چیمپیئنز ٹرافی میں شرمناک شکست، قومی کرکٹ ٹیم کی سرجری کا حتمی فیصلہ
اشاعت کی تاریخ: 3rd, March 2025 GMT
آئی سی سی چیمپیئنز ٹرافی میں قومی کرکٹ ٹیم کو شرمناک شکست کے بعد ٹیم کی سرجری کا حتمی فیصلہ کرلیا گیا۔
میڈیا رپورٹس کے مطابق قومی کرکٹ ٹیم کے دورہ نیوزی لینڈ سے قبل اسکواڈ میں بڑے پیمانے پر تبدیلیوں کا امکان ہے۔
یہ بھی پڑھیں چیمپیئنز ٹرافی: پی سی بی کا بارش سے متاثرہ میچوں کے ٹکٹوں کی رقم واپس کرنے کا اعلان
میڈیا رپورٹس میں کہا گیا ہے کہ ابھی تک قومی ٹیم کے نئے ہیڈکوچ کی تقرری کا فیصلہ نہیں ہوسکا جس کے باعث عاقب جاوید کو ہی ہیڈ کوچ برقرار رکھا جائےگا، جبکہ محمد یوسف بیٹنگ کوچ ہوں گے۔
میڈیا رپورٹس کے مطابق محمد رضوان کو ایک روزہ کرکٹ ٹیم کا کپتان برقرار رکھنے کا فیصلہ کیا گیا ہے، تاہم ٹی20 ٹیم کی شاداب خان کو مل سکتی ہے۔
میڈیا رپورٹس میں کہا گیا ہے کہ اب محمد رضوان، بابر اعظم اور نسیم شاہ کو ٹی20 اسکواڈ میں شامل نہیں کیا جائےگا، جبکہ محمد حارث، سفیان مقیم، عرفان نیازی اورعباس آفریدی ٹی20 اسکواڈ میں شامل ہوں گے۔
میڈیا رپورٹس کے مطابق فاسٹ بولر شاہین شاہ آفریدی اور حارث رؤف کو بھی ٹی20 اسکواڈ میں برقرار رکھنے کا فیصلہ کیا گیا ہے۔
میڈیا رپورٹس میں کہا گیا ہے کہ نیوزی لینڈ کے دورہ کے لیے ممکنہ ٹی20 اسکواڈ میں شاداب خان کپتان ہوں گے، جبکہ دیگر کھلاڑیوں میں محمد حارث، سفیان مقیم، عرفان نیازی، شاہین آفریدی، عباس آفریدی، جہانداد خان، ابرار احمد، عمیر یوسف بن یوسف، خوشدل شاہ، حسن نواز، عبدالصمد، حارث رؤف، عثمان خان، حسین طلعت اور محمد علی شامل ہوں گے۔
یہ بھی پڑھیں قومی ٹیم کو چیمپیئنز ٹرافی میں شکست کی وجہ کیا ہے؟ وسیم اکرم کا بڑا دعویٰ
واضح رہے کہ آئی سی سی چیمپیئنز ٹرافی میں قومی کرکٹ ٹیم کو بدترین شکست کا سامنا کرنا پڑا ہے، جس کے بعد پاکستان کرکٹ بورڈ اور ٹیم پر شدید تنقید کی جارہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان کرکٹ بورڈ پی سی بی چیمپیئنز ٹرافی حتمی فیصلہ سرجری شاداب خان شرمناک شکست قومی کرکٹ ٹیم محسن نقوی محمد رضوان وی نیوز.ذریعہ: WE News
کلیدی لفظ: پاکستان کرکٹ بورڈ پی سی بی چیمپیئنز ٹرافی حتمی فیصلہ شرمناک شکست قومی کرکٹ ٹیم محسن نقوی محمد رضوان وی نیوز چیمپیئنز ٹرافی میں ٹی20 اسکواڈ میں قومی کرکٹ ٹیم میڈیا رپورٹس گیا ہے ہوں گے
پڑھیں:
چیمپیئنز ٹرافی: پی سی بی کا بارش سے متاثرہ میچوں کے ٹکٹوں کی رقم واپس کرنے کا اعلان
پاکستان کرکٹ بورڈ (پی سی بی) نے بارش سے متاثر ہونے والے چیمپیئنز ٹرافی کے میچوں کے ٹکٹوں کی رقم واپس کرنے کا اعلان کردیا۔
راولپنڈی کرکٹ اسٹیڈیم میں چیمپیئنز ٹرافی کے دو میچز بارش کے باعث بغیر کوئی گیند کروائے ختم ہوگئے تھے۔
یہ بھی پڑھیں چیمپیئنز ٹرافی: جنوبی افریقہ نے سیمی فائنل کے لیے کوالیفائی کرلیا، افغانستان دوڑ سے باہر
اب جن شائقین کرکٹ نے ان میچوں کے ٹکٹ خریدے تھے وہ پی سی بی کے پالیسی کے مطابق مکمل رقم واپس لینے کے لیے اہل ہیں۔
پی سی بی کے پالیسی کے مطابق اگر میچ ٹاس سے پہلے ہی ختم کردیا گیا ہو تو تمام انکلوژرز کے ٹکٹوں کی رقم واپس کردی جائے گی۔
پاکستان کرکٹ بورڈ کے مطابق اسی طرح ہاسپٹلیٹی باکسز کے ٹکٹ (باکس اور پی سی بی گیلری) کے ٹکٹ ہولڈرز رقم کی کے اہل نہیں ہوں گے۔
پی سی بی نے اہل ٹکٹ ہولڈرز کو ہدایت کی ہے کہ وہ پیر 10 مارچ 2025 سے جمعہ 14 مارچ 2025 کے درمیان کوریئر کمپنی کی منتخب آؤٹ لیٹس پر اپنی رقم کی واپسی کا دعویٰ کرسکتے ہیں۔
پی سی بی کے مطابق خریداری کے ثبوت کے طور پر شائقین کرکٹ کو اصل اور بغیر نقصان زدہ ٹکٹ پیش کرنا ہوگا، تب ہی ان کو رقم واپس مل سکے گی۔
پی سی بی کے مطابق خریدار کو رقم کی واپسی کا دعویٰ کرنے کےلیے ذاتی طور پر کوریئر کمپنی کے آؤٹ لیٹ جانا ہوگا، اس کی طرف سے کوئی اور رقم کی واپسی کا دعویٰ نہیں کرسکتا۔
واضح رہے کہ راولپنڈی کرکٹ اسٹیڈیم میں آسٹریلیا جنوبی افریقہ اور پاکستان بنگلہ دیش کے درمیان میچز بغیر گیند کرائے ختم ہوگئے تھے۔
یہ بھی پڑھیں چیمپیئنز ٹرافی: میچ بارش کے باعث منسوخ، آسٹریلیا سیمی فائنل میں اِن، افغانستان چانس پر
چیمپیئنز ٹرافی میں گروپ اے سے بھارت اور نیوزی لینڈ جبکہ گروپ بی سے آسٹریلیا اور جنوبی افریقہ نے سیمی فائنل کے لیے کوالیفائی کرلیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعلان پاکستان بنگلہ دیش میچ پی سی بی ٹکٹ کی رقم واپس چیمپیئنز ٹرافی وی نیوز
ڈپٹی رجسٹرار کیس: حکومت نے جسٹس منصور، عقیل عباسی کا فیصلہ کالعدم قرار دینے کے لیے اپیل دائر کردی