پی سی بی کے مستقبل کے فیصلوں کو سپورٹ کرنا ہوگا،وسیم اکرم
اشاعت کی تاریخ: 3rd, March 2025 GMT
سابق کپتان اور سوئنگ کے سلطان وسیم اکرم نے کہا ہے کہ چیمپئنز ٹرافی میں پاکستان کرکٹ ٹیم کی خراب کارکردگی پرمایوسی ہوئی ہے،پی سی بی کے مستقبل کے فیصلوں کو سپورٹ کرنا ہوگا۔
میڈیا سے گفتگو کرتے ہوئے انہوں نے کہا کہ میں سن رہا ہوں کہ ٹیم میں نئے لڑکے لا رہے ہیں،ہمیں نئے لڑکوں کو سپورٹ اور صبر سے کام لینا ہوگا۔
نئے کھلاڑیوں کو ایک سال سپورٹ کریں،2026کےلئے ٹیم کیسے بنانی ہے اس کا سوچنا ہوگا،چیمپئنز ٹرافی میں جو کچھ ہوا اس پر افسوس ہی کیا جا سکتا ہے،کھلاڑیوں پر اب بات کرنا چھوڑ دیں،بہت باتیں ہو چکی ہیں۔
واضح رہے کہ دفاعی چیمپئن پاکستان چیمپئزٹرافی سے باہر ہوچکا ہے ،تین میچز میں سے ابتدائی دو میچز میں پاکستان کو شکست کا سامنا کرنا پڑا، بنگلہ دیش کیساتھ میچ بارش کی نذر ہوا۔
ذریعہ: Daily Mumtaz
پڑھیں:
“”رونالڈو کی ناسا ڈائٹ” وسیم اکرم کا رمیز پر طنز
قومی ٹیم کے سابق کپتان اور سوئنگ کے سلطان وسیم اکرم نے مشتاق احمد کے بعد سابق کرکٹر و چیئرمین پی سی بی رمیز راجا کو بھی نہ بخشا۔
آئی سی سی چیمپئینز ٹرافی میں قومی کی ٹیم ناقص کارکردگی اور گروپ راؤنڈ سے باہر ہونے پر وسیم اکرم کا غصہ کم نہ ہوا، انہوں نے دو روز قبل کھلاڑیوں کے کیلے کھانے پر انہیں تقید کا نشانہ بنایا تھا۔
انکا کہنا تھا کہ اگر یہاں عمران خان میرے کپتان ہوتے تو مجھے مارتے۔
گزشتہ روز سابق کپتان کے پروگرام کی ویڈیو وائرل ہورہی ہے جس میں دیکھا جاسکتا ہے کہ وسیم اکرم پینل میں موجود دیگر کھلاڑیوں کیساتھ گفتگو کررہے ہیں، جس میں وقار یونس کے علاوہ بھارتی کرکٹر اجے جڈیجا بھی موجود تھے۔
وسیم اکرم نے سابق چیئرمین و کرکٹر رمیز راجا کے ایک بیان پر انہیں طنز کیا جس میں انہوں نے کہا تھا کہ پرتگال کے اسٹار فٹبالر کرسٹیانو رونالڈ کی کا ڈائٹ پلان نیشنل ایروناٹکس اینڈ اسپیس ایڈمنسٹریشن (ناسا) کے سائنسدانوں نے تیار کیا ہے۔
رمیز راجا کے تبصرے پر انہیں دنیا بھر میں تنقید کا نشانہ بنایا گیا تھا تاہم اب شو میں وسیم اکرم نے اپنے ساتھی کرکٹر کا مذاق بنایا جس پر مداح شدید ناراض ہیں۔
سوئنگ کے سلطان وسیم اکرم نے شو کے دوران کہا کہ سنا ہے کہ ناسا کرسٹیانو رونالڈو کی خوراک بناتا ہے، (بعدازاں انہوں نے وقار یونس کی طرف اشارہ کیا) اور کہا وقار جانتا ہے، پھر دونوں ہنس پڑے۔
سابق کرکٹر نے پروگرام میں پاکستانی ٹیم پر تنقید کرتے ہوئے الزام لگایا کہ وہ ایسے وقت میں ‘قدیم کرکٹ’ کھیل رہی ہے جہاں کھیل کی رفتار کئی گنا بڑھ گئی ہے۔
وسیم اکرم نے پاکستانی بولرز کے کچھ اعدادوشمار کے حوالے سے بتایا کہ ہمارے بالرز 60 کی اوسط سے 24 وکٹیں حاصل کرنے میں کامیاب ہوئے ہیں (یعنی 60 رنز پر ایک وکٹ)۔
انہوں نے کہا کہ ہماری بالنگ اوسط 14 ٹیمیں جو ون ڈے کھیل رہی ہیں ان میں 12ویں نمبر ہے یعنی عمان اور امریکا سے بھی زیادہ خراب ہے۔
سپریم کورٹ بار کا پیکاایکٹ واپس لینےکا مطالبہ