عمران خان کی رہائی کے لیے احتجاج، کیا خیبرپختونخوا اسمبلی کا اجلاس اب اڈیالہ جیل کے باہر ہوگا؟
اشاعت کی تاریخ: 3rd, March 2025 GMT
پاکستان تحریک انصاف (پی ٹی آئی) بانی پی ٹی آئی عمران خان کی رہائی کے لیے ہر حربہ استعمال کررہی ہے، لیکن انہیں کامیابی نہیں مل رہی۔
اس سے قبل پی ٹی آئی نے 24 نومبر 2024 کو اسلام آباد کی جانب مارچ بھی کیا تھا، تاہم وہ وفاقی دارالحکومت میں دھرنا دینے میں ناکام رہے۔
یہ بھی پڑھیں عمران خان کو جیل کے ڈیتھ سیل میں رکھا گیا ہے، ملاقات کی اجازت نہیں، پی ٹی آئی نے احتجاج کا عندیہ دیدیا
اب خیبرپختونخوا اسمبلی کے رکن مینا خان آفریدی نے عمران خان کی رہائی تک خیبرپختونخوا اسمبلی کا اجلاس اڈیالہ جیل کے باہر بلانے کی تجویز دے دی ہے۔
اسمبلی اجلاس میں اظہار خیال کرتے ہوئے انہوں نے کہاکہ عمران خان اور ان کی اہلیہ بشریٰ بی بی 2 سال سے فسطائیت کا سامنا کررہے ہیں، اور اب جیل میں بانی پی ٹی آئی سے ملاقات کی اجازت بھی نہیں دی جارہی۔
مینا خان آفریدی نے کہاکہ حکومت عدالتی احکامات کی دھجیاں اڑاتے ہوئے کسی کو بھی عمران خان تک رسائی نہیں دے رہی، حتیٰ کہ ان کے ذاتی معالج کو بھی ملنے نہیں دیا جارہا۔
انہوں نے کہاکہ عمران خان کبھی ڈیل نہیں کرےگا، میری تجویز ہے کہ اب احتجاجاً خیبرپختونخوا اسمبلی کا اجلاس اڈیالہ جیل کے باہر منعقد کیا جائے۔
یہ بھی پڑھیں عمران خان کو 10 دن ڈیتھ سیل میں رکھا گیا، فیصل چوہدری
انہوں نے مزید کہاکہ عمران خان کے حوصلے بلند ہیں، ہمیں اڈیالہ جیل کے باہر سیشن اس وقت تک جاری رکھنا چاہیے جب تک عمران خان کو فری ٹرائل کی سہولت نہیں ملتی اور ملاقاتیں بحال نہیں ہو جاتیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل اسمبلی اجلاس خیبرپختونخوا اسمبلی عمران خان رہائی فیئر ٹرائل مینا خان آفریدی وفاقی دارالحکومت وی نیوز.ذریعہ: WE News
کلیدی لفظ: اڈیالہ جیل اسمبلی اجلاس خیبرپختونخوا اسمبلی عمران خان رہائی فیئر ٹرائل وفاقی دارالحکومت وی نیوز خیبرپختونخوا اسمبلی اڈیالہ جیل کے باہر پی ٹی آئی
پڑھیں:
اڈیالہ جیل کے باہر سے گرفتار بانی پی ٹی آئی کی بہنوں سمیت تمام افراد رہا
اڈیالہ جیل کے باہر سے گرفتار بانی پی ٹی آئی کی بہنوں سمیت تمام افراد رہا WhatsAppFacebookTwitter 0 17 April, 2025 سب نیوز
راولپنڈی(سب نیوز)جڑواں شہروں کی پولیس نے سابق وزیراعظم اور بانی پی ٹی آئی عمران خان کی تینوں بہنوں سمیت اڈیالہ جیل کے باہر سے گرفتار تمام افراد کو رہا کردیا۔
ذرائع کے مطابق پولیس حکام کا کہنا ہے کہ اب تحریک انصاف کا کوئی رہنما ہماری تحویل میں نہیں، علیمہ خان نورین خان اور عظمی خانم و دیگر کو چکری انٹرچینج پر موجود ہوٹل میں چھوڑ دیا ہے۔
قبل ازیں پولیس نے اڈیالہ جیل کے باہر سے بانی پی ٹی آئی کی بہنوں علیمہ خانم، نورین خان اور عظمی خانم سمیت صاحبزادہ حامد رضا، عمر ایوب ، ملک احمد بھچر اور قاسم نیازی کو حراست میں لیا تھا۔پولیس نے گرفتاری سے قبل تمام افراد کو ورانٹ گرفتاری دکھائے، حراست میں لیے جانے سے پہلے پی ٹی آئی رہنماں کی پولیس سے بحث اور تکرار ہوئی تھی۔
خیال رہے پولیس نے زرتاج گل، سیمابیہ طاہر اور تابش فاروق کو گرفتار نہیں کیا جبکہ اس موقع پر پی ٹی آئی کارکنوں کی جانب سے شدید نعرے بازی بھی کی گئی۔
بیلاروس کے صدر کا وزیراعظم اور نواز شریف کے اعزاز میں عشائیہ، غیر معمولی گرمجوشی کا اظہار