500 سے زائد پاکستانیوں کو جبری قید میں رکھے جانے کا انکشاف
اشاعت کی تاریخ: 3rd, March 2025 GMT
میانمار میں 500 سے زائد پاکستانیوں کو جبری قید میں رکھے جانے کا انکشاف ہوا ہے۔
میانمار میں جبری قید میں درجنوں پاکستانی خواتین بھی شامل ہیں۔ بیگار کیمپوں میں پاکستانیوں پر تشدد بھی کیا جانے لگا اور ان سے زبردستی غیر قانونی مالی جرائم بھی کروائے جا رہے ہيں۔تھائی لینڈ میں پاکستانی ہائی کمشنر رخسانہ افضال نے بتایاکہ قید سے 11 پاکستانیوں نے فرار کی کوشش کی جن میں 6 بچ نکلنے میں کامیاب ہوگئے جنہيں پاکستان بھجوادیا جبکہ باقی 5 لاپتہ ہیں اور ان کا کچھ پتہ نہیں چل رہا۔
انہوں نے کہا کہ ہمارے نوجوانوں کو سوشل میڈیا کے ذریعے اچھی ملازمتوں کا جھانسہ دیکر بینکاک بلاتے ہیں اور نوجوان ایجنٹس کو پیسہ دیکر یہاں پہنچتے ہیں تو انہیں میانمار بھیج دیتے ہیں۔ان کا کہنا تھاکہ میانمار میں اسکیم کمپاؤنڈ ہیں جب ایک بار وہ پھنس جاتے ہیں وہاں سے نکالنے کیلئے کوئی طریقہ نہیں ہوتا۔دوسری جانب ڈپٹی چیئرمین سینیٹ سیدال خان ناصر نے کہا ہےکہ حکومت میانمار میں پھنسے پاکستانیوں کی واپسی یقینی بنائے گی۔
.ذریعہ: Daily Ausaf
کلیدی لفظ: میانمار میں
پڑھیں:
ایران میں قتل ہونے والے 8 پاکستانیوں کی میتیں آج رات پاکستان پہنچیں گی، انتظامات مکمل
ایران میں قتل ہونے والے 8 پاکستانیوں کی میتیں آج رات پاکستان بھیجا جائےگا، جس کے تمام تر انتظامات مکمل کرلیے گئے۔
ایران میں پاکستانی سفیر مدثر ٹیپو نے بتایا کہ پاکستانی شہریوں کی میتوں کو آج رات بہاولپور بھیجا جائےگا۔
یہ بھی پڑھیں اسحاق ڈار کو ایرانی وزیرخارجہ کا فون، 8 پاکستانیوں کے قاتل پکڑنے کی یقین دہانی
پاکستانی سفیر نے کہاکہ پاکستانیوں کی میتیں لے جانے کے لیے ہمارے قیادت نے فوجی طیارہ بھیجنے کا فیصلہ کیا ہے، جس پر میں وزیراعظم، نائب وزیراعظم، دفتر خارجہ، پاک فضائیہ اور تمام اداروں کا تہہ دل سے شکریہ ادا کرتا ہوں۔
مدثر ٹیپو نے پاکستانیوں کی میتیں بھیجنے کی کوشش میں سب نے بھرپور ساتھ دیا، میں ایرانی معززین کا بھی بے حد مشکور ہوں۔
پاکستانی سفیر نے کہاکہ ایرانی حکام آج رات ایئرپورٹ پر ہمارے شہریوں کے جسد خاکی کی پاکستان روانگی سے قبل ان کو الوداع کہنے کے لیے موجود ہوں گے۔
مدثر ٹیپو نے اپنے پیغام میں انا للہ و انا الیہ راجعون تحریر شدہ سیاہ بینر بھی جاری کیا۔
یہ بھی پڑھیں پاکستانی سفارتخانے نے ایران میں قتل ہونے والے پاکستانیوں کی فہرست جاری کردی
واضح رہے کہ کچھ روز قتل ایران کے صوبے سیستان میں نامعلوم افراد نے فائرنگ کرکے 8 پاکستانیوں کو قتل کردیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایران پاکستانی سفیر پاکستانیوں کی میتیں قتل مدثر ٹیپو وی نیوز
سندھ حکومت اپنی اداؤں پر غور کرے: وزیر اطلاعات پنجاب