کینسر کے مرض میں مبتلا حنا خان نے رمضان المبارک کا خصوصی استقبال کیسے کیا؟
اشاعت کی تاریخ: 3rd, March 2025 GMT
بھارتی ٹیلی ویژن کی معروف اداکارہ حنا خان نے رمضان المبارک کے مقدس مہینے کا آغاز اپنے مداحوں کے ساتھ خصوصی تصاویر اور پیغام کے ساتھ کیا۔
انہوں نے سحری اور افطاری کے دوران کی گئی تصاویر سوشل میڈیا پر شیئر کیں، جن میں وہ ہلکے سمندری سبز رنگ کے خوبصورت لباس میں نظر آئیں۔
حنا خان نے اپنی پوسٹ کے کیپشن میں لکھا، ’’رمضان مبارک! کیسی لگ رہی ہوں؟… دن 1 سحری سے افطاری تک کا خوبصورت سفر.
A post shared by ???????????????? ???????????????? (@realhinakhan)
کینسر کے مرض سے لڑتی حنا خان کی یہ پوسٹ جلد ہی وائرل ہو گئی، اور کمنٹ سیکشن مداحوں کی مبارکبادوں اور نیک خواہشات سے بھر گیا۔
ایک مداح نے لکھا، ’’رمضان مبارک! اللہ آپ کو اچھی صحت اور خوشی دے۔‘‘ جبکہ ایک اور نے تبصرہ کیا، ’’ماشاللہ رمضان کریم۔‘‘
کچھ مداحوں نے اداکارہ کی صحت کےلیے دعائیں بھی کیں، ایک صارف نے لکھا، ’’اللہ ہمارے نیک اعمال کو قبول فرمائے، ہمارے گناہوں کو معاف فرمائے، اور پریشانیوں کو آسان فرمائے۔‘‘
یہ بات قابل ذکر ہے کہ حنا خان گزشتہ سال جون میں اسٹیج 3 بریسٹ کینسر کی تشخیص کے بعد سے اپنی صحت کی بحالی کی جدوجہد میں مصروف ہیں۔ انہوں نے ایک انٹرویو میں بتایا تھا کہ انہیں کچھ علامات محسوس ہو رہی تھیں، لیکن انہیں اندازہ نہیں تھا کہ صورتحال اتنی سنگین ہوسکتی ہے۔ تاہم، حال ہی میں انہوں نے اپنی کیموتھراپی مکمل ہونے کا اعلان کیا ہے اور وہ صحت یابی کی طرف گامزن ہیں۔
حنا خان آخری بار ٹی وی سیریز ’گرہ لکشمی‘ میں نظر آئی تھیں، جو جنوری میں ریلیز ہوئی تھی۔ انہوں نے اپنی صحت کے ساتھ ساتھ اپنے کیریئر پر بھی توجہ مرکوز رکھی ہے، اور اپنے مداحوں کو ہر قدم پر اپ ڈیٹ کرتی رہتی ہیں۔
ذریعہ: Daily Mumtaz
کلیدی لفظ: انہوں نے
پڑھیں:
صدر مملکت کی امت مسلمہ کو رمضان کی مبارکباد،غریبوں ور مستحق افراد کو یاد رکھنے کی تلقین
صدر مملکت کی امت مسلمہ کو رمضان کی مبارکباد،غریبوں ور مستحق افراد کو یاد رکھنے کی تلقین WhatsAppFacebookTwitter 0 1 March, 2025 سب نیوز
اسلام آباد(آئی پی ایس )صدر مملکت آصف علی زرداری نے قوم کو رمضان المبارک کی مبارکباد پیش کی ہے۔اپنے پیغام نے صدرک مملکت نے کہا ہے کہ میں پوری پاکستانی قوم اور امت مسلمہ کو رمضان المبارک کے بابرکت مہینے کے آغاز پر مبارکباد پیش کرتا ہوں،رمضان المبارک رحمت، مغفرت اور جہنم سے نجات کا مہینہ ہے۔رمضان تزکیہ نفس، صبر، استقامت، ہمدردی، مساوات اور اتحاد و یگانگت کا درس دیتا ہے۔
رمضان المبارک تقوی، اخلاص اور قربِ الہی حاصل کرنے کا بہترین موقع ہے۔رمضان میں غربا و مساکین کی حاجت روایی کریں، معاشرے میں ایثار و قربانی کے جذبے کو فروغ دیں۔رمضان مسلمانوں کے لیے انفرادی اور اجتماعی سطح پر اصلاح کا ماحول پیدا کر کے اپنی زندگیوں کو از سر نو شروع کرنے کا بہترین موقع فراہم کرتا ہے۔رمضان المبارک ہمیں ضرورت مندوں اور محروم طبقات کی تکلیف کا احساس بھی دلاتا ہے۔رمضان المبارک کا پیغام یہی ہے کہ ہم اپنی ذات سے بلند ہو کر دوسروں کی مدد کریں۔
پاکستانی قوم سے اپیل کرتا ہوں کہ اس مبارک مہینے میں خیرات و صدقات میں بڑھ چڑھ کر حصہ لیں، ضرورت مند افراد کا خاص خیال رکھیں۔ہمیں اپنی استطاعت سے بڑھ کر غریبوں کا سہارا بننے کی ضرورت ہے۔اللہ تعالی ہمیں رمضان المبارک کی برکتوں سے مستفید ہونے، صبر و تقوی اختیار کرنے، اور امتِ مسلمہ کی فلاح و بہبود کے لیے اپنا کردار ادا کرنے کی توفیق عطا فرمایے۔میں اللہ تعالی کے حضور دعا گو ہوں کہ یہ مہینہ ملک پاکستان کیلیے امن و استحکام اور ترقی اور خوشحالی کا پیغام لیکر آ ئے۔
پی ٹی آئی رہنما اور سابق صوبائی وزیر میاں اسلم اقبال کے ڈیرے سے لاش برآمد