ایٹلی کی نئی ایکشن فلم میں الو ارجن کی دھماکے دار انٹری، سلمان خان آؤٹ!
اشاعت کی تاریخ: 4th, March 2025 GMT
ممبئی: بالی وڈ کے سپر اسٹار سلمان خان کے مداحوں کے لیے ایک بڑی خبر سامنے آئی ہے۔ مشہور ہدایت کار ایٹلی کی فلم میں سلمان خان کو ساؤتھ انڈین سپر اسٹار الو ارجن نے ریپلیس کر دیا ہے۔
رپورٹس کے مطابق، پشپا 2 کے کامیاب اداکار نے اس بڑے بجٹ ایکشن ڈرامہ میں مرکزی کردار کے لیے حامی بھر لی ہے۔
مشہور انڈین میڈیا پورٹل پیپنگ مون کے مطابق، ایٹلی کو سلمان خان کے ساتھ کچھ مشکلات کا سامنا تھا، جس کے بعد انہوں نے الو ارجن سے رابطہ کیا۔ بتایا جا رہا ہے کہ فلم کے معاہدے کے قانونی معاملات ابھی مکمل نہیں ہوئے، لیکن الو ارجن نے زبانی طور پر اس فلم کو گرین سگنل دے دیا ہے۔ فلم کی شوٹنگ کا آغاز اپریل یا مئی میں متوقع ہے۔
یہ فلم دو ہیروز پر مبنی ہوگی اور اسے سن پکچرز پروڈیوس کرے گا۔ الو ارجن کے ساتھ فلم میں دیگر اداکاروں اور خاتون مرکزی کردار کا اعلان تاحال نہیں ہوا، لیکن رپورٹس کے مطابق جھانوی کپور اس فلم کی ہیروئن کے لیے سب سے مضبوط امیدوار ہیں۔ تاہم، اس حوالے سے کوئی آفیشل اعلان نہیں کیا گیا۔
ہدایت کار ایٹلی حال ہی میں ورون دھون کی فلم بیبی جون کے پروڈیوسر کے طور پر سامنے آئے تھے، لیکن اپنے اگلے ڈائریکشن پروجیکٹ پر انہوں نے مکمل خاموشی اختیار کر رکھی ہے۔ دوسری جانب، الو ارجن بھی کئی نئے پراجیکٹس میں مصروف ہیں، جن کا باضابطہ اعلان جلد متوقع ہے۔
.
ذریعہ: Express News
کلیدی لفظ: الو ارجن
پڑھیں:
قانون کی حکمرانی، مالی استحکام، امن ناپید ہو تو ترقی کے دعوے جھوٹے ثابت ہوجاتے ہیں، عمر ایوب
قومی اسمبلی میں اپوزیشن لیڈر اور پاکستان تحریک انصاف (پی ٹی آئی) کے رہنما عمر ایوب نے کہا کہ ملک میں قانون کی حکمرانی، مالی استحکام اور داخلی امن ناپید ہو تو ترقی کے سارے دعوے جھوٹے ثابت ہوجاتے ہیں، معیشت کمزور ہو تو ترقی ممکن نہیں۔
اسلام آباد میں مجلس وحدت مسلمین کے زیر اہتمام "استحکام پاکستان کانفرنس" ہوئی جس سے اپوزیشن اتحاد کے رہنماؤں نے خطاب کیا۔
سابق سینیٹر مصطفیٰ نواز کھوکھر نے کہا کہ وفاق کو آج جو خطرات لاحق ہیں وہ انہوں نے اپنی زندگی میں پہلے کبھی نہیں دیکھے۔ فیصلے بند کمروں کی بجائے عوامی مینڈیٹ کے تحت ہوں تب ہی حقیقی استحکام آئے گا۔
آئین ایک میثاق ہے جسے بار بار توڑا گیا اور ایک بار تو ملک ہی ٹوٹ گیا، آج ہم سب نشانے پر ہیں، ہمارے خلاف منصوبے بنتے ہیں، سلمان اکرم راجہ
رہنما پی ٹی آئی سلمان اکرم راجہ نے کہا ہے کہ آئین کو بار بار توڑا گیا ہے، "تحریک تحفظ آئین پاکستان" آئین کے دفاع اور بہتری کے لیے ہے۔
علامہ راجہ ناصر عباس نے کہا کہ ملک میں قانون کی حکمرانی نہ ہو تو وہ تنزلی کی طرف جاتا ہے۔
محمود خان اچکزئی نے خطاب میں تجویز دی کہ اسپیکر کے خلاف تحریک عدم اعتماد لا کر فارم 45 والوں کی اسمبلی بنائی جائے۔
سنی اتحاد کونسل کے چیئرمین حامد رضا نے کہا کہ بدقسمتی ہے کہ ملک کی بات کرنے والوں کو غدار ٹھہرایا جا رہا ہے۔
حافظ آباد ، نامعلوم کار سوار نے بچوں کو زیریلی مٹھائی کھلا دی ؛ 3 بچے جاں بحق