سندھ بلڈنگ،وسطی میں بلند عمارتیں تعمیر پڑوسیوں کیلئے وبال جان
اشاعت کی تاریخ: 4th, March 2025 GMT
ضیاء کالا کا بیٹر فرحان ڈیوڈ کامران مرزا غیر قانونی تعمیرات کے سرپرست
لیاقت آباد کے پلاٹس B1ایریا31/11اور 31/12 پر بالائی منزلیں تعمیر
سندھ بلڈنگ کنٹرول اتھارٹی میں گزشتہ دنوں کئے جانے والے تبادلوں کے باوجود بھی بھتہ خوری کے مقدمے میں نامزد ملزم ضیاء الرحمن عرف ضیاء کالا کے بنائے گئے پٹہ سسٹم پر کوئی اثر نہیں پڑاہے، موصوف نے اس وقت بھی لیاقت آباد کی تنگ گلیوں میں بلند عمارتوں کی تعمیرات کا ذمہ اٹھا رکھا ہے جبکہ تحقیقاتی ادارے خواب خرگوش میں مگن ہیں جس کا فائدہ اٹھاتے ہوئے اپنے خاص بیٹر فرحان المعروف ڈیوڈ اور برادر نسبتی کامران مرزا کو غیر قانونی امور کی سرپرستی کی مکمل چھوٹ دے رکھی ہے اور کمزور بنیادوں پر بلند عمارتوں کی تعمیر شروع کروا رکھی ہیں جو کہ پڑوسیوں کے لئے وبال جان ہے اس وقت بھی لیاقت آباد B1ایریا کے پلاٹ نمبر 31/11پر پانچویں اور 31/12پر چھٹی منزل کی ناجائز تعمیرات جاری ہیں جو عدالتی حکم عدولی کا منہ بولتا ثبوت ہیں، نمائندہ جرأت سے بات کرتے ہوئے علاقہ مکینوں کا کہنا تھا کہ جاری تعمیرات سے شدید اذیت میں مبتلا ہیں اور وزیر بلدیات سعید غنی اور ڈائریکٹر جنرل اسحاق کھوڑو سے پرزور اپیل کرتے ہیں کہ جاری تعمیرات کو فوری طور پر روکنے کے لئے عملی اقدامات کیے جائیں۔
.ذریعہ: Juraat
پڑھیں:
کراچی، دریائے سندھ پر کینالز کی تعمیر کیخلاف بھوک ہڑتالی کیمپ، ایم ڈبلیو ایم رہنماؤں کی شرکت
کراچی پریس کلب کے باہر قوم پرست رہنماؤں سے گفتگو کے دوران مجلس وحدت مسلمین کے رہنماؤں نے سندھ کے اس اہم اور بنیادی مسئلے پر مکمل حمایت کا یقین دلایا اور مجلس وحدت مسلمین کے چیئرمین سینیٹر علامہ راجہ ناصر عباس جعفری کا خصوصی پیغام بھی پہنچایا۔ اسلام ٹائمز۔ مجلس وحدت مسلمین کراچی ڈویژن کے رہنما علامہ حیات عباس نجفی، سیکریٹری سیاسیات علامہ مبشر حسن، حوزہ علمیہ صادقینؑ کے مدیر علامہ امتیاز علی امینی، سندھ سید ایسوسی ایشن کے سابق صدر کراچی سید علی اکبر شاہ اور اتم علی نے سندھو دریا پر ناجائز 6 کینال کی تعمیرات کے خلاف جاری احتجاج میں شرکت کی۔ یہ رہنما کراچی پریس کلب کے باہر سندھ قوم پرست رہنما نیاز کالانی کی جانب سے قائم بھوک ہڑتال کیمپ میں پہنچے جہاں انہوں نے نیاز کالانی، ریاض چانڈیو اور صوفی فقیر محترم مانجھی فقیر سے ملاقات کی۔ اس موقع پر مجلس وحدت مسلمین کے رہنماؤں نے سندھ کے اس اہم اور بنیادی مسئلے پر مکمل حمایت کا یقین دلایا اور مجلس وحدت مسلمین کے چیئرمین سینیٹر علامہ راجہ ناصر عباس جعفری کا خصوصی پیغام بھی پہنچایا۔ رہنماؤں نے زور دیا کہ قدرتی وسائل اور دریاؤں کا تحفظ قومی ذمہ داری ہے اور اس حوالے سے سندھ کے عوام کے ساتھ ہر ممکن تعاون کیا جائے گا۔
ٹرانس جینڈرز کمیونٹی کیلئے ٹیکنیکل سکلز ٹریننگ پروگرام شروع، مریم نواز ترکیہ پہنچ گئیں