48 گھنٹے میں 10 ممالک سے مزید 93 پاکستانی بے دخل
اشاعت کی تاریخ: 4th, March 2025 GMT
سعودی عرب، ملا ئیشیا، سنگاپور ،مراکش سمیت مزید 10 ملکوں سے 48 گھنٹے میں مزید 93 پاکستانیوں کو بے دخل کر دیا گیا جن میں 6 بلیک لسٹ بھی شامل ہیں۔ امیگریشن ذرائع کے مطابق سعودی عرب سے 4 بلیک لسٹ اور ویزہ ختم پر ایک کنٹریکٹ کی خلاف ورزی پر 24 پاکستانیوں کو واپس بھجوایاگیا۔ عمان سے 3 بلیک لسٹ، امیگریشن سے انکار پر ایک اور ملائیشیا سے ایک کو ناپسندیدہ قرار دے کر بے دخل کیا گیا۔ متحدہ عرب امارات میں ایک بلیک لسٹ منشیات اور شراب نوشی پر 3 زائد المیعاد قیام پر 2 اور جیل سے رہا کرکے 37 پاکستانیوں کو واپس بھجوایا کیا گیا۔ سنگاپور پاسپورٹ گمشدگی پر ایک ، موزمبیق سے ایک ، عراق میں زائد المیعاد قیام 4، دیگر الزام پر 2 کو بے دخل کیا گیا۔ قطر سے 3 مفرور اور ساتھ افریقہ میں رضاکارانہ طور پر پیش ہوئے ،ایک اور پاکستانی کوناپسندیدہ قرار دے کر بے دخل کیا۔ مراکش میں انسانی سمگلنگ کیلئے پہنچے 2 نوجوانوں کو حراست میں لے کر پاکستان واپس بھیجا گیا جنہیں کراچی میں انسداد ہیومن ٹریفکنگ سرکل منتقل کیا گیا۔
.ذریعہ: Nawaiwaqt
پڑھیں:
اوورسیز پاکستانیوں کے لیے سہولیات پیکج خوش آئند، پاکستانی امریکن چیمبر آف کامرس کا خیر مقدم
شکاگو(نیوز ڈیسک) پاکستانی امریکن چیمبر آف کامرس کے صدر نوید انور نے وزیراعظم شہباز شریف کی جانب سے اوورسیز پاکستانیوں کے لیے سہولیات پیکج کے اعلان کا خیر مقدم کرتے ہوئے کہا ہے کہ بیرون ملک مقیم پاکستانیوں اور ان کے بچوں کے لیے کیے گئے اقدامات قابلِ تحسین ہیں۔
نوید انور نے وزیراعظم شہباز شریف اور آرمی چیف جنرل سید عاصم منیر کا خصوصی شکریہ ادا کرتے ہوئے کہا کہ گرین چینل کی بحالی، میڈیکل و پروفیشنل تعلیم میں کوٹہ، اور اوورسیز پاکستانیوں کے لیے الگ عدالتوں کا قیام انتہائی خوش آئند اقدامات ہیں۔
انہوں نے مزید کہا کہ ٹیکس میں چھوٹ اور اوورسیز پاکستانیوں کو فائلر قرار دینا ایک مثبت اور درست سمت کی پیش رفت ہے۔ ان کا کہنا تھا کہ ان اعلانات پر عملدرآمد کو یقینی بنایا جائے تاکہ پاکستان آنے والے اوورسیز پاکستانی ان سہولیات سے حقیقی معنوں میں فائدہ اٹھا سکیں۔
نوید انور نے یاد دلایا کہ گرین چینل کی ابتدا سابق وزیراعظم نواز شریف کے دور میں ہوئی تھی، جسے بیرون ملک پاکستانیوں نے بے حد سراہا تھا۔ انہیں امید ہے کہ اس بار بھی اسی معیار کو برقرار رکھا جائے گا۔
انہوں نے کہا کہ تاریخ کی بلند ترین ترسیلاتِ زر کے موقع پر مراعاتی پیکج کا اعلان بیرون ملک مقیم پاکستانیوں کے اعتماد اور حوصلے میں مزید اضافہ کرے گا۔ وزیراعظم اور آرمی چیف کی حالیہ گفتگو نے دنیا بھر میں موجود پاکستانیوں کو ایک نئی امید اور بھروسہ دیا ہے۔
Post Views: 1
خلیجی ملکوں سے بید خل پاکستانی بھکاریوں کیخلاف مقدمے چلانے کا فیصلہ