کراچی، ناظم آباد میں لگی آگ پر قابو پالیا گیا
اشاعت کی تاریخ: 4th, March 2025 GMT
کراچی کے علاقے ناظم آباد میں آن لائن فوڈ ڈیلیوری کمپنی کے گودام میں لگی آگ پر کئی گھنٹے گزر جانے کے بعد قابو پالیا گیا۔
ریسکیو کے مطابق گودام میں جانے کا صرف ایک ہی رستہ ہے اور دھواں بھرجانے کی وجہ سے فائر فائٹرز اندر نہیں جا پارہے۔
چیف فائر آفیسر ہمایوں احمد کا کہنا ہے کہ گودام میں وینٹی لیشن نہیں ہے، ہیوی مشینری کی مدد سے گودام کی دیوار توڑنے کے بعد فائر فائٹر گودام میں پہنچ گئے ہیں۔
چیف فائر آفیسر کے مطابق آگ بجھانے کا عمل شروع کردیا ہے، انتظامیہ کے پاس فائر این او سی بھی نہیں ہے۔
.ذریعہ: Daily Mumtaz
کلیدی لفظ: گودام میں
پڑھیں:
یوٹیوبر کا دباؤ،سندھ بلڈنگ کاناظم آباد میں انہدامی آپریشن پسپا
ڈی جی ایس بی سی اے دو قدم پیچھے ہٹنے پر مجبور ، انہدامی فہرست منسوخ کر دی گئی
پاپوش کالونیکے پلاٹ نمبر 4/33۔ 9/21.2/32/31 کا پیکیج یوٹیوبر کا نکلا
ناظم آباد کے یوٹیوبر کی جانب سے آ لنے والے دبائو نے ڈی جی ایس بی سی اے کو دو قدم پیچھے ہٹنے پر مجبور کر دیا، ہفتے کے روز جاری ہونے والی انہدامی فہرست منسوخ کر دی گئیں، ناظم کے بلڈروں نے یوٹیوبر سے اپنی غیر قانونی تعمیرات بچانے کے لیے رابطے تیز کر دیئے ،تفصیلات کے مطابق ہفتے کو سندھ بلڈنگ کنٹرول اتھارٹی کی جانب سے ناظم آباد میں ایک انہدامی آپریشن شروع کیا گیا تھا جس میں پلاٹ نمبر 4/33۔ 9/21.2/32/31 شامل تھے جو کہ پاپوش کالونی میں واقع ہیں ان تمام تعمیرات پر نقشے کے بر خلاف ملٹی یونٹس تعمیر ہو رہے ہیں اور ان تعمیرات کا پیکیج ناظم آباد کے ایک یوٹیوبر کہ پاس ہے جسے ڈائریکٹر ڈیمولیشن کی بھی مکمل سر پرستی حاصل ہے اور ڈائریکٹر ڈیمولیشن اس یوٹیوبر کا استعمال اپنے مخالفین کے خلاف پروگرام کروانے کے لیے کرتے ہیں، زرائع کا کہنا ہے کہ جب یہ غیر قانونی تعمیرات فہرست میں شامل ہوئیں تو یوٹیوبر کی جانب سے ڈی جی ایس بی سی اے کو دبائو میں لینے کی کوشش کی گئی اور پھر آخر کار ڈی جی ایس بی سی اے نے خوف کا شکار ہوکہ مذکورہ پلاٹوں کے خلاف جاری آپریشن کو منسوخ کر دیا، اس صورتحال کو دیکھتے ہوئے شہریوں کی جانب سے اس معاملے پر شدید تشویش کا اظہار کیا جا رہا ہے اور کہا جا رہا ہے کہ جب ڈی جی ایک یوٹیوبر سے اتنا خوفزدہ ہو سکتا ہے تو وہ غیر قانونی تعمیرات میں ملوث مافیا سے کیسے مقابلہ کرے گا۔
مویشی چرانے والے سسر، بہو گرفتار