ٹیسلا کے حصص گرنے سے ایلون مسک کو اربوں کا نقصان
اشاعت کی تاریخ: 4th, March 2025 GMT
کراچی (نیوز ڈیسک) فروری میں ٹیسلا کے حصص گرنے سے ایلون مسک کو اربوں کا نقصان ہوا جس کا فائدہ مارک زکر برگ کو ہوا اور وہ دنیا کے دوسرے امیر ترین شخص بن گئے تاہم ایلون مسک امیر ترین افراد کی فہرست میں اول نمبر پر ہی رہے۔ فوربز کے مطابق یکم مارچ تک دنیا کے سرفہرست دس امیر ترین افراد میں ایلون مسک پہلے نمبر پر ہیں یہ اعزاز ان کے پاس مئی 2024 سے ہے۔ فروری کے آخر میں ایمیزون کے بانی اور چیئرمین جیف بیزوس نمبر 2 سے دنیا کے نمبر 3 امیر ترین بن گئے۔ بل گیٹس 10 امیر ترین افراد کی فہرست سے باہر ہو گئے۔ دنیا کے امیر ترین لوگوں میں سے آٹھ امریکی ہیں باقی دو میں ایک فرانس کے برنارڈ ارنولٹ اور دوسرے اسپین کے امانسیو اورٹیگا ہیں۔ یکم مارچ تک کے اعداد و شمار کے حساب سے یہ تمام امیر افراد مرد ہیں اور ان میں سے ہر ایک کی مالیت 118 بلین ڈالر یا اس سے زیادہ ہے۔ ٹرمپ انتظامیہ نے فروری کا زیادہ تر حصہ وفاقی ملازمتوں کو کم کرنے کیلئے کام کرتے ہوئے گزارا، اسٹاک میں کمی آئی اور دنیا کے دس امیر ترین افراد کو مجموعی طور پر 140 بلین ڈالر کا خسارہ ہوا اور سب سے زیادہ نقصان ایلون مسک گروپ کا ہوا مگر پھر بھی وہ دنیا کا امیر ترین شخص ہیں۔ ٹیسلا کے حصص میں شدید مندی نے ان کی دولت سے 62 بلین ڈالر کم کر دیے کیونکہ الیکٹرک گاڑیاں بنانے والی کمپنی ٹیسلا نے فروری میں اپنی مارکیٹ کی قیمت کا ایک چوتھائی حصہ کم کر دیا۔ دسمبر میں مسک 400 بلین ڈالر سے زیادہ کی مالیت کے پہلے ارب پتی بن گئے، کیونکہ ٹیسلا کے حصص میں اضافہ ہوا اور نئے سرمایہ کاروں کی بدولت مسک کی مصنوعی زہانت کی نجی کمپنی ایکس اے آئی کی قدر میں بھی اضافہ ہوا لیکن امیر ترین شخص کے عہدہ پر ان کا اقتدار نسبتاً مختصر رہا۔
.ذریعہ: Daily Mumtaz
کلیدی لفظ: امیر ترین افراد ٹیسلا کے حصص ایلون مسک بلین ڈالر دنیا کے
پڑھیں:
جب تک عظیم مائیں بچے پاکستان پر نچھاور کرتی رہیں گی کوئی ہمیں نقصان نہیں پہنچا سکتا: آرمی چیف
آرمی چیف جنرل عاصم منیر کا کہنا ہے ملک میں دہشتگردی کے پیچھے ایک منظم غیر قانونی اسپیکٹرم ہے جس کی پشت پناہی مخصوص عناصر کرتے ہیں۔
پاک فوج کے شعبہ تعلقات عامہ آئی ایس پی آر کے مطابق چیف آف آرمی سٹاف جنرل عاصم منیر نے بہاولپور میں طلبہ سے بات چیت کی اور کہا کہ پاکستان اللہ پاک کا عطا کردہ ایک انمول تحفہ ہے، پاکستان کو اللّٰہ نے بہت سی نعمتوں سے نوازا ہے۔آرمی چیف کا کہنا تھا ہمیں کبھی اپنے عقیدے، اسلاف اور معاشرتی اقدار کو نہیں بھولنا چاہیے، ملکی ترقی کے لیے ہم میں سے ہر کسی نے اپنے حصے کی شمع جلانی ہے، بلاوجہ تنقید کی بجائے توجہ اپنی کارکردگی اور فرائض پر مبذول رکھنی ہے۔جنرل عاصم منیر کا کہنا تھا جب تک عظیم مائیں اپنے بچے پاکستان پر نچھاور کرتی رہیں گی کوئی ہمیں نقصان نہیں پہنچا سکتا، جب تک قوم خصوصاً نوجوان افواج کے شانہ بشانہ کھڑے رہیں گے کوئی ہمیں نقصان نہیں پہنچا سکتا۔سربراہ پاک فوج کا کہنا تھا دہشتگردی کے پیچھے ایک منظم غیر قانونی اسپیکٹرم ہے، اس اسپیکٹرم کی پشت پناہی کچھ مخصوص عناصر کرتے ہیں، جب بھی ریاست اس اسپیکٹرم پر ہاتھ ڈالتی ہے تو ان کے جھوٹے بیانیے سنائی دیتے ہیں۔
انسانی حقوق کے بہانے دوسرے ممالک کے اندرونی معاملات میں مداخلت کی مخالفت کی جائے، چینی وزیر خارجہ