نیب افسر وقاص احمد کی موت کے حوالے سے اہم انکشافات
اشاعت کی تاریخ: 3rd, March 2025 GMT
نیب افسر وقاص احمد کی موت کے حوالے سے اہم انکشافات WhatsAppFacebookTwitter 0 3 March, 2025 سب نیوز
اسلام آباد: اسلام آباد میں نیب کے گریڈ 19 کے افسر وقاص احمد کی پراسرار موت کے معاملے پر تاحال پوسٹ مارٹم رپورٹ سامنے نہیں آسکی ہے، جبکہ ٹیسٹ سیمپل بھی لیب میں موجود ہیں۔
میڈیا رپورٹس کے مطابق رپورٹ اور ٹیسٹ کے نتائج چند روز میں جاری کیے جائیں گے۔
وقاص احمد گزشتہ 10 روز سے ایک نجی گیسٹ ہاؤس میں مقیم تھے۔ ذرائع کے مطابق، وہ متعدد بار گاڑی گیسٹ ہاؤس کے باہر ٹکرا چکے تھے اور ایک موقع پر موٹر سائیکل سوار کو بھی گاڑی سے ٹکر ماری تھی۔
وقاص احمد کی ڈیڈ باڈی 23 فروری کو تھانہ آبپارہ کی حدود میں واقع گیسٹ ہاؤس سے برآمد ہوئی تھی، جس کی اطلاع گیسٹ ہاؤس کے عملے نے دی۔ ان کی اہلیہ لاہور میں مقیم تھیں جنہیں موت کی خبر دی گئی۔
رپورٹ کے مطابق وقاص احمد کے جسم پر کسی قسم کے زخموں کے نشانات موجود نہیں تھے، البتہ ان کے پاؤں پر سرنج کے نشان پائے گئے۔ پولیس کے مطابق، کمرہ اندر سے لاک تھا اور پوسٹ مارٹم کے بعد لاش کو لواحقین کے حوالے کر دیا گیا۔
پولیس تمام زاویوں سے تحقیقات کر رہی ہے، اور پوسٹ مارٹم رپورٹ آنے کے بعد مزید پیش رفت متوقع ہے۔
.ذریعہ: Daily Sub News
کلیدی لفظ: وقاص احمد کی
پڑھیں:
پاکستان میں ریپ، گھریلو تشدد، غیرت کے نام پر قتل کے اعداد وشمار
پاکستان بھر میں ریپ، گھریلو تشدد اور غیرت کے نام پر قتل کے اعداد و شمار سامنے آگئے۔
صنفی بنیاد پر تشدد کے واقعات اور سزا سے متعلق غیر سرکاری تنظیم نے 2024ء کی رپورٹ جاری کردی، جس کے مطابق پاکستان میں صنفی بنیاد پر تشدد کے واقعات میں تشویشناک اضافہ ہوا جبکہ سزا کی شرح انتہائی کم ہے۔
غیر سرکاری تنظیم نے ملک کے چاروں صوبوں اور دارالحکومت اسلام آباد میں ریپ، گھریلو تشدد اور غیرت کے نام پر قتل کے اعداد و شمار جاری کردیے ہیں۔
رپورٹ کے مطابق 2024 میں پاکستان بھر میں صنفی بنیاد پر تشدد کے 32 ہزار 617 کیسز رپورٹ ہوئے اور ان معاملات میں سزا کی شرح انتہائی مایوس کن رہی۔
غیر سرکاری تنظیم کی رپورٹ کے مطابق ملک بھر میں ریپ کے 5 ہزار 339 اور اغوا کے 24 ہزار 439 واقعات رپورٹ ہوئے۔
رپورٹ کے مطابق پاکستان بھر میں گھریلو تشدد کے 2 ہزار 238 اور غیرت کے نام پر قتل کے 547 واقعات سامنے آئے۔
اعداد و شمار کے مطابق ریپ اور غیرت کے نام پر قتل کے مقدمات میں سزا کی شرح صرف صفر اعشاریہ 5 فیصد، اغوا کے کیسز میں صفر اعشاریہ1 فیصد اور گھریلو تشدد میں 1 اعشاریہ3 فیصد رہی۔
رپورٹ کے مطابق پنجاب میں سب سے زیادہ 26 ہزار 753 صنفی تشدد کے واقعات رپورٹ ہوئے، غیرت کے نام پر قتل کے 225 کیسز میں صرف 2 مجرم سزا یافتہ قرار پائے۔
اعداد وشمار کے مطابق خیبر پختونخوا میں تشدد کے 3 ہزار 397 کیسزاور غیرت کے نام پر قتل کے 134 واقعات ہوئے جبکہ تشدد اور غیرت کے نام پر قتل پر صرف 2 مجرموں کو سزا دی گئی۔
رپورٹ کے مطابق سندھ میں صنفی تشدد کے 1 ہزار 781 کیسز رپورٹ ہوئے جبکہ صوبے میں غیرت کے نام پر قتل، ریپ اور اغوا کے کسی کیس میں کوئی سزا نہیں ہوئی۔
اعداد و شمار کے مطابق بلوچستان میں صنفی تشدد کے 398 کیسز رپورٹ ہوئے، غیرت کے نام پر قتل کے 32 واقعات میں سے صرف 1 کیس میں سزا ہوئی جبکہ ریپ کے 21 کیسز میں کسی ملزم کو سزا نہیں ہوئی۔
رپورٹ کے مطابق دارالحکومت اسلام آباد میں صنفی تشدد کے 220 اور ریپ کے 176 کیسزرپورٹ ہوئے جبکہ صرف 7 مجرموں کو سزا ہوئی۔
اپوزیشن کا 26 اور 27 فروری کو اسلام آباد میں بڑی بیٹھک کا فیصلہ