سن 1940 میں پنیر اور جلپینو کے ساتھ تلی ہوئی ٹارٹیلا چپس کے طور پر شروع ہونے والے ناچوز اب ایک مقبول اسنیک بن چکے ہیں۔
ناچوز کا اصل وطن میکسیکو ہے اور انہیں عالمی سطح پر پسند کیا جاتا ہے۔ یہ لذیذ اور مسالے دار ناچوز تلی ہوئی ٹارٹیلا چپس، سالسا، چیز ساس اور اپنی پسند کی ٹاپنگز کے ساتھ بنائے جاتے ہیں۔ اپنی پسندیدہ مووی کے ساتھ لطف اٹھانے کے لیے آج ہی ان مزیدار ناچوز کی ترکیب آزمائیں۔
اجزاء
پانی ایک کپ چاول کا آٹا ایک کپ نمک حسبِ ذائقہ ہلدی پسی ہوئی آدھا چائے کا چمچ چیز ساس کے لیے دودھ ایک کپ موزریلا اور چیڈر چیز ایک کپ کالی مرچ آدھا چائے کا چمچ اوریگانو آدھا چائے کا چمچ نمک حسب ذائقہ ہلدی پسی ہوئی ایک چٹکی سالسا کے لیے دھنیے کی پتیاں آدھا کپ ٹماٹر کٹے ہوئے ایک سے دو عدد پیاز کٹی ہوئی ایک سے دو عدد ہری مرچیں کٹی ہوئی ایک سے دو عدد کالی مرچ حسبِ ذائقہ نمک حسبِ ذائقہ لیموں ایک عدد مکئی حسبِ ضرورت بڑی ہری مرچ حسبِ ضرورتترکیب
ناچوز کی تیاری کے لیے ایک گہرے برتن میں پانی اور چاول کا آٹا ڈالیں اور اسے ہلکی آنچ پر یکجاں کر لیں۔ اب اس مکسچر کو ایک پیالے میں نکال لیں۔ اب اس میں نمک اور پسی ہوئی ہلدی ڈالیں اور اچھی طرح گوندھ لیں تاکہ اس کا نرم پیڑا بن جائے۔ اب اس پر تھوڑا سا خشک آٹا چھڑکیں اور اسے ایک تختے پر رکھ کر بیلن کی مدد سے رول کرلیں، رول کرتے ہوئے دھیان رہے کہ اس کی موٹائی آدھے سینٹر میٹر تک ہونی چاہیے۔ اب اس کو سائیڈوں سے کاٹ کر ایک چوکور ڈبے کی شکل میں لے آئیں۔ اب اسے کم از کم دو انچ موٹی لمبی پٹیوں کی شکل میں کاٹ لیں۔ اب ان پٹیوں کے تکونی شکل کے ٹکڑے کر لیں اور ہر ٹکڑے میں کانٹے کی مدد سے چھوٹے اور ہلکے سوراخ کر لیں، دھیان رہے کہ کانٹے کو زیادہ زور سے نہ دبائیں۔ اب ان تکونے ناچوز کو درمیانی آنچ پر فرائی کریں تاکہ یہ خستہ اور سنہری رنگ کے ہو جائیں۔ متبادل کے طور پر آپ انہیں اوون میں 180 سینٹی گریڈ پر بیس منٹ تک بیک بھی کر سکتے ہیں۔ چیز ساس بنانے کے لیے ایک ساس پین میں دودھ ڈال کر گرم کریں۔ اب اس میں موزریلا اور چیڈر چیز، کالی مرچ، اوریگانو، نمک اور ہلدی ڈال کر اچھی طرح مکس کریں تاکہ تمام اجزا یکجاں ہو جائیں۔ اب اسے اچھی طرح پکائیں تاکہ اس کا گاڑھا آمیزہ بن جائے۔ سالسا بنانے کے لیے ایک پیالے میں دھنیے کی پتیاں، کٹے ہوئے ٹماٹر، پیاز، ہری مرچیں، نمک اور کالی مرچیں ڈالیں اور اس پر لیموں نچوڑ کر اچھی طرح مکس کریں۔ اب ان تمام لوازمات کو مجتمع کرنے کے لیے ناچوز کو ایک پلیٹ میں رکھیں۔ اب تیار شدہ چیز ساس کو ناچوز کے اوپر ڈالیں۔ اس سب کے اوپر سالسا اور مکئی ڈالیں۔ اب اسے کٹی ہوئی بڑی ہری مرچوں سے سجائیں اور اس پر مزید چیز ساس ڈال لیں۔ مزیدار ناچوز تیار ہیں، مزے اڑائیں۔.ذریعہ: Express News
کلیدی لفظ: کالی مرچ کے لیے ا لیں اور چیز ساس اور اس ہوئی ا ایک کپ
پڑھیں:
کے پی اور آزاد کشمیر میں تیز بارش و ژالہ باری، فصلوں اور باغات کو نقصان
فائل فوٹو۔خیبر، باجوڑ، مردان، مالاکنڈ، سوات، لوئر دیر، مانسہرہ، بٹگرام اور آزاد کشمیر میں بارش و ژالہ باری کا سلسلہ شروع ہوگیا۔ جبکہ پنجاب کے مختلف شہروں میں تیز ہوائیں چلیں، کئی علاقوں میں بجلی کی فراہمی معطل ہوگئی۔
ضلع خیبر، لنڈی کوتل اور گردونواح میں آندھی اور ژالہ باری کے ساتھ تیز بارش ہوئی۔ موسلا دھار بارش کے باعث ندی نالوں میں طغیانی آگئی۔
لنڈی کوتل بازار میں گاڑی سیلابی ریلے میں بہہ گئی، پاک افعان شاہراہ پر حاجی گل شیر کلی کے مقام پر پھنسی گاڑی کو ریسکیو کر لیا گیا، تاہم کوئی جانی نقصان نہیں ہوا۔
بٹگرام شہر اور گردونواح میں تیز بارش ہوئی، پہاڑوں سے آنے والے سیلابی ریلے میں موٹر سائیکلیں بہہ گئیں اور گھروں کو نقصان پہنچا۔ باجوڑ اور شب قدر میں بھی تیز بارش ہوئی۔
بارش سے فصلوں اور باغات کو نقصان پہنچا ہے۔ سوات، خوازہ خیلہ، مٹہ اور بالائی علاقوں میں بارش اور ژالہ باری ہوئی۔ لوئر دیر، مانسہرہ، مردان، کوہاٹ سمیت دیگر علاقوں میں بھی تیز بارش کا سلسلہ وقفے وقفے سے جاری ہے۔
مظفر آباد شہر اور گردونواح میں بارش اور متعدد مقامات پر ژالہ باری ہوئی، میرپور آزاد کشمیر، ڈھڈیال، چکسواری، اسلام گڑھ اور منگلا میں تیز ہواؤں کے ساتھ موسلا دھار بارش ہوئی۔ ادھر آزاد کشمیر کے علاقوں اٹھمقام اور وادی نیلم میں بھی بارش ہوئی۔
جہلم ،حافظ آباد، ڈیرہ غازی خان، گجرات سمیت پنجاب کے دیگر اضلاع میں بھی ہلکی اور تیز بارش کا سلسلہ جاری ہے۔
امریکا میں رواں ماہ ہزار سال کا بد ترین سیلاب آنے کا امکان ہے، ناسا