دورہ نیوزی لینڈ: قومی ٹیم میں بڑی تبدیلیاں، بیٹنگ کوچ اور ٹی20 کپتان بھی تبدیل
اشاعت کی تاریخ: 3rd, March 2025 GMT
دورہ نیوزی لینڈ کے لیے قوم کرکٹ ٹیم میں بڑے پیمانے پر تبدیلیاں کی جارہی ہیں، ٹی 20 کپتان سمیت 6 کھلاڑ یوں کے ٹیم سے باہر ہونے جبکہ بیٹنگ کوچ بھی تبدیل کیے جانے کا امکان ہے۔
یہ بھی پڑھیں: نیوزی لینڈ کے سیکیورٹی وفد کا راولپنڈی کرکٹ اسٹیڈیم کا دورہ، پاکستانی حکام سے بریفنگ لی
میڈیا ذرائع کے مطابق پی سی بی نے دورہ نیوزی لینڈ کے لیے قومی کرکٹ ٹیم کے اسکواڈ اور مینجمنٹ پر مشاورت مکمل کرتے ہوئے ہیڈ دورہ نیوزی لینڈ کے موقع پر ہیڈکوچ عاقب جاوید کو برقرار رکھنے کا فیصلہ کیا ہے۔
پی سی بی کی جانب سے ہیڈ کوچ کی تعیناتی کے لیے اشتہار دیا جائے گا، جس کے بعد نام شارٹ لسٹ ہوں گے اور پھر مستقل کوچ کی تقرری کی جائے گی۔
بیٹنگ کوچ کے کے لیے محمد یوسف کا نام بھی زیر غور ہے جبکہ بولنگ کوچ اظہر محمود ہی رہیں گے، محمد مسرور فیلڈنگ کوچ ہوں گے، جبکہ موجدہ کوچ شاہد اسلم اور آپریشن منیجر حنا منور دورہ نیوزی لینڈ پر ٹیم کے ہمراہ نہیں جائیں گے۔
یہ بھی پڑھیں: دورہ نیوزی لینڈ کے لیے قومی ٹی 20 اسکواڈ کا اعلان، 3 نئے کھلاڑی شامل
دوسری جانب دورہ نیوزی لینڈ کے لیے ٹی 20 اسکواڈ میں محمد رضوان کے بجائے شاداب خان کپتانی کے امیدوار ہیں جبکہ ٹی 20 اسکواڈ میں 6 کھلاڑیوں کی تبدیلی کا امکان ہے۔
ذرائع کے مطابق دورہ نیوزی لینڈ کے ٹی ٹوئنٹی اسکواڈ میں شاداب خان، محمد حارث، سفیان مقیم، عرفان نیازی، شاہین آفریدی، عباس آفریدی، جہانداد خان، ابرار احمد، عمیر بن یوسف، خوشدل شاہ، حسن نواز، عبدالصمد، حارث رؤف، عثمان خان، حسین طلعت اور محمد علی شامل ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان ٹی 20 عاقب جاوید قومی اسکواڈ کرکٹ محمد رضوان محمد یوسف نیوزی لینڈ ہیڈ کوچ.ذریعہ: WE News
کلیدی لفظ: پاکستان ٹی 20 عاقب جاوید قومی اسکواڈ کرکٹ محمد رضوان محمد یوسف نیوزی لینڈ ہیڈ کوچ دورہ نیوزی لینڈ کے لیے
پڑھیں:
بھارت: کرکٹ ٹیم کے کپتان پر ٹویٹ سے ہنگامہ ہے کیوں برپا؟
اسلام آباد (اُردو پوائنٹ ۔ DW اردو۔ 03 مارچ 2025ء) بھارت کی اپوزیشن جماعت کانگریس اس وقت تنقید کی زد میں ہے، جس کی ایک قومی ترجمان شمع محمد نے بھارتی کرکٹ ٹیم کے کپتان روہت شرما کے بارے میں اپنے تبصروں سے نیا تنازعہ کھڑا کر دیا۔
شاہین نے کیا کوہلی اور روہت کا شکار، ہر طرف ہونے لگی تعریفوں کی بھرمار
شمع محمد نے اپنی ایک ٹویٹ میں روہت شرما کو "کھلاڑی کی حیثیت سے موٹا" اور بھارتی تاریخ کا "سب سے زیادہ غیر متاثر کن" کپتان قرار دیا۔
تاہم ان کی اس پوسٹ نے بڑے پیمانے پر سخت ردعمل کو جنم دیا، جس کے سبب کانگریس پارٹی نے فوری مداخلت کرتے ہوئے انہیں ٹویٹ حذف کرنے کو کہا اور پھر اس پوسٹ کو ہٹا دیا گیا۔شمع محمد کی حذف کردہ ٹویٹ کچھ یوں تھی: "روہت شرما کھلاڑی کے طور پر موٹے ہیں! وزن کم کرنے کی ضرورت ہے! اور حقیقت میں وہ بھارت کے اب تک کے سب سے زیادہ غیر متاثر کن کپتان ہیں!"
ان کے ان تبصروں پر فوری طور پر ردعمل کا اظہار کیا گیا اور خاص طور پر بھارت کی حکمران ہندو قوم پرست جماعت بی جے پی کے رہنماؤں اور کرکٹ شائقین نے اس پر سخت رد عمل کا اظہار کیا۔
(جاری ہے)
جب ایک ٹوئٹر صارف نے اس کے جواب میں روہت شرما کو "عالمی معیار کا کھلاڑی" بتایا تو جواباً شمع محمد نے لکھا، "اپنے پیشروؤں کے مقابلے میں ان میں عالمی معیار کی کیا بات ہے؟ وہ ایک اوسط درجے کے کپتان ہونے کے ساتھ ہی ایک متوسط معیار کے کھلاڑی ہیں، جن کے لیے بھارت کا کپتان بننا خوش قسمتی کی بات ہے۔"
بھارت نے ویسٹ انڈیز سے ون ڈے سیریز جیت لی
ہندو قوم پرست جماعت بی جے پی نے بلا تاخیر کانگریس کی ترجمان شمع محمد کے تبصروں کی مذمت کی اور کانگریس پارٹی پر "باڈی شمینگ" اور ورلڈ کپ کے فاتح جیسے کھلاڑی کی بے عزتی کرنے کا الزام لگایا۔
بی جے پی رہنما رادھیکا کھیرا، جو کانگریس سے تعلقات توڑ کر بی جے پی میں شامل ہوئی ہیں، نے اپنی سابقہ پارٹی پر الزام لگایا کہ وہ "کئی دہائیوں تک کھلاڑیوں کی تذلیل کرتی رہی ہے۔"
انہوں نے کہا کہ یہ وہی کانگریس ہے جس نے کئی دہائیوں تک کھلاڑیوں کی تذلیل کی، "انہیں سراہنے سے انکار کیا اور اب کرکٹ کے لیجنڈ کا مذاق اڑانے کی جسارت کر رہی ہے؟ اقربا پروری پروان چڑھانے والی پارٹی ایک چیمپیئن کو لیکچر دے رہی ہے؟"
چمپئینز ٹرافی: ’پاکستان کے پاس غلطی کی گنجائش نہیں‘
رادھیکا کھیرا نے کانگریس پارٹی کے رہنما جے رام رمیش پر بھی طنز کیا اور ان پر زور دیا کہ وہ ایک ایسے کرکٹر کو نشانہ بنانے کے بجائے کانگریس پارٹی کی کم ہوتی ہوئی ساکھ اور انتخابی موقف پر توجہ مرکوز کریں، جنہوں نے بھارت کو عزت دلائی ہے۔
تاہم بعد میں شمع محمد نے اپنے تبصرے کا دفاع کرتے ہوئے کہا کہ ان کی ٹویٹ باڈی شیمنگ کے بجائے ایک ایتھلیٹ کی فٹنس کے بارے میں ایک عمومی مشاہدہ تھا۔ "یہ جسم کو شرمندہ کرنے والی بات نہیں تھی۔ میرا ہمیشہ سے خیال ہے کہ ایک کھلاڑی کو فٹ ہونا چاہیے اور میں نے محسوس کیا کہ ان کا وزن تھوڑا زیادہ ہے، اسی لیے میں نے صرف اسی بارے میں ٹویٹ کیا تھا۔
"ادھر کانگریس پارٹی نے شمع محمد کے ان تبصروں سے خود کو الگ کرتے ہوئے کہا ہے کہ پارٹی "کھیل کے آئیکونز کو سب سے زیادہ اہمیت دیتی ہے۔" کانگریس لیڈر پون کھیرا نے کہا کہ پارٹی نے شمع محمد سے کہا ہے کہ وہ اپنا بیان حذف کر دیں اور انہیں مستقبل میں زیادہ احتیاط برتنے کا مشورہ دیا ہے۔
چیمپیئنز ٹرافی: بھارتی ٹیم کا جرسی پر 'پاکستان' لکھنے سے انکار
پون کھیرا نے کہا، "انڈین نیشنل کانگریس کھیلوں کے آئیکونز کے تعاون کو سب سے زیادہ اہمیت دیتی ہے اور کسی ایسے بیان کی توثیق نہیں کرتی ہے، جو ان کی میراث کو نقصان پہنچاتی ہو۔
"قابل ذکر بات یہ ہے کہ یہ تنازعہ اس وقت کھڑا ہوا، جب بھارتی ٹیم نے 2025 کی چیمپئنز ٹرافی کے اپنے آخری گروپ مرحلے کے میچ میں نیوزی لینڈ کو 44 رنز سے شکست دی۔
چیمپئنز ٹرافی میں بھارتی شرکت، پاکستان کو آئی سی سی سے منصفانہ فیصلے کی امید
اس میچ کے دوران کپتان روہت شرما کی وکٹ جلد گرنے کے باوجود، بھارت نے اپنے مقررہ 50 اوورز میں 249 رنز اسکور کیے اور ورون چکراورتی کی سربراہی میں بولنگ اٹیک نے شاندار کارکردگی کا مظاہرہ کرتے ہوئے نیوزی لینڈ کی بیٹنگ لائن اپ کو تہس نہس کر دیا اور انہیں 205 رنز پر آؤٹ کر دیا۔
اس جیت کے ساتھ ہی بھارت نے سیمی فائنل کے لیے کوالیفائی کر لیا ہے، جہاں وہ چار مارچ کو آسٹریلیا کے خلاف میچ کا سامنے کرے گا۔
سپریم کورٹ بار کا پیکاایکٹ واپس لینےکا مطالبہ