فی تولہ سونا 4 ہزار 800 روپے مہنگا، نئی قیمت 3 لاکھ 6 ہزار روپے سے بھی بڑھ گئی
اشاعت کی تاریخ: 4th, March 2025 GMT
اسلام آباد (ڈیلی پاکستان آن لائن )پاکستان میں فی تولہ سونے کی قیمت نے ایک بار پھر بڑی چھلانگ لگا دی، سونے کی قیمت تاریخ کی نئی بلند ترین سطح پر پہنچ گئی۔
ڈان نیوز کے مطابق ملکی صرافہ مارکیٹوں میں فی تولہ سونا 4 ہزار 800 روپے کے اضافے سے 3 لاکھ 6 ہزار 300 روپے کی سطح پر جا پہنچا، 10 گرام سونے کی قیمت 4 ہزار 115 روپے کے اضافے سے 2 لاکھ 62 ہزار 602 روپے ہوگئی۔عالمی مارکیٹ میں سونا 47 ڈالر کے اضافے کے بعد 2 ہزار 916 ڈالر فی اونس کا ہوگیا، جس کے اثرات پاکستان میں بھی دیکھے گئے اور سونے کی قیمت ریکارڈ سطح پر جاپہنچی۔
واضح رہے کہ گزشتہ روز آل پاکستان صرافہ جیمز اینڈ جیولرز ایسوسی ایشن نے رپورٹ کیا تھا کہ 24 قیراط خالص سونے کے فی تولہ نرخ ایک ہزار 500 روپے اضافے سے 3 لاکھ ایک ہزار 500 روپے تک جاپہنچے تھے۔
جس کے بعد آج مسلسل دوسرے روز سونے کی قیمت 4 ہزار 800 روپے فی تولہ بڑھ گئی، مارکیٹ ذرائع کا کہنا ہے کہ عالمی مارکیٹ میں سونے کی قیمت بڑھنے کے اثرات پاکستان میں بھی دیکھے گئے ہیں۔
وزیراعظم کی آذربائیجان کیساتھ معاہدوں، ایم او یوز پر جلد عمل درآمد کرنے کی ہدایت
مزید :.ذریعہ: Daily Pakistan
کلیدی لفظ: سونے کی قیمت فی تولہ
پڑھیں:
گوگو باکس گاڑی کی قیمت میں بڑی کمی کا اعلان کر دیا گیا
اسلام آباد(نیوز ڈیسک)پاکستان میں الیکٹرک وہیکل (EV) مارکیٹ تیزی سے گرم ہو رہی ہے۔ چین سے متعارف ہونے والی “DongFeng کو چاولہ گروپ نے پاکستانی مارکیٹ میں لایا، جو کہ اس گاڑی کے آفیشل ڈسٹری بیوٹر بھی ہیں۔ لیکن اب دوسری جانب GuGo موٹرز نے اپنی “GuGo کے ساتھ مارکیٹ میں دھماکے دار انٹری دے دی ہے اور صرف دو ماہ بعد ہی اپنی تمام ویریئنٹس کی قیمتوں میں زبردست کمی کا اعلان کر دیا ہے۔
GuGo موٹرز نے اپنے تین ای وی ویریئنٹس E1، E2، اور E3 کی قیمتوں میں 10 لاکھ 50 ہزار روپے تک کمی کر دی ہے۔ اس اقدام نے GuGo Box کو نہ صرف زیادہ پرکشش بنا دیا ہے بلکہ DongFeng Box کے مقابلے میں نمایاں طور پر سستا بھی کر دیا ہے۔
نئی قیمتیں
باکس ای ون ایکو (Box E1 Eco) کی نئی قیمت 56 لاکھ 50 ہزار مقرر کر دی گئی ہے جبکہ اس سے قبل یہ گاڑی 67 لاکھ روپے میں فروخت کی جارہی تھی ۔
باکس ای 2 پلس (Box E2 Plus) کی قیمت میں بھی دس لاکھ پچاس ہزار روپے کمی کی گئی ہے جس کے بعد نئی قیمت 62 لاکھ 50 ہزار روپے مقرر کی گئی ہے جبکہ اس سے قبل یہ گاڑی 73 لاکھ میں فروخت ہو رہی تھی ۔
باکس ای 3 پریمیئم (Box E3 Premium) کی قیمت کمی کے بعد 66 لاکھ 50 ہزار روپے کر دی گئی ہے جبکہ اس سے قبل یہ گاڑی 77 لاکھ روپے میں فروخت کی جارہی تھی ۔
کمپنی کے مطابق یہ نئی قیمتیں محدود اسٹاک کے لیے ہیں۔ بکنگ 5 لاکھ روپے کے جزوی ادائیگی پر جاری ہے اور گاڑیوں کی ڈیلیوری اپریل میں ہی متوقع ہے۔
زہریلی شے کھلا کر قتل، قیمتی اشیا چرانے والی خاتون گرفتار