آسکر ایوارڈز: 'انورا' کی دھوم، پانچ ایوارڈ اپنے نام کیے
اشاعت کی تاریخ: 3rd, March 2025 GMT
اسلام آباد (اُردو پوائنٹ ۔ DW اردو۔ 03 مارچ 2025ء) ایک سیکس ورکر پر مبنی فلم "انورا"، جو ایک روسی اشرافیہ کے بیٹے کے ساتھ فرار ہو جاتی ہے، نے پانچ اکیڈمی ایوارڈ اپنے نام کیے ہیں۔ اس میں ہدایات کار شان بیکر کے لیے بہترین ہدایت کاری اور بہترین فلم کا ایوارڈ بھی شامل ہے۔
اداکارہ مکی میڈیسن نے اس فلم میں نیویارک کی 23 سالہ سیکس ورکر کا کردار ادا کیا، جنہیں پہلی بار اس انعام کے لیے نامزد کیا گیا تھا اور انہیں اس کے لیے بہترین مرکزی اداکارہ کا اعزاز حاصل ہوا۔
انہوں نے اپنی تقریر کے دوران سیکس ورکر کمیونٹی کی یہ کہتے ہوئے حوصلہ افزائی کی کہ وہ ان کی "حمایت کرتی رہیں گی اور ان کی اتحادی رہیں گی۔"لاس اینجلس کی جنگلاتی آگ، ایک لاکھ افراد کو نکلنے کا حکم
'انورا' میں ایک ناکام رومانس کے بعد میڈیسن کے کردار کو جہد مسلسل کرتے ہوئے دکھایا گیا ہے اور یہ فلم صرف چھ ملین ڈالر کی لاگت سے بنائی گئی تھی۔
(جاری ہے)
بہترین ہدایت کار کے طور پر اپنا پہلا آسکر جیتنے والے بیکر نے کہا: "میں واقعی ایک آزاد فلم کو سراہنے پر اکیڈمی کا شکریہ ادا کرنا چاہتا ہوں۔ یہ فلم ناقابل یقین انڈی فنکاروں کے خون، پسینے اور آنسوؤں پر بنائی گئی تھی۔" انڈی فنکار ایسے موسیقاروں کو کہتے ہیں جو اکثر کم بجٹ اور آزادانہ طور پر موسیقی تخلیق کرتے ہیں۔
ہلاکت خیز آتش زدگی کے بعد ڈولبی تھیٹر میں آسکر کی واپسیکامیڈین کانن اوبرائن نے پہلی بار آسکر تقریب کی میزبانی کی، جو جنوری میں لاس اینجلس میں لگنے والی بھیانک آگ کے بعد ڈولبی تھیٹر میں منعقد ہوئی۔
تقریب کے دوران اسٹیج پر موجود متعدد فائر فائٹرز کا بھی خیرمقدم کیا گیا اور ان کی تعریف کے ساتھ ہی تباہ کن جنگل کی آگ کو بجھانے کے لیے ان کے کام پر شکریہ ادا کیا گیا۔
'اوپن ہائمر‘ نے آسکرز کا میلہ لوٹ لیا
ایڈرین بروڈی کو بہترین اداکار کا ایوارڈساڑھے تین گھنٹے کی طویل فلم 'دی براٹالسٹ' میں اہم کردار ادا کرنے کے لیے اداکار ایڈرین بروڈی نے بہترین اداکار کا ایوارڈ حاصل کیا۔
یہ فلم ہنگری کے تارکین وطن اور ہولوکاسٹ سے بچ جانے والے ایک ایسے شخص کی کہانی پر مبنی ہے، جو جنگ کے بعد کے امریکہ میں اپنی زندگی کو تعمیر کرنے کی کوشش کر رہا ہے۔بروڈی نے پچھلی بار بھی فلم "دی پیانوسٹ" میں اداکاری کے لیے آسکر جیتا تھا اور اس کے بعد کرداروں کے لیے اپنی جدوجہد کو بیان کرتے ہوئے کہا، "اداکاری ایک بہت نازک پیشہ ہے، یہ بہت دلکش لگتا ہے اور یہ مخصوص لمحات میں ہوتا ہے، لیکن ایک چیز میں نے سیکھی ہے۔
۔۔۔۔ وہ یہ ہے اس پر کچھ نقطہ نظر ہونا بھی ضروری ہے۔"غیر قانونی مہاجرت کا ہولناک سفر، اکیڈمی ایوارڈز کی تقریب میں
اینیمیٹڈ فیچر میں لاتویئن فلم 'فلو' کو آسکرابتدا میں ہی سب سے حیران کن لمحہ بہترین اینیمیٹڈ فیچر فلم کے زمرے میں دیکھنے کو آیا۔ اور اس زمرے میں بغیر الفاظ والی لاتویئن فلم "فلو" نے ڈریم ورکس اینیمیشنز کی "دی وائلڈ روبوٹ" کو شکست دے کر آسکر اپنے نام کر لیا۔
فلم "فلو" سیلاب زدہ دنیا میں ایک بلی سے متعلق ماحولیاتی تمثیلی فلم ہے اور کسی بھی لاتویئن فلم کے لیے یہ پہلا آسکر ایواڈ ہے۔
آسکرز، 'ایوری تھنگ ایوری ویئر آل ایٹ ونس' کی بڑی جیت
ایرانی فلم ساز شیرین سوہانی اور حسین علمی نے بھی اپنی انیمیٹیڈ مختصر فلم "ان دی شیڈو آف دی سائپرس" کے لیے اپنا پہلا اکیڈمی ایوارڈ حاصل کیا۔
یہ دوسری ایرانی اینیمیٹڈ یا لائیو ایکشن شارٹ فلم تھی، جسے آسکرز میں نامزد کیا گیا تھا اور جیتنے والی پہلی فلم بنی۔
فلم ساز تقریب سے چند گھنٹے قبل ہی امریکہ پہنچے تھے، جنہوں نے لاس انجلس میں سڑک کے اس پار بی بی سی کے دفتر میں عوامی بیت الخلاء میں اپنا لباس تبدیل کیا اور وہیں سے تقریب میں پہنچے اور ایوارڈ حاصل کیا۔
ان کی اس فلم میں کوئی ڈائیلاگ نہیں ہے اور یہ ایک سابق کپتان کے بارے میں ہے جو پی ٹی ایس ڈی (ایک طرح کی ذہنی بیماری) میں مبتلا ہوتا ہے۔
ص ز/ ج ا (نیوز ایجنسیاں)
.ذریعہ: UrduPoint
کلیدی لفظ: تلاش کیجئے کیا گیا کے لیے کے بعد ہے اور
پڑھیں:
عازمین حج کیلیے رواں برس بہترین سہولیات کا انتظام کیا گیا ہے، وزیر مذہبی امور
کراچی:وفاقی وزیر مذہبی امور نے کہا ہے کہ عازمین حج کے لیے رواں برس بہترین سہولیات کا انتظام کیا گیا ہے۔
کراچی میں حاجی کیمپ میں میڈیا سے بات چیت کرتے ہوئے وفاقی وزیر مذہبی امور سردار محمد یوسف نے بتایا کہ میں یہاں عازمین حج کی ٹریننگ کے مراحل دیکھنے آیا ہوں۔ وزارت کا عملہ یہاں موجود ہے تاکہ انتظامی طور سب عازمین حج کو سمجھا سکیں ۔
انہوں ے بتایا کہ اس سال سرکاری اسکیم کے تحت 89 ہزار عازمین حج کی ادائیگی کریں گے۔ باقی تیاریاں بھی مکمل ہیں، کوشش ہے کہ کسی کو کوئی مشکلات درپیش نہ ہوں۔ انہوں نے کہا کہ وزیراعظم نے میری ذمے داری لگائی ہے کہ تمام انتظامات اچھے ہوں۔
وزیر مذہبی امور کا کہنا تھا کہ 2013 سے 2018 تک کا اچھا تجربہ رہا ہے۔ سب سے سستا اور اچھا انتظام اس وقت کیا گیا تھا ۔ اس وقت دوبارہ ذمے داری عائد کی گئی ہے کہ زیادہ سے زیادہ سہولیات فراہم کی جائیں۔ کراچی سے 21600 عازمین روانہ ہوں گے۔
انہوں نے بتایا کہ پاکستان سے جو عازمین حج جائیں گے، کوشش ہے ان کی تعلیمات اور سہولیات مکمل ہوں۔ ہر گروپ کے ساتھ ناظم ہوگا تاکہ کوئی مسئلہ درپیش نہ آئے۔ مکہ میں حجاج کرام اور عزیزیہ میں سب کے لیے اچھی عمارتیں لی گئی ہیں۔ وہاں اسپلٹ اے سی کا انتظام بھی کیا گیا ہے۔ اسی طرح اس سال ایگریمنٹ میں شامل ہے کہ شیلف لگائے جائیں۔ ٹرانسپورٹ کا انتظام بھی بہترہے۔
امریکا میں رواں ماہ ہزار سال کا بد ترین سیلاب آنے کا امکان ہے، ناسا