’کوہلی کو کیوں آؤٹ کیا؟‘، ویرات کوہلی کے مداحوں نے غلط فلپس کو تنقید کا نشانہ بنا ڈالا
اشاعت کی تاریخ: 3rd, March 2025 GMT
آئی سی سی چیمپئنز ٹرافی کے میچ میں بھارتی بیٹر ویرات کوہلی کا شاندار کیچ کرنے پر ان کے مداحوں نے کیوی فیلڈر گلین فلپس کی جگہ الیکٹرونک برانڈ فلپ کو تنقید کا نشانہ ڈالا۔
اتوار کو بھارتی کرکٹ ٹیم آئی سی سی چیمپئنز ٹرافی میں گروپ اے کے آخری میچ میں نیوزی لینڈ کے خلاف مدمقابل تھی۔ اپنا 300 واں ایک روزہ میچ کھیلتے ہوئے، ویرات کوہلی بھارتی بیٹر شبمن گل کے آؤٹ ہونے کے بعد بیٹنگ کے لیے آئے۔ سابق بھارتی کپتان، جنہوں نے پاکستان کے خلاف سنچری بنائی تھی، اپنی پچھلی اننگز کی طرح اس میچ میں بھی اسی انداز میں کھیلنا شروع کر دیا۔
یہ بھی پڑھیں: ویرات کوہلی کے نیوزی لینڈ کے خلاف آؤٹ ہونے پر انوشکا شرما کا اظہار مایوسی، ویڈیو اور تصاویر وائرل
تاہم نیوزی لینڈ کے گلین فلپس نے کوہلی کا بہترین کیچ لیا جس پر کوہلی اور شائقین بھی حیران نظر آئے۔ شوہر کے آؤٹ ہونے پر گراؤنڈ میں موجود انوشکا شرما نے بھی سرپر ہاتھ رکھ کر حیرانی کا اظہار کیا۔
View this post on Instagram
A post shared by ICC Hindi (@icchindiofficial)
یہ آؤٹ ویرات کوہلی کے مداحوں کو پسند نہیں آیا اور انہوں نے سوشل میڈیا پر اپنے غصے کا اظہار کیا۔ انسٹاگرام پر ویرات کوہلی کے مداحوں نے نیوزی لینڈ کے کھلاڑی کو برا بھلا کہنا شروع کر دیا۔ ایک مداح نے لکھا، ’کوہلی کو کیوں آؤٹ کیا؟‘ جبکہ دوسرے نے کہا، ’کوہلی تیرا باپ ہے‘۔
مداحوں کو یہ احساس نہیں ہوا کہ یہ گلین فلپس کرکٹر نہیں تھا بلکہ الیکٹرانکس کی کمپنی ’فلپس‘ تھی۔ چند صارفین نے نشاندہی کی کہ سوشل میڈیا پرغلط فلپس کو ٹارگٹ کیا جا رہا ہے۔
A brainless player with equally brainless fans, that’s why Kohli and his delusional followers get trashed.
— Priyanshu Verma (@PriyanshVerma71) March 2, 2025
واضح رہے کہ چیمپئنز ٹرافی میں گروپ اسٹیج کے آخری میچ میں بھارت نے نیوزی لینڈ کو 44 رنز سے شکست دی۔
بھارتی ٹیم نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 249 رنز اسکور کیے۔ نیوزی لینڈ کی ٹیم 46 ویں اوور میں205 رنز بنا کر آؤٹ ہوگئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپینئز ٹرافی انڈیا بمقابلہ نیوزی لینڈ گلین فلپس ویرات کوہلیذریعہ: WE News
کلیدی لفظ: ا ئی سی سی چیمپینئز ٹرافی گلین فلپس ویرات کوہلی ویرات کوہلی کے نیوزی لینڈ کے کے مداحوں گلین فلپس میچ میں
پڑھیں:
’آپ دوسروں کے خاندان بیچ رہے ہیں‘، رجب بٹ کی ایک بار پھر فہد مصطفیٰ پر تنقید
یوٹیوبر رجب بٹ نے ایک بار پھر اداکار فہد مصطفیٰ پر تنقید کرتے ہوئے کہا ہے کہ عزت کرو گے تو عزت ملے گی۔ انہوں نے کہا کہ سینئر وہی ہوتا ہے جو اپنی عزت خود کرائے۔
حال ہی میں رجب بٹ نے ایک پوڈ کاسٹ میں شرکت کی جہاں انہوں نے مختلف موضوعات پر کھل کر بات کی۔ اینکر نے جب ان سے فہد مصطفیٰ سے متعلق سوال کیا تو جواب میں رجب بٹ کا کہنا تھا کہ اگر آپ سینئر ہیں تو آپ کو سینئر کی طرح ہی برتاؤ کرنا چاہیے۔ انہوں ںے کہا کہ اگر وہ کسی نویں جماعت کے طالب علم کو کچھ برا بولیں گے تو وہ بھی انہیں وہیں چپ کرا دے گا۔
رجب بٹ کا کہنا تھا کہ ’میرے نانا ابو کہتے تھے کہ سینئرز کی سب سے بڑی خوشی یہ ہوتی ہے کہ ان کے جونیئر آگے آئیں۔ تو اگر ہم آگے آ رہے ہیں تو آپ نفرت کیوں کرتے ہیں، اور کیوں کہتے ہیں کہ سب اپنا خاندان بیچ رہے ہیں‘۔
یو ٹیوبر نے فہد مصفطیٰ پر تنقید کرتے ہوئت کہا کہ ’آپ کیا کرتے ہو، آپ دوسروں کے خاندان بیچ رہے ہو‘، انہوں نے کہا کہ ’ اگر ڈرامے ٹی وی چینلز پر ہٹ ہیں تو آپ انہیں اپنے یوٹیوب چینلز پر کیوں اپ لوڈ کرتے ہیں جن کے 60 ملین سبسکرائبرز ہیں‘۔
انہوں نے مزید کہا کہ ’ پیسے تو آپ بھی یوٹیوب سے کماتے ہیں پھر صرف پیمرا سے پیسے کمائیں۔ لیکن پیسے یوٹیوب سے بھی کمانے ہیں لیکن دوسروں کو کہنا ہے کہ یہ اپنا خاندان بیچ رہے ہیں‘۔ ان کا کہنا تھا کہ اگر سوشل میڈیا تو گند ہے پھر اسے چھوڑ دیں۔
یہ بھی پڑھیں: ویڈیو میں 295 کا ذکر، معروف یوٹیوبر رجب بٹ نے وضاحت پیش کردی
رجب بٹ کے مطابق انہوں نے فہد مصفطیٰ کا کوئی ڈرامہ نہیں دیکھا لیکن انہیں فہد مصطفیٰ پہلے جیتو پاکستان کی وجہ سے اچھے لگتے تھے لیکن اس جب میں نے ان کا بیان سنا کہ ایک سینئر ایسی بات کر رہا ہے تو وہ میرے دل سے اتر گئے۔
رجب بٹ نے فہد مصطفیٰ کو مشورہ دیتے ہوئے کہا کہ جب کوئی جونیئر آگے آ رہا ہوتا ہے تو انہیں سراہیں نہ کہ کوئی ایسی حرکت کریں کہ آپ ان کے دل سے ہمیشہ کے لیے اتر جائیں۔
واضح رہے کہ پاکستان کے مشہور یوٹیوبر رجب بٹ ان دنوں پرفیوم 295 کے نام پر ہونے والی بحث کے بعد سرخیوں میں ہیں اور وہ پاکستان چھوڑ کر جا چکے ہیں اس سے قبل وہ معروف پروڈیوسر و اداکار فہد مصطفیٰ کے حوالے سے سرخیوں میں تھے کیونکہ فہد مصفطیٰ نے فیملی وی لاگنگ پر تنقید کی تھی جس پر رجب بٹ نے انہیں تنقید کا نشانہ بنایا تھا۔
یہ بھی پڑھیں: ’فہد مصطفیٰ کون ہیں‘، فیملی وی لاگنگ کی مخالفت پر رجب بٹ کی اداکار پر تنقید
اداکار فہد مصطفیٰ نے ایک شو میں یو ٹیوبرز پر تنقید کرتے ہوئے کہا تھا کہ ان کے پاس کانٹینٹ نہیں ہے بلکہ سب اپنے خاندان ہی کو یو ٹیوب پر بیچ رہے ہیں۔ حتیٰ کہ لوگ قبرستان تک کو نہیں چھوڑتے اور قبر پر جا کر لوگوں سے دعاؤں کی اپیل کرتے ہیں۔ انہوں نے کہا تھا کہ وہ یو ٹیوب پر اپنا گھر اور اپنا آپ نہیں بیچ سکتے۔
رجب بٹ نے جواباً کہا کہ ’فہد مصطفیٰ کون ہیں‘۔ ان کا کہنا تھا کہ سینئر اپنی عزت خود کرواتے ہیں۔
یہ بھی پڑھیں: ’فہد مصطفیٰ کون ہیں‘، فیملی وی لاگنگ کی مخالفت پر رجب بٹ کی اداکار پر تنقید
رجب بٹ نے کہا کہ فہد مصطفیٰ ایک سینئر کے ساتھ بیٹھ کر یہ بات کہہ رہے تھے کہ وہ اپنی فیملی فروخت نہیں کرسکتے۔ انہوں نے تنقید کرتے ہوئے کہا کہ کہ آپ لوگوں کی فیملی فروخت کر سکتے ہیں۔ یوٹیوبر نے کہا کہ ڈراموں میں کام کیسے ملتا ہے یہ بات کسی سے چھپی ہوئی نہیں ہے۔
انہوں نے کہا کہ سینئر وہ ہوتا ہے جو اپنی عزت خود کروائے، اللہ کا شکر ہے کہ میں اپنا کما اور کھا رہا ہے جبکہ میں نے آج تک ڈراموں کے لیے کوئی رول بھی نہیں مانگا۔
یوٹیوبر نے کہا ’آپ شو میں کہتے ہیں ’مجھے لڑکیاں چاہیں‘، کیا اُس وقت آپ کسی فیملی کو ڈسٹرب نہیں کررہے ہوتے؟ ہم تو اپنے گھر میں بیٹھ کر کام کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رجب بٹ فہد مصفطیٰ
پانی کے ضیاع پر جمعہ کے خطبات میں آگاہی دینے کا سرکلر لاہور ہائیکورٹ میں پیش