مصر کا غزہ منصوبہ، حماس کی جگہ عبوری حکومت کی تجویز
اشاعت کی تاریخ: 4th, March 2025 GMT
دوحہ: مصر نے غزہ کے مستقبل کے لیے ایک منصوبہ پیش کیا ہے، جس کے تحت حماس کو حکومت سے الگ کرنے اور ایک عبوری انتظامیہ کے قیام کی تجویز دی گئی ہے، جو عرب، مسلم اور مغربی ممالک کی حمایت سے کام کرے گی۔ یہ منصوبہ عرب لیگ کے اجلاس میں پیش کیا جائے گا۔
منصوبے کے مطابق، غزہ میں ایک "گورننس اسسٹنس مشن" قائم کیا جائے گا جو حماس کے زیرانتظام حکومت کی جگہ لے گا۔ یہ مشن انسانی امداد اور غزہ کی تعمیر نو کے عمل کی نگرانی کرے گا۔
یہ واضح نہیں کیا گیا کہ یہ منصوبہ جنگ کے بعد لاگو ہوگا یا کسی مستقل امن معاہدے سے پہلے اور اس میں امریکی منصوبے کی مخالفت کی گئی ہے، جو غزہ سے فلسطینیوں کی نقل مکانی پر مبنی تھا۔ منصوبے میں انتخابات یا مستقبل کے حکومتی ڈھانچے کے حوالے سے کوئی تفصیل شامل نہیں۔
حماس کے سینئر رہنما سامی ابو زہری نے اس منصوبے کو مسترد کرتے ہوئے کہا کہ "غزہ کے مستقبل کا فیصلہ صرف فلسطینی کریں گے۔" انہوں نے کسی غیر ملکی طاقت کے غزہ میں انتظامی کنٹرول کو ناقابل قبول قرار دیا۔
منصوبے کے حوالے سے ابھی تک کسی عرب ملک نے کھل کر حمایت یا مخالفت نہیں کی۔ تاہم، یہ واضح کیا گیا ہے کہ جب تک حماس اقتدار میں رہے گی، عالمی برادری غزہ کی تعمیر نو کے لیے مالی مدد فراہم نہیں کرے گی۔
یہ منصوبہ ایسے وقت میں پیش کیا گیا ہے جب مصر، اردن اور خلیجی ممالک امریکی منصوبے کا متبادل سفارتی حل تلاش کرنے میں مصروف ہیں۔
.
ذریعہ: Express News
پڑھیں:
حکومت متنازع نہری منصوبہ روکے ورنہ ساتھ نہیں چل سکتے، بلاول بھٹو نے شہباز شریف کو خبردار کردیا
پاکستان پیپلزپارٹی (پی پی پی) کے چیئرمین بلاول بھٹو نے وفاقی حکومت کو خبردار کرتے ہوئے کہا ہے کہ اگر فی الفور دریائے سندھ پر متنازع کینالز منصوبہ نہ روکا گیا تو ہم ساتھ نہیں چل سکیں گے، وزارتوں کو لات مارتے ہیں۔
حیدرآباد میں جلسہ عام سے خطاب کرتے ہوئے انہوں نے کہاکہ اگر ہمارا مطالبہ نہ مانا گیا تو پھر ہمیشہ کی طرح مشکل وقت کا سامنا کرنے کے لیے تیار ہیں، اصولوں پر کوئی سودے بازی نہیں ہوگی۔
یہ بھی پڑھیں وی نیوز ڈیبیٹ: نہروں کے معاملے پر پنجاب اور سندھ کے وزرائے آبپاشی کے درمیان دلچسپ بحث
انہوں نے کہاکہ عمران خان نے بھی اپنے دور میں دریائے سندھ سے 2 کینالز بنانے کی منظوری دی تھی، لیکن ہم نے ڈٹ کر مقابلہ کیا اور عدم اعتماد کے ذریعے گھر بھیج دیا۔
بلاول بھٹو نے کہاکہ عمر کوٹ کے ضمنی انتخابات میں عوام نے پاکستان پیپلزپارٹی کو جتوا کر ثابت کردیا کہ وہ کینالز منصوبے کی مخالفت کرتے ہیں، ہم اس منصوبے کے خلاف اس لیے ہیں کہ اس کی وجہ سے وفاق خطرے میں ہے۔
انہوں نے کہاکہ اسلام آباد میں بیٹھے لوگ گونگے اور بہرے ہیں، انہیں عوام کی سمجھ نہیں آتی، لیکن میں اپنے عوام کے ساتھ کھڑا ہوں۔
چیئرمین پی پی پی نے کہاکہ عمر کوٹ کے ضمنی انتخابات میں 17 یتیم سیاسی پارٹیوں کو شکست ہوئی، اور حیرت کی بات یہ ہے کہ یہاں پاکستان مسلم لیگ ن اور پی ٹی آئی بھی ہمارے خلاف ایک پیج پر تھیں، ہمارے مخالفین اب منہ دکھانے کے قابل نہیں رہے۔
بلاول بھٹو نے کہاکہ ہم پاکستان کھپے کا نعرہ لگانے والے ہیں، بینظیر بھٹو کی شہادت کے بعد جب سازش ہورہی تھی تو صدر زرداری نے پاکستان کھپے کا نعرہ لگایا۔
بلاول بھٹو نے خطاب کرتے ہوئے عمران خان کا قیدی نمبر 420 کا لقب دیا، اور کہاکہ متنازع کینالز کے معاملے پر ہم نے اس کا بھی ڈٹ کر مقابلہ کیا۔
انہوں نے کہاکہ ایک ایسے وقت میں جب ملک بھر میں دہشتگردی ہورہی ہے، آپ نے ایسا موضوع چھیڑ دیا جس سے بھائی کے بھائی سے لڑنے کا خطرہ ہے۔ پیپلزپارٹی اس پر خاموش نہیں رہے گی۔
بلاول بھٹو نے کہاکہ ہمیں وزارتیں نہیں عزت چاہیے، وزارتوں کو ٹھوکر مارتے ہیں، شہباز شریف کو معلوم ہونا چاہیے کہ وہ ہماری وجہ سے دو بار وزیراعظم بنے۔
انہوں نے کہاکہ پاکستان بھر کے کسانوں کے ہونے والے معاشی قتل کا ساتھ نہیں دے سکتے، چاہتے ہیں کہ چاروں صوبوں میں معاشی ترقی ہو اور عوام کو روزگار کے مواقع ملیں۔
انہوں نے مسلم لیگ ن پر تنقید کرتے ہوئے کہاکہ شیر والے عوام کا خون چوستے ہیں، ان کا ہر منصوبہ کسان دشمن ہوتا ہے، کسانوں پر اضافی ٹیکس لگا دیا گیا، اب وہ کہاں جائیں۔
انہوں نے مزید کہاکہ پانی تو پہلے ہی موجود نہیں، تو کینالز بنانے کا منصوبے کا پھر کیا مطلب ہے؟ حکومت کینالز منصوبہ روکے، ہم 50 سالہ پلان بتائیں گے کہ زراعت میں کیسے ترقی کرنی ہے۔
یہ بھی پڑھیں نہریں بنانے کے معاملے پر وفاقی حکومت اور صوبہ سندھ آمنے سامنے کیوں ہیں؟
انہوں نے کہاکہ میں کیوں نہیں چاہوں گا کہ تھرپارکر اور چولستان میں ترقی، مگر سندھ کا سودا نہیں کروں گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاول بھٹو زرداری پاکستان پیپلزپارٹی تنقید خبردار کر دیا دریائے سندھ شہباز شریف عمران خان کینالز منصوبہ متنازع نہری منصوبہ مسلم لیگ ن وزیراعظم وی نیوز
خلیجی ملکوں سے بید خل پاکستانی بھکاریوں کیخلاف مقدمے چلانے کا فیصلہ