمی برادری خاص طور پر اقوام متحدہ اور انسانی حقوق کی عالمی تنظیموں سے مطالبہ کیا گیا کہ وہ مقبوضہ کشمیر میں جاری انسانی حقوق کی سنگین صورتحال کا فوری نوٹس لیں، کشمیری عوام کے بنیادی حقوق کا تحفظ یقینی بنانے اور مسئلہ کشمیر کے منصفانہ کیلئے بھارت پر دبائو بڑھائیں اور پرامن حل کے لیے اپنی کوششیں تیز کریں۔
دیگر مقررین میں عبدالرشید ترابی، ڈائریکٹر کشمیر لبریشن سیل راجہ سجاد، چیئرمین جے سیون گروپ چوہدری مقبول اور بیرون ملک مقیم دیگر کشمیری اور پاکستانی شامل تھے۔ سیمینار میں سفیر نفیس زکریا، جے کے ایل ایف فرانس کے صدر عمران بٹ کے علاوہ کشمیری حریت رہنما ایڈوکیٹ پرویز احمد، مشتاق احمد بٹ، شمیم شال، الطاف حسین وانی، محمد رفیق ڈار، شیخ عبدالمتین، سید اعجاز رحمانی، راجہ خادم حسین، شیخ یعقوب، زاہد اشرف، زاہد صفی، میاں مظفر، جاوید جہانگیر، چوہدری شاہین، محمد اشرف ڈار، شیخ عبدالماجد، محمد شفیع ڈار، عبدالحمید لون، عبدالمجید لون، سید منظور احمد شاہ، سید گلشن، منظور احمد ڈار، اشفاق مجید، ثناء اللہ ڈار نے شرکت کی۔
حکومت کا اسلام آباد میں ورکنگ ویمن کیلئے ہاسٹل بنانے کا فیصلہ