ملتان، نشتر ون سے 2شعبوں کی نشتر ٹو منتقلی کیخلاف ڈاکٹرز اور عوام سراپا احتجاج
اشاعت کی تاریخ: 3rd, March 2025 GMT
احتجاجی مظاہرے سے خطاب کرتے ہوئے ڈاکٹرز اور پیرامیڈیکل سٹاف کا کہنا تھا کہ نشتر ہسپتال سے شعبہ جات کو بند کر کے نشتر 2 منتقل نہیں ہونے دیں گے، نشتر 2 ایک علیحدہ ٹیچنگ ہسپتال ہے وہاں علیحدہ عملہ اور اسکا علیحدہ بجٹ مختص کیا جانا چاہئے، نشتر ہسپتال میں شعبہ جات کو بند کرنے سے حادثہ کا شکار مریضوں کو شہر سے دور نشتر 2 کیسے لے کر جائیں گے۔ اسلام ٹائمز۔ نشتر ہسپتال سے شعبہ جات بند کر کے نشتر ٹو منتقل کرنے کے خلاف پاکستان میڈیکل ایسوسی ایشن کا نشتر ہسپتال میں احتجاج، ینگ ڈاکٹرز، پیرامیڈیکس و نرسز تنظیموں کی بھی احتجاج میں شرکت، دس دس دن سے آپریشن کے منتظر مریض اور لواحقین بھی احتجاج میں شامل ہو گئے، حکومت سے نوٹس لینے کا مطالبہ، پاکستان میڈیکل ایسوسی ایشن کی کال پر ڈاکٹرز بڑی تعداد میں ایم ایس نشتر ہسپتال دفتر کے نیچے جمع ہوئے اور بھرپور احتجاجی مظاہرہ کرتے ہوئے صدر پی ایم اے ملتان پروفیسر ڈاکٹر مسعود الروف ہراج، ڈاکٹر عمران حیدر قیصرانی، ڈاکٹر ذوالقرنین حیدر، ڈاکٹر وقار نیازی، ڈاکٹر شہزاد ملانہ، ڈاکٹر میاں خضر، ڈاکٹر اشفاق صدیقی اور وائی ڈی اے کے ڈاکٹر سلمان لاشاری، ڈاکٹر حارث گرمانی، ڈاکٹر ندیم قیصرانی، پیرامیڈیکس کے رانا عامر، وسیم سلیم، سعید، نرسز صائمہ، نورین سمیت دیگر نے کہا کہ نشتر ہسپتال سے شعبہ جات کو بند کر کے نشتر 2 منتقل نہیں ہونے دیں گے، نشتر 2 ایک علیحدہ ٹیچنگ ہسپتال ہے وہاں علیحدہ عملہ اور اس کا علیحدہ بجٹ مختص کیا جانا چاہئے، نشتر ہسپتال میں شعبہ جات کو بند کرنے سے حادثہ کا شکار مریضوں کو شہر سے دور نشتر 2 کیسے لے کر جائیں گے۔
اُنہوں نے کہا کہ نشتر ہسپتال سے شعبہ جات بند کر کے نشتر 2 منتقل کرنے کا فیصلہ فوری واپس لیا جائے، ڈاکٹروں کا کہنا تھا جب چلڈرن کمپلیکس، کارڈیالوجی انسٹیٹیوٹ بنایا تو کیا نشتر ہسپتال سے شعبہ جات کو بند کیا گیا، تب ایسا نہیں ہوا تو اب ایسی ظالمانہ پالیسی کیوں لاگو کی جا رہی ہے، لاہور کے ہسپتالوں میں ایسا نہیں ہوتا تو جنوبی پنجاب میں ایسا کیوں کیا جارہا ہے، ادھر احتجاج میں دس دس دن سے آپریشن کے منتظر لواحقین اور مریضوں نے بھی شرکت کی۔ ان کا کہنا تھا کہ شہر سے پچیس کلو میٹر دور جانے کا کہا جا رہا ہے جبکہ نشتر ہسپتال میں داخل ہیں لیکن آپریشن نہیں کیا جا رہا، وزیراعظم پاکستان اور وزیراعلی پنجاب نوٹس لیں اور اس مسئلے کو فوری حل کریں تاکہ دونوں ہسپتالوں میں مریضوں کو علاج کی بہتریں سہولیات مل سکیں۔
ذریعہ: Islam Times
کلیدی لفظ: نشتر ہسپتال سے شعبہ جات شعبہ جات کو بند کر نشتر ہسپتال میں بند کر کے
پڑھیں:
ڈاکٹرشاہنواز کنبھر کیخلاف اسلحہ کیس جھوٹا قرار، تھانیدار کیخلاف مقدمہ درج کرنے کا حکم
میرپورخاص میں جوڈیشل مجسٹریٹ نمبر 3 نے ڈاکٹر شاہنواز کنبھر کے خلاف غیر قانونی اسلحہ رکھنے کے مقدمے کو جھوٹا قرار دیکر مسترد کرتے ہوئے سندھڑی تھانے کے سابق اسٹیشن ہاؤس آفیسر (ایس ایچ او) کے خلاف مقدمہ درج کرنے کا حکم دے دیا ہے۔
نجی اخبار میں شائع خبر کے مطابق ڈاکٹر شاہنواز کنبھر کے بہنوئی اور شکایت کنندہ ابراہیم کنبھر نے صحافیوں کو بتایا کہ جج ساجد اقبال نے ڈاکٹر شاہنواز کنبھر کیخلاف غیر قانونی اسلحہ رکھنے کے کیس کو جھوٹا قرار دیتے ہوئے برخاست کرنے کا حکم دے دیا۔
انہوں نے کہا کہ 5 ماہ قبل عمرکوٹ کے رہائشی ڈاکٹر شاہنواز کنبھر کے خلاف میرپورخاص میں پولیس مقابلے میں ہلاک ہونے کے بعد ایف آئی آر درج کی گئی تھی، سندھڑی پولیس نے ان کاؤنٹر میں ہلاک ہونے کے بعد متاثرہ کے خلاف مقدمہ درج کیا تھا۔
کیس کے تفتیشی افسر ڈی ایس پی اسلم جاگیرانی نے حتمی رپورٹ عدالت میں جمع کرائی، جس میں کیس کو بی کلاس (جھوٹا کیس) قرار دینے کی سفارش کی گئی، اپنی رپورٹ میں انہوں نے کہا کہ غیر قانونی اسلحہ رکھنے سے متعلق دعوے جھوٹے اور بے بنیاد ہیں۔
رپورٹ کی بنیاد پر عدالت نے ڈاکٹر کنبھر کے خلاف ایف آئی آر کو باضابطہ طور پر مسترد کردیا اور سندھڑی تھانے کے موجودہ ایس ایچ او کو سابق ایس ایچ او نیاز کھوسو کے خلاف سندھ آرمز ایکٹ 2013 کی دفعہ 24 کے تحت جھوٹی ایف آئی آر درج کرنے کے جرم میں مقدمہ درج کرنے کا حکم دیا۔
ماہ رمضان کے بعد ملک گیر احتجاجی تحریک کا آغاز اور لانگ مارچ کی کال دیں گے