شہری کو غیر قانونی حراست میں رکھنے پر پولیس افسران کے خلاف مقدمہ درج کرنے کا حکم
اشاعت کی تاریخ: 3rd, March 2025 GMT
شہری کو غیر قانونی حراست میں رکھنے پر پولیس افسران کے خلاف مقدمہ درج کرنے کا حکم WhatsAppFacebookTwitter 0 3 March, 2025 سب نیوز
اسلام آباد ( سب نیوز):اسلام آباد ہائی کورٹ نے شہری علی محمد کو غیر قانونی حراست میں رکھنے پر ایس پی سی ٹی ڈی، ایس ایچ او اور دیگر ملزمان کے خلاف مقدمہ درج کرنے کا حکم دے دیا۔
تفصیلات کے مطابق جسٹس محسن اختر کیانی نے علی محمد کے والد کی درخواست پر سماعت کے دوران پولیس کی کارروائی پر سخت برہمی کا اظہار کیا۔
دوران سماعت عدالت کو آگاہ کیا گیا کہ علی محمد کے سیکشن 164 کے بیان کی کاپی تاحال فراہم نہیں کی گئی۔ ڈی ایس پی لیگل نے عدالت کو بتایا کہ یہ کاپی انہیں موصول نہیں ہوئی۔ جس پر جسٹس محسن اختر کیانی نے ریمارکس دیے کہ آئی جی صاحب کو بتائیں کہ جیسے ہی یہ کاپی موصول ہو، پولیس افسران کے خلاف مقدمہ درج کیا جائے۔
ڈی ایس پی لیگل نے عدالت سے استدعا کی کہ اس معاملے پر مشترکہ تحقیقاتی ٹیم (جے آئی ٹی) بنا دی جائے۔ تاہم عدالت نے یہ درخواست مسترد کرتے ہوئے کہا کہ ’کوئی جے آئی ٹی نہیں، ایک بندہ اگر معاملہ سمجھ سکتا ہے تو تین کی ضرورت نہیں۔‘
عدالت نے حکم دیا کہ آئندہ سماعت تک ایف آئی آر درج ہو جانی چاہیے، اس کے بعد دیکھا جائے گا کہ تفتیش کس سمت میں جاتی ہے۔ جسٹس محسن اختر کیانی نے مزید کہا کہ اگر ملزمان بے گناہ ہوں گے تو تفتیش میں سب سامنے آ جائے گا۔
انہوں نے استفسار کیا کہ ’کیا کبھی ایسا ہوا ہے کہ ایف آئی آر درج ہوئے بغیر تفتیش کی گئی ہو؟‘ عدالت نے آئی جی اسلام آباد کو آئندہ سماعت پر رپورٹ پیش کرنے کی ہدایت کی کہ اب تک کیا کارروائی کی گئی ہے۔
درخواست گزار کے وکیل شیر افضل نے عدالت کے سامنے مؤقف اختیار کیا کہ پولیس افسران اہم عہدوں پر بیٹھے ہیں اور تفتیش بھی انہیں نے ہی کرنی ہے، تو پھر انصاف کیسے ہوگا؟ اس پر عدالت نے ریمارکس دیے کہ ’آئندہ سماعت پر آئی جی کو بلائیں گے، پھر دیکھیں گے کہ تفتیش کس نے کرنی ہے۔‘
عدالت نے کیس کی مزید سماعت 11 مارچ تک ملتوی کر دی۔
.ذریعہ: Daily Sub News
کلیدی لفظ: کے خلاف مقدمہ درج پولیس افسران
پڑھیں:
چیچہ وطنی ، فائرنگ سے ایک شخص جاں بحق،ملزم گرفتار
چیچہ وطنی (اُردو پوائنٹ اخبارتازہ ترین - اے پی پی۔ 17 اپریل2025ء) چیچہ وطنی میں تھانہ سٹی کے مین گیٹ پرمخالفین کی فائرنگ سے ایک شخص جاں بحق جبکہ ملزم کوگرفتارکرلیا گیا۔(جاری ہے)
پولیس کے مطابق گاؤں14،گیارہ ایل کے رہائشی عبدالرزاق گجر اور وقار گجر کے مابین زمین کا تنازعہ چلا آرہا تھا،مقتول عبدالرزاق نے ا سی تنازعہ پرایک شخص کو قتل کردیا تھا جس میں وہ قید کی سزا بھگت کر حال ہی جیل سے رہا ہوا تھا،فریقین ایک مقدمہ کی تفتیش کیلئے تھانہ صدرمیں جمع ہوئے تاہم تفتیش سے فارغ ہوکر مقتول عبدالرزاق جب تھانہ صدر سے باہرنکل کرقریب ہی واقع تھانہ سٹی کے گیٹ پر پہنچا تو ملزم وقار نے فائرنگ کردی جس سے وہ شدید زخمی ہوگیا اورطبی امداد پہنچنے سے قبل ہی دم توڑ گیا،ملزم کو اسلحہ سمیت گرفتار کرلیا گیا،پولیس نے مقدمہ درج کرکے تفتیش شروع کردی ہے۔
پی ٹی آئی سوشل میڈیا ایکٹوسٹ ایک روز کے جسمانی ریمانڈ پر پولیس کے حوالے