کراچی، خونی ٹرک نے معصوم بچی کو ٹائروں تلے روند ڈالا
اشاعت کی تاریخ: 4th, March 2025 GMT
کراچی:
شہر قائد میں ہیوی گاڑیوں کی ہلاکت خیزی تھم نہ سکی، تازہ واقعہ میں مزدا ٹرک نے معصوم بچی کو اپنے ٹائروں تلے روند ڈالا۔
یہ افسوسناک واقعہ کورنگی انڈسٹریل ایریا کے علاقے مہران ٹاؤن میں جلال چوک کے قریب پیش آیا، جہاں ایک مزدا ٹرک نے 4 سالہ بچی کو روند ڈالا۔ حادثے میں بچی موقع پر ہی جاں بحق ہو گئی۔
پولیس کے مطابق بچی اپنے گھر کے باہر کھیل رہی تھی کہ ٹرک کے ڈرائیور نے ٹرک کو ریورس کرتے ہوئے بچی کو ٹائروں تلے کچل دیا۔
ایس ایچ او کورنگی صنعتی ایریا، خالد میمن نے بتایا کہ جاں بحق ہونے والی بچی کی شناخت 4 سالہ رخسانہ کے نام سے کی گئی ہے۔
حادثے کے فوراً بعد پولیس نے موقع پر پہنچ کر ٹرک کے ڈرائیور ذاکر کو گرفتار کر لیا اور ٹرک کو اپنی تحویل میں لے لیا۔
پولیس نے عینی شاہدین سے شواہد اکٹھا کرنا شروع کر دیے ہیں تاکہ واقعے کی تفصیل اور ذمہ داری کا تعین کیا جا سکے۔
جاں بحق ہونے والی بچی کی لاش چھیپا ایمبولینس کے ذریعے جناح اسپتال منتقل کر دی گئی ہے۔
.ذریعہ: Express News
کلیدی لفظ: بچی کو
پڑھیں:
کراچی: شاہ زین مری کا شہری پر تشدد، فریقین میں صلح ہوگئی
کراچی کے علاقے بوٹ بیسن فوڈ اسٹریٹ پر شاہ زین مری کی جانب سے شہری پر تشدد والے معاملے میں فریقین کے درمیان راضی نامہ ہوگیا۔
یہ بھی پڑھیں: شہری پر تشدد: شاہ زین مری کی گرفتاری کے لیے آئی جی سندھ کو خط لکھ دیا گیا
اس حوالے سے شاہ زین مری اور متاثرہ شہری برکت سومرو کے درمیان صلح نامہ ہوا جس کا متن عدالت میں پیش کیا جائے گا۔
یاد رہے کہ شاہ زین مری نے چند روز قبل سڑک پر چلتے شہری کی گاڑی کو پہلے اپنی جیپ سے ٹکر ماری اور پھر ان کے گارڈز نے شہری کو تشدد کا نشانہ بنایا۔ واردات کی سی سی ٹی وی فوٹیج منظر عام پر آنے کے بعد پولیس حرکت میں آگئی تھی۔
ایس ایس پی ساؤتھ مہزور علی کے مطابق پولیس نے گزشتہ روز مختلف علاقوں میں چھاپے مار کر 7 ملزمان کو گرفتار کیا تھا لیکن مرکزی ملزم شاہ زین مری بلوچستان فرار ہوگیا۔
مزید پڑھیے: شہری تشدد کیس: شاہ زین مری کے گارڈز کا جسمانی ریمانڈ منظور، مرکزی ملزم کو جلد گرفتار کرلیں گے، پولیس
پولیس تاحال ملزم شاہ زین مری کی تلاش میں ہے۔ ایف آئی آر ابھی ختم نہیں ہوئی۔ واقعے کا مقدمہ 21 فروری کو برکت علی کی مدعیت میں درج کیا گیا تھا۔
تاہم پولیس کا کہنا ہے کہ راضی نامے کا قانونی کارروائی پر اثر نہیں پڑے گا۔ ملزم شاہ زین مری کراچی میں ملا تو ضرور گرفتار کیا جائے گا۔ علاوہ ازیں کیس کا چالان بھی متعلقہ عدالت میں جمع کرایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہ زین اور متاثرہ فریق کی صلح شہری پر شاہ زین کا تشدد کراچی کراچی بوٹ بیسن
سندھ کی جیلوں میں قیدیوں کے نام پر 2 ارب 45 کروڑ روپے سے زائد کی بے ضابطگیوں کا انکشاف